MENGKAAA 19:20 - Wunta Mempori

²⁰ Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.

MENGKAAA 19:20 ပူးပေါင်းရင်းမြစ်များ

Tegagia 19:24

Ka Do'amba i Ue mompotiiakono Sodomo ka Gumora usa walira ka api anu pu'uno inso ndi Ondae i Ue, inso i langi;

Ayubi 18:15

A laro ngkemano mo'ia hapa anu komba pine'ueno mbo'u, i wawono po'iangano rinawoako walira.

Po'unde-unde 11:6

Do'usaiako ira mia mosa'o gauno waro me'api ka walira; angi anu mompokomo'ai, onaemo ihino pialado.

Yesaya 30:33

Hangano inso i ndi'ipua inatoraomo po'ianga pontunua, anu mbo'u pinatindaako mokole, pompotuwua api wineweu ondalo ka malua, buke api ka keu; penaa-Do i Ue mokomo'aio kana korono walira.

Yesaya 34:9

Luwuno korono i Edomi ta bali gagi tere, ka witano gagi walira; witano ta gagi tere anu kolanga-langa.

Yehesikieli 24:5

Alaomo bimba anu tebiniki, ka potudaomo mbo'u keu ponahu i totono, po'ineeomo ninahu atuu ka irede ka luwuno wukuno gagi molusa i larono.

Yehesikieli 38:22

Aku humukuakono haki lele ka rea. Aku mompotii usa marombo, usa seru baku, api, ka walira i wawono, a wawo nsorodaduno, ka a wawo hadio tongku anu tumondao.

Danieli 11:45

Onae ta mompontade kema langkaino pabawano i olono tahi ka Torukuno Tekosi anu mempori atuu. Sine ta humaweo mateano ka nahina maupo te'asa mia tumulungio.”

Danieli 8:24

Rosono ta tedoa langkai, sine nahi pengkena rosono anu se'elu, ka onae ta mowawa matea anu mongkokongiri, ka hapa anu wineweuno ta mehasili. Mia mempabawa ta mepate ira, saru mbo'u bawaado mia mempori.

Danieli 8:26

Ndio mbo'u pongkita mongkona ngkiniwia ka mo'oru atuu, hapa anu pinau atuu mentee. Sine omue, naaomo ilaro aroamu pongkita atuu, hangano pongkita atuu mongkona oleo lembuino anu da olai.”

I MATIU 7:15

”Imetangkoro ira nabi mpegaupi anu mehawe ndi omiu kana bimba, sine menteeano ondae onaemo serigala anu lambaha.

Winali 29:23

Luwuno witano mo'aiako belera ka ohia, anu nahi rinawo, nahina hapa anu tuwu, ka nahina maupo pinopaho hapa anu me'umbaako inso ndi onae, kana i tempono Dowowangunsuleo Sodomo ka Gumora, Adema ka Seboimi, a laro ntekuda ka mokulano aroa-Do.

Yosua 8:23

Sine mokoledo to Ai domerakoo kotuwu-tuwu ka domewawao i arono i Yosua.

MENGKAAA 14:10

asalakono onae ta mo'inu anggoro tekuda-Do Ue Ala, anu pinatinda nahina salono a ntonde tekuda-Do; ka onae ta binobarasaiako api ka walira i arono matado mala'eka mempori ka i arono mata-Do Ana Bimba.

MENGKAAA 17:12

Ka hopulu tandu anu ukitaomo atuu onaemo hopulu mokole, anu napi dompompu'u mpomparenta, sine asa langku tehineno ira mpontarima pabawa kana mokole, mperonga saru kondehora atuu.

MENGKAAA 19:19

Ka kukitao kondehora atuu ka luwuno mokole i tolino saru luwuno sorodadudo mpepumpu iramo ira mpoweweu peteaa umewaio Anu Mesawi a ngara atuu ka sorodadu-Do.

MENGKAAA 20:10

ka i Mosa'o, anu mopo'oo ira, pinetadiako a laro ntahi api ka walira, onaemo po'iangano kondehora ka nabi megaupi atuu, ka binobarasai ira meene wongi ranta nahina tampulaano.

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

MENGKAAA 22:15

Sine luwuno dahu ka puu mposihiri, mia mebelesu, mia anu pompepate, anu mpesomba a lahumoa ka sompo mia anu kumekewoio pegaupi ka anu meleluakono, mpo'ia i bungkuno.

MENGKAAA 9:17

Ka kanandiomo kukitao a laro pongkita andio luwuno ngara ka mia anu mpesawiki ira; mpelemba labu ira, motaha kana api ka molowulu ka mongkuni walira sorano; Uludo ngara atuudo mengkena kana uluno singa, ka inso a ngangado mpeluarako api, ka ahu ka walira.