MENGKAAA 19:6 - Wunta Mempori

⁶ Ka ku'amba rumongeo kana suarano mia hadio a tepumpua langkai, kana unino lolowi ka kana u'uruno rundu anu meroku, dompotae, ”Haleluya! Hangano Ondae i Ue, Ue Alato, Anu Tedoa Pabawa, gagi Iramo mokole.

MENGKAAA 19:6 ပူးပေါင်းရင်းမြစ်များ

Ayubi 40:9

Ka aku mbo'u umunde-undeko, tewala kae ngkoanamu moweeko ponangia.”

Po'unde-unde 47:2

Hei luwuno tongku, pontopamo, totowo Iramo Ue Ala saru pebooli mawongko!

Po'unde-unde 47:7

Penanimo unde-unde Ira Ue Ala, penanimo unde-unde Ira, penanimo unde-unde Ira Mokoleto, penanimo unde-unde Ira!

Po'unde-unde 77:18

Luwuno seru mpo'uwu uwoi, luwuno seru me'u'uru, tendeano ana mpana-Miu mpene-nee.

Po'unde-unde 93:1

Ondaemo i Ue Mokole, Ondae mesangka marambaa, Ondae i Ue mesangka, meboo ntongaako roso. Mentee ntu'u tolino mentade, nahi ta telelu;

Po'unde-unde 97:1

Ondaemo i Ue Mokole! Po'ineeomo tolino ka ikokora-kora, po'ineeomo domemawongko luwuno togo!

Po'unde-unde 97:12

Mawongkomo hangano Ondae i Ue, hei luwuno mia mentee, ka unde-undeomo nee-Do anu mempori.

Po'unde-unde 99:1

Ondaemo i Ue Mokole, po'ineeomo ka dompondidi-ndidi luwuno tongku. Ondae mo'ia i wawono kerubi, po'ineeomo ka itelelu tolino.

Yesaya 52:7

Tekosi ntu'u iwawono luwuno pongku pelela-lelano mia anu mowawa lele, anu mompalele lele rodoa ka paleleo lele moiko, anu paleleo lele tekadudui ka motae ndi Sioni, ”Ondae Ue Alamu moparenta gagi mokole!”

Yeremia 51:48

Langi ka tolino saru luwuno anu kongko i larono ira mpebooli memawongko mongkona Babeli, tempono anu mponsolangi mehawe ndi onae inso i utara, kanandiomo pau-Do i Ue.

Yehesikieli 1:24

Tempono dompelempa, kurongeo unino panino kana unino uwoi mentoa anu u'uru, kana suara-Do Anu Tedoa Pabawa, kana suara magagado sorodadu. Tempono dompenaa-naa, ipo'inee panino telupe.

Yehesikieli 43:2

Mentee ntu'u, maramba-Do Ue Alado to Isaraeli hawe inso i sabaano oleo, suara-Do kana u'uruno uwoi mentoa, ka tolino mewanta hangano maramba-Do.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

MENGKAAA 1:15

Ka karu-Do mangkilo kana mala motaha a laro api; suara-Do kana u'uruno lolowi.

MENGKAAA 1:8

”Ongkuemo Alfa ka Omega, pau-Do Ue Ala, anu kongko ka anu kongko Iramo ka anu Ira hawe, Anu Tedoa Pabawa.”

MENGKAAA 12:10

Ka kurongeo suara anu meroku i suruga motae, ”Kanandio-andio haweomo tekaduduia ka pabawa ka poparentaa-Do Ue Alato, ka pabawa-Do anu inurapi-Do, hangano pinetadiakoomo i totono anu mosebe ira pepaekompoto, anu mosebe ira meene ka wongi i aro-Do Ue Alato.

MENGKAAA 14:2

Ka kurongeo aasa suara inso i langi kana unino lolowi ka kana u'uruno rundu anu mongkokongiri. Ka suara anu rinongeku atuu kana unino anu mpemae katapi mpemaeakono katapido.

MENGKAAA 19:1

Ka i'amba umarino atuu kurongeo kana suara anu meroku inso a tepumpua langkai mia hadio i suruga, dompotae, ”Haleluya! Tekaduduia ka marambaa ka pabawa onaemo ndi Ondae Ue Alato,

MENGKAAA 19:4

Ka rua pulu ka opaa mia mempinemota'u ka opaa anu tuwu atuu mpenggolontu ka mpesombai Ira Ue Ala anu mentoro a wawo ngkadera poparentaa atuu, ka dompotae, ”Ami, Haleluya.”

MENGKAAA 21:22

Ka nahi kupongkita Raha Mempori i larono; hangano Ondae Ue Ala, Ue Anu Tedoa Pabawa, Ondae Raha Mempori, kanatuu koa mbo'u Ondae Ana Bimba atuu.

MENGKAAA 4:5

Ka inso a ngkadera poparentaa atuu meluarako koliki ka unino rundu anu u'uru, ka opitu pansona kolanga-langa i arono kadera poparentaa atuu: onaemo atuu opitu Penaa-Do Ue Ala.

MENGKAAA 6:1

Ka kukitao Ana Bimba atuu umungkahio anu amba-ambano inso a opitu pontondoni atuu, ka kurongeo anu amba-ambano inso a opaa anu tuwu atuu mepau saru suara kana unino rundu, ”Aiwa!”

MENGKAAA 8:5

Ka i'amba mala'eka atuu umalao pontunua dupa atuu, umihiiakono api inso a meda pontunua pesomba, ka metadiakono i tolino. Ka lumpaomo unino rundu, itondao koliki ka leelu.