MENGKAAA 19:12 - Wunta Mempori

¹² Ka mata-Do kana langano api ka a wawo ulu-Do hadio ramba-ramba ulu ka ndi Ondae hinao teburi aasa nee anu nahina tumo'orio maupo te'asa mia, sangkadio Ondae isa'a.

MENGKAAA 19:12 ပူးပေါင်းရင်းမြစ်များ

Tegagia 32:29

Mesikenoomo i Yako, ”Pauakune ngkuda neemiu.” Sine isangkio, ”Tembio ka upesikenoakono neeku?” Ka i'amba rumonsoo i Yako i tu'ai.

Po'unde-unde 8:5

hapake mia, ranta ka Irambeo? Hapake anano mia, ranta ka Iperioo?

Peluarakoa 23:21

Impepenteeo, imerongeo pinauno. Si me'ewaio, nde nahi ta umoninio halamiu, hangano nee-Ku kongko ndi onae.

Powadi 30:4

Isemake anu mewuatako i suruga ka i'amba metii? Isemake anu pumpuomo angi a laro kungkuno? Isemake anu montongoomo uwoi a nsawu? Isemake anu pakosiomo luwuno tompano tolino? Isema neeno ka isema neeno anano? Omiu manasa tumo'orio!

Penani Maramba 3:11

luwuno ana beine Sioni, peluarakomo ka kitaomo mokole Solema saru ramba-ramba uluno anu ipokonaakono ineno a oleo petaoano, a oleo mawongkoano aroano.

Yesaya 62:3

Omue kogagi ramba-ramba ulu popelangkai a ngkae-Do i Ue ka peboo ulu poparentaa a ngkae-Do Ue Alamu.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Danieli 10:6

Koroino kana paramata Tarasisi ka rupano kana wantano koliki, Matano kana pansona anu melanga, tokiano ka karuno kana tesangkilono mala anu hinahi mangkilo ka unino pepauno kana unino rundu.

Sakaria 9:16

Ondae Ue Alado, ia oleo atuu anu kumadudui ira, bawaa-Do, kana bawaano bimba. Ondae kana luwuno paramatano ramba-ramba ulu anu tesosangkilo i wita-Do.

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I MATIU 21:5

”Pauakono ana beine Sioni: Kitao, Mokolemu hawe ndi omue, Ondae mauru ka mesawi a ngkalide, aasa kalide pateke anu mongura.”

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 17:11

Ka nami Kukongko mbo'u i wawontolino, sine ondae da mekongko ira i wawontolino, ka aiwa Aku ndi Omiu. Oo Ama anu mempori, Ipekaria iramo a nee-Miu, onaemo nee-Miu anu Iwee Akumo, ka domegagi aasa kana Ontae.

I YOHANE 17:12

Tempono Kupe'asaako ira, Kupekaria ira a nee-Miu, onaemo nee-Miu anu Iwee Akumo; Kudagai iramo ka nahina maupo te'asa mia inso ndi ondae anu mate sangkadio onae anu Ipakosiomo ka imate, ka i'inihii koa anu teburi a Wunta Mempori.

EPESU 1:21

olai lalu mantande inso a luwuno anu mpeparenta ka anu mempabawa ka pabawa ka poparentaa ka sompo nee anu pinokopau, komba butu i wawontolino andio, tendeano i wawontolino koa mbo'u anu ta hawe.

IBARANI 2:9

Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.

MENGKAAA 1:14

Ulu ka wuu-Do mopute kana wulu anu mopute ntu'u, ka mata-Do kana langano api.

MENGKAAA 12:3

Ka tengkitaomo aasa petondoni anu susua i langi; ka kitaomo, aasa naga motaha ntu'u anu langkai, me'ulu opitu ka metandu hopulu, ka a wawo uluno hinao opitu ramba-ramba ulu.

MENGKAAA 13:1

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

MENGKAAA 19:16

Ka a lemba meloe-Do ka pa'a-Do teburi aasa nee, onaemo, ”Mokoledo luwuno mokole ka Ue i wawono luwuno ue.”

MENGKAAA 3:12

Ba isema monangi, onae Aku mokogagio karuno a laro Raha Mempori-Do Ue Ala-Ku, ka onae nahi ta meluarako mbo'u inso i tu'ai; ka ndi onae Aku burio nee-Do Ue Ala-Ku, neeno kota-Do Ue Ala-Ku, onaemo Yerusale wo'ohu, anu metii inso i suruga inso ndi Ondae Ue Ala-Ku, ka nee-Ku anu wo'ohu.

MENGKAAA 6:2

Ka kukitao: menteeano, hinao aasa ngara mopute ka mia anu mesawikio mo'ini aasa pana ka ndi onae wineeako aasa ramba-ramba ulu. Ka i'amba lumako kana poponangi ka ihaweo ponangia.

Puu Mpobitara 13:18

Sine sumangki Mala'eka-Do i Ue atuu ndi onae, ”Tembio kau pesikenoakono nee-Ku? Nee atuu tedoa kinohali-haliako.”