MENGKAAA 19:7 - Wunta Mempori

⁷ Aiwamo tompo'unde ka mengkokora-kora memawongko, ka melangkai Ira! Hangano oleo petaoa-Do Ana Bimba haweakoomo, ka umbu ngkoroi-Do tetindaomo.

MENGKAAA 19:7 ပူးပေါင်းရင်းမြစ်များ

Po'unde-unde 107:42

Luwuno mia mentee mengkitao, ka do'amba memawongko, sine luwuno molengkua mpekomu.

Po'unde-unde 48:11

Kana nee-Miu, oo Ue Ala, kanatuumo telele-Miu hawe i tompano tolino; kae ngkoana-Miu bukeako moleoa.

Po'unde-unde 9:14

Ipehohawa akumo, oo Ue; kitaomo tedoa marasaino ongkue, hangano anu me'o'aliaakune, oo Omiu, anu tumande aku inso a mpewowa langkaino matea,

Powadi 29:2

Tewala mia mentee tetiangi hadio, mpo'unde iramo palili, sine tewala mia mosa'o gauno moparenta, pompau iramo pinemasusado palili.

Penani Maramba 3:11

luwuno ana beine Sioni, peluarakomo ka kitaomo mokole Solema saru ramba-ramba uluno anu ipokonaakono ineno a oleo petaoano, a oleo mawongkoano aroano.

Yesaya 52:1

Pekaangakomo, Pekaangakomo! Pokonaomo rosomu, hei Sioni! Pokonaomo sangka pinelangkaimu, hei Yerusale, kota anu mempori! Hangano, mia anu nahi petindi ke anu mokoburu nahi ta mewinso mbo'u i laromu.

Yesaya 62:5

Hangano, kana asa mangalitau gagi kombiano asa ana beine, kanandiomo Ondae anu wanguko Ira gagi tamamu, ka kana mawongkono aroano asa umbungkoroi kumitao umbungkoroi beineno, kanandiomo Ondae Ue Ala Ira mawongkoakomu.

Yesaya 66:10

Memawongkomo saru Yerusale, ka imengkokora-koramo memawongko hangano onae, hei luwuno mia anu kumekewoio! Mawongkomo saru onae temawongko ntu'u, hei luwuno mia anu mpo'inombo hangano onae!

Yesaya 66:14

Tempono imengkitao, aroamiu ta mawongko, ka komiu kana ewo anu tuwu mewalo; ka kae-Do i Ue ta mengkaa a luwuno tetenaa-Do, ka tekuda-Do a luwuno iwali-Do.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

I MATIU 1:20

Sine tempono ipewowoloo tinoono atuu, ikitaomo mala'eka-Do i Ue a mo'ipino ka ipotae, ”I Yusupu anano i Daudi, sidoito umalao i Maria gagi beinemu hangano nana'ote a laro pe'anakaano onaemo inso a Penaa Mempori.

I MATIU 22:2

”Mongkona Poparentaa Suruga pinotundaako kana asa mokole, anu moweweu pelimbua a petaoano anano.

I LUKASI 12:36

Ka impengkenamo kana mia anu mponsisikori uedo anu mekule inso a mpetaoa, nde ba ihawe metingko-tingko a ntondo, ka doronga inungkahiako.

I YOHANE 3:29

Anu me'umbuo umbu ngkoroi beine, onaemo umbu ngkoroi tama; sine sambe'eno umbu ngkoroi tama, anu mentade i horino ka anu merorongeakono, tedoa mawongko aroano rumongeo suarano umbu ngkoroi tama atuu. Onaemo mokomawongkoo aroaku, ka kanandio-andio mawongkoomo ntu'u aroaku.

2 KORINTI 11:2

Hangano kumosiriakomiu mosiri-Do i Ue. Hangano kupoposamborakomiumo a asa tama ka iwawa komiu kana ana beine moondo mempori ndi Ondae i Kerisituu.

EPESU 5:23

Hangano tama onaemo uluno beine mengkena kana Ondae i Kerisituu uluno bawaa. Ondaemo anu kumaduduio koroi.

EPESU 5:32

Rahasia andio langkai, sine anu tinooku onaemo penggoea-Do i Kerisituu ka bawaa.

Winali 32:43

Impo'unde-undemo luwuno tongku hangano Dopombaloakono reado luwuno tetenaa-Do, Ondae mombalo tinoo a iwali-Do, ka moweweu pesintuwua tia wita ka bawaa-Do.”

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

MENGKAAA 11:13

I tempo atuu gagiomo leelu anu tedoa meroku ka asa ntia hopulu inso a ngkota atuu tebangku, ka pitu nsowu mia memate hangano leelu atuu ka mia susua tedoa medoito, ka do'amba me'unde-unde Ira Ue Ala anu i suruga.

MENGKAAA 19:9

Ka i'amba motaeakune, ”Buriomo: Meme'ura iramo anu me'inolu a mpelimbua petaoa-Do Ana Bimba.” Ipotaeakune mbo'u, ”Pau andio mentee, luwuno pau inso ndi Ondae Ue Ala.”

MENGKAAA 21:2

Ka kukitao kota anu mempori, Yerusale anu wo'ohu, metii inso i suruga, inso ndi Ondae Ue Ala, anu meramba-ramba kana umbu ngkoroi beine anu meparakai tiano tamano.

MENGKAAA 21:9

Ka haweomo asa mia inso a opitu mala'eka anu mpo'ini opitu tonde, anu bukeako opitu masolaa poko'ariano atuu, ka i'amba motaeakune, ipotae, ”Aiwamo i ndi'ai, aku tumisoakomu umbu ngkoroi baine, umbu ngkoroi-Do Ana Bimba.”

1 Samueli 2:1

Mekakaiomo i Hana, ”Aroaku mawongko hangano Omiu Ue, rosoku Itandeo, kupengingisii ira luwuno iwaliku, mawongko aroaku hangano pontulungi-Miu.