MENGKAAA 2:10 - Wunta Mempori

¹⁰ Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

MENGKAAA 2:10 ပူးပေါင်းရင်းမြစ်များ

Po'unde-unde 31:23

A laro sala-laroku hori aku mepau, ”Tinadi akumo inso i aro-Miu.” Sine menteeano Omiu rumongeo po'emaku, tempono kupebooli ndi Omiu mepetulungi.

Ponsabangi 3:57

Omiu umpeda tempono kupoboi-Komiu, Omiu mepau, Sii doito!”

Danieli 1:12

”Arahakono a atamiu andiodo i larono hopulu oleo: Po'ineeomo ipoweeakami inahu kaangamami ka uwoi inuamami.

Danieli 1:14

Po'emado atuu pinerorongeako, ka i'amba inarahakoomo ndi ondae i larono hopulu oleo.

Habaku 2:3

Hangano pongkita atuu da monsikori tempono, sine ta ronga te'aro a mpoko'ariano, ka komba pompopo'oo. Maupo nahi ronga hawe, sikoriomo, hangano mongkona atuu manasa ta hawe ka nahi ta tepotulu.

I MATIU 10:22

Ka ira me'o'aliaakomiu luwuno mia hangano nee-Ku; sine mia anu mompedato hawe a pokotompaano ta tekadudui.

I MATIU 10:28

Ka si medoitoako ira anu mokompopepate koroi, sine anu nahi pabawa mompepate sumanga; laluaopo imedoitoako Ira anu pabawa mompepate moiko sumanga maupo koroi a laro naraka.

I MATIU 24:13

Sine mia anu mompetea hawe pokotampulaano ta tekadudui.

I MARAKUSU 13:13

Ira me'o'aliaakomiu luwuno mia hangano nee-Ku. Sine mia anu mompetea hawe a pokotampulaano onae ta tekadudui.”

I MARAKUSU 8:35

Hangano isema anu ineheno kumaduduio penaano, ta tetadi penaano; sine ba isema tetadi penaano hangano Ongkue ka hangano Lele Mawongkoa, onae ta kumaduduio.

I LUKASI 21:12

Sine se'eluno luwuno atuu komiu merinako ka mebinobarasai; komiu mempineweengako a hadio raha tepumpua ka torungku, ka komiu mempino'aro a hadio mokole ka anu mempabawa hangano nee-Ku.

I YOHANE 12:25

Ba isema kumekewoio penaano, onae ta tetadi penaano, sine ba isema nahi kekewoio penaano i wawontolino andio, onae ta mekariao tiano tuwua anu nahina tampulaano.

I YOHANE 13:2

Kontongaado mpongkaa mperonga, ka ipetanga-tangaakonomo i Mosa'o tinoono i laro aroano i Yudasi Karioti, anano i Simo, ka ipeweengako Ira.

I YOHANE 13:27

Ka umarino tumarimao i Yudasi roti atuu, ipewinsokio i Mosa'o. Onaemo ka Dopotaeakono i Yesu, ”Hapa anu komingki weweuo, pontuturakomo weweuo.”

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

WINEWEUDO TINENA 21:13

Sine sumangki i Paulu, ”Tembio ka impengese ka ba kanandio imerago-ragoo aroaku? Hangano ongkue andio tetinda komba butu ka kupinongu, sine saru mbo'u mate i Yerusale hangano nee-Do Ue Yesu.”

1 KORINTI 9:25

Sompo-sompo mia anu metonda a mpetandia, ka ipokompeteao koroino a luwuakoano. Domeweweuo kanandio ka dompohawe ramba-ramba ulu anu ta tampula, sine ontae ka tompohawe ramba-ramba ulu anu nahina tampulaano.

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

EPESU 6:12

hangano peteahakoto komba mo'ewai rea ka ihi, sine umewai ira anu mpeparenta, umewai ira anu mempabawa, umewai ira petewawa wawontolino anu wongi-wongi andio, umewai ira onitu nsa'o i laro meene.

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

1 PETURU 5:4

Ka omiu, tewala hawe Ira Puu Pompakambi Langkai, komiu mpontarima ramba-ramba ulu marambaa anu nahi pokomoleu.

1 PETURU 5:8

Intelikemo ka impedaga-dagaimo! Anu umewai komiu, i Mosa'o, melempa metanggolili mengkena kana singa anu mengaoli ka mo'ungke mia anu pinokoteleno.

MENGKAAA 13:14

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 13:2

Kondehora anu kinitaku atuu mengkena kana nggapu langkai meboti-boti, ka karuno kana karuno berua ka ngangano kana ngangano singa. Ka naga atuu moweeakono rosono, ka kadera poparentaano ka pabawano anu langkai.

MENGKAAA 13:7

Ka onae ineheako ka ipetea umewai ira mia mempori ka inangi ira; ka ndi onae pinoweeako pabawa a sompo suku ka bawaa ka pau ka tongku.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 2:13

Kuto'orio ba isua upo'ia, onaemo i ra'ai, a mpo'iangano kadera poparentaano i Mosa'o; ka omue me'ini a nee-Ku, ka komba uhapuo pompe'ala-alamu ndi Ongkue, naahi koa mbo'u a tempono i Antipasi, sakosii-Ku, anu metenunu ndi Ongkue, anu pinepate i aromiu, a mpo'iangano i Mosa'o.

MENGKAAA 2:9

Kuto'orio pinemasusamu ka mongkokolaromu – sine kaeako – ka pomposebedo, anu mempauo koroido to Yahudi, sine anu menteeano komba kanandio: tendeano ondaemo bawaano i Mosa'o.