MENGKAAA 19:4 - Wunta Mempori

⁴ Ka rua pulu ka opaa mia mempinemota'u ka opaa anu tuwu atuu mpenggolontu ka mpesombai Ira Ue Ala anu mentoro a wawo ngkadera poparentaa atuu, ka dompotae, ”Ami, Haleluya.”

MENGKAAA 19:4 ပူးပေါင်းရင်းမြစ်များ

1 Tawarika 16:36

Inunde-unde Iramo i Ue, Ue Alado i Isaraeli, inso i ndi'ipua hawe nahina tampulaano. Ka i'amba luwuno bawaa mpotae, ”Ami! Unde-unde Iramo i Ue!”

Nehemia 5:13

Ongkue mbo'u metapisakono lupino lembaku kakupotae, ”Kanatuumo sompo mia anu nahi ihiio dandi andio, Ira tumapisakono Ue Ala inso a rahano ka hinaweno a mpe'iseino. Kanandiomo i tinapisako ka gagi mongkokolaro.” Luwuno bawaa mpotae, ”Ami,” ka do'amba umunde-unde Ira i Ue. Palili mbo'u umihiio dandino atuu.

Nehemia 8:6

I Esera wileo wunta atuu domengkitao luwuno bawaa, hangano onae mentade lalu mantande inso a luwuno mia atuu. Tempono iwileo, luwuno mia mpentade.

Po'unde-unde 104:35

Po'ineeomo ka ipingko mia tehala inso i wawontolino, ka po'ineeomo mia mosa'o gaudo nami hina mbo'u! Unde-unde Ira i Ue, hei sumangaku! Haleluya!

Po'unde-unde 106:48

Unde-unde Iramo i Ue, Ue Alado to Isaraeli, inso nahina tampulaano hawe nahina tampulaano, ka po'ineeomo luwuno bawaa mpotae, ”Ami!” Haleluya!

Po'unde-unde 41:13

Sine Omiu tumumbo aku hangano moleono aroaku, Omiu mokoroso aku i aro-Miu ranta nahina tampulaano.

Po'unde-unde 72:19

Ka inunde-undeomo nee-Do anu maramba nahina tampulaano, ka po'ineeomo maramba-Do buketio asa wawontolino. Ami, ami.

Po'unde-unde 89:52

Luwuno iwali-Miu mpotata, oo Ue, mentatao pelempano mia anu inurapi-Miu.

Yeremia 28:6

motae nabi Yeremia, ”Ami! Po'ineeomo Ondae i Ue weweuo kanandio! Po'ineeomo Do'ihiio i Ue luwuno pau anu pinaumu ta gagi atuu ka ipinokule luwuno parewano Raha-Do i Ue ka luwuno mia mentinadi inso i Babeli a mpo'ianga andio.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

1 KORINTI 14:16

Hangano, tewala omue butu montarimakasiako penaamu, kana'umpeke mia anu mehawe mporonge mpokompotae ”ami” a mpontarimakasimu? Kombake onae nahi to'orio hapa anu pinaumu?

MENGKAAA 15:7

Ka aasa inso a opaa anu tuwu atuu moweeako ira opitu mala'eka atuu opitu tonde inso a wulaa anu buke me'ihi tekuda-Do Ue Ala, onaemo Ondae Ue Ala anu tuwu ranta nahina tampulaano.

MENGKAAA 19:1

Ka i'amba umarino atuu kurongeo kana suara anu meroku inso a tepumpua langkai mia hadio i suruga, dompotae, ”Haleluya! Tekaduduia ka marambaa ka pabawa onaemo ndi Ondae Ue Alato,

MENGKAAA 19:3

Ka anu kompenduano dompotae, ”Haleluya! Oo, ahuno mewuatako hawe nahina tampulaano.”

MENGKAAA 19:6

Ka ku'amba rumongeo kana suarano mia hadio a tepumpua langkai, kana unino lolowi ka kana u'uruno rundu anu meroku, dompotae, ”Haleluya! Hangano Ondae i Ue, Ue Alato, Anu Tedoa Pabawa, gagi Iramo mokole.

MENGKAAA 5:14

Ka opaa anu tuwu atuu mpotae, ”Ami.” Ka mia mempinemota'u atuudo ntebangku mpenggolontu ka mpesomba.