MENGKAAA 18:6 - Wunta Mempori

⁶ Pombalomo ndi onae, mengkena kana onae mbo'u mombalo, ka weeakonomo meluka mpendua montonda inanggano, saloakonomo meluka mpendua a laro tonde ponsaloano;

MENGKAAA 18:6 ပူးပေါင်းရင်းမြစ်များ

Po'unde-unde 137:8

Hei ana beineno Babeli, anu ineheno mobobarasai, me'uraomo mia anu mombalo ndi omue luwuno wineweu anu wineweumu ndi omami!

Po'unde-unde 28:4

Ihuku iramo montonda wineweudo ka montonda peleludo anu mosa'o; Ihuku iramo menunu saru wineweuno kaedo, Isuloako iramo hapa anu wineweudo.

Yesaya 40:2

pokorodoomo aroano Yerusale ka pebooliakonomo ndi onae, nine tepe'ataano tompaanomo, nine salano puuliomo, hangano montarimaomo pohuku inso a ngkae-Do i Ue meluka mpendua hangano halano.

Yesaya 61:7

Gagi euno mokoko'iimiu anu meluka mpedua hadiono, ka gagi euno tesosa'ori, komiu mengkokora-kora mawongko hangano tia anu hinawemiu. Komiu mpohawe pusaka meluka mpendua i witamiu ka mawongkoa nahina tampulaano ta gagi tiamiu.

Yeremia 16:18

Amba-ambano Aku humukuo sala mpoweweu ka halado meluka mpendua hangano wita-Ku domengkokoburutiakonomo wata ngkoroino lahumoado anu mokoburu ka mebuketiakono wita-Ku wineweudo anu mokoburu.”

Yeremia 17:18

Po'ineeomo mia anu melampui aku mpohawe mokoko'ii, sine siimo kupinokoko'ii; po'ineeomo ka domedoito, sine siimo kupinokodoito! Ipotiiomo oleo masolaa ndi ondae, ka Irawo-rawoako iramo porawo-rawo meluka.

Yeremia 50:15

Peboolimo sapoio inso a luwuno siuno! Onae metenangiomo, luwuno benteno ntebangkuomo, luwuno rere watudo tehoaomo! Mentee ntu'u, onaemo pombalo-Do i Ue! Weweuomo pombaloa ndi onae, weweuomo ndi onae kana anu umari wineweuno!

Yeremia 50:29

Wawa iramo puu pompana umewaio Babeli, luwuno anu mompadii pana! Impekemamo mengkaduo, ka si hina anu tola! Pombalomo ndi onae menunu saru wineweuno, weweuomo ndi onae kana anu wineweuno! Hangano onae mompelangka-langkai ndi Ondae i Ue, ndi Ondae Anu Tedoa Mempori, Ue Alado to Isaraeli.

Yeremia 51:24

Aku mombalo ndi Babeli ka a luwuno palilino witado to kasidimi hangano luwuno mosa'oa anu domeweweuomo ndi Sioni, i arono matamu, kanandiomo pau-Do i Ue.

Yeremia 51:49

Babeli ta tedonta hangano to Isaraeli mempinepate mengkena kana tedontado mia anu mempinepate i asa wawontolino hangano Babeli.

Ponsabangi 3:64

”Omiu moweweu pombaloa ndi ondae, oo Ue, menunu saru wineweuno kaedo.

Sakaria 9:12

Pekulemo a ngkota bentemu, hei luwuno mia mentinaha anu buke pomperorohi! A oleo koa mbo'u andio Kupauakomiu: Aku moweeakomiu euno meluka mpendua!

2 TIMOTIU 4:14

I Alesanderi, puu mpolabu mala atuu, hadioomo ipoweweu mosa'o ndi ongkue. Ondae i Ue Ira mombaloakune montonda wineweuno.

MENGKAAA 13:10

Ba isema tinantui ka itinawa, onae ta tinawa; ba isema tinantui ka ipinepateako ponai, onae asalakono pinepateako ponai. Anu kinere i ndi'ai onaemo pompedato ka pompe'ala-alado mia mempori.

MENGKAAA 14:10

asalakono onae ta mo'inu anggoro tekuda-Do Ue Ala, anu pinatinda nahina salono a ntonde tekuda-Do; ka onae ta binobarasaiako api ka walira i arono matado mala'eka mempori ka i arono mata-Do Ana Bimba.

MENGKAAA 16:19

Ka i'amba tebansiomo kota langkai atuu gagi otolu ntia ka mentehoa iramo kotado luwuno tongku anu nahi domento'ori Ira Ue Ala. Ka Dorambeo Ue Ala Babeli anu langkai atuu ka Dopoweeakono tonde anu bukeako anggoro bamburuno tekuda-Do.

MENGKAAA 17:2

Hadio mokole i tolino mpebelesu iramo saru onae, ka anu mpo'ia i tolino memolanguako iramo anggoro pebelesuno.”

MENGKAAA 17:4

Ka beine atuu mesangka sawu wungo ka sawu kirimisi anu rinamba-rambaako wulaa, paramata ka mutiara, ka a ngkaeno hinao aasa tonde wulaa bukeako luwuno mokoburua ka mokoburuno pebelesuno.

MENGKAAA 18:20

Impo'undeakonomo, hei suruga, ka omiu, hei luwuno mia mempori, luwuno tinena ka luwuno nabi, hangano Ondae Ue Ala mompotii Iramo pohuku ndi onae hangano omiu.”