MENGKAAA 18:4 - Wunta Mempori

⁴ Ka ku'amba rumongeo suara susua inso i suruga motae, ”Imelakomo, hei bawaa-Ku, imelakomo inso ndi onae ka si mpo'ala tia a luwuno halano, ka si saru omiu inaluno luwuno masolaano.

MENGKAAA 18:4 ပူးပေါင်းရင်းမြစ်များ

Tegagia 19:14

Ka i'amba i Lo'oti meluarako ka mepau saru orua ira anu ta gagi ponino, anu ta kumombiao orua ira anano beine, ipotae, ”Ipentademo, peluarako inso a mpo'ianga andio, hangano kota andio Ira rumopuo i Ue.” Sine, orua ira anu ta gagi ponino kumitao i Lo'oti kana mia anu kontongaano mo'o'awati.

Po'unde-unde 50:18

Tewala omue mongkita anu monako, omue mewali-waliakono, ka mebawaa saru mia monsosabo.

Yesaya 48:20

Peluarakomo inso i Babeli, polaimo inso i Kasidimi! Pauomo saru kokora-kora mawongko ka paleleomo mongkona andio! Paleleomo hawe i tompano tolino! Pauomo, ”Ondae i Ue Dotolosiomo i Yako, tetenaa-Do!”

Yesaya 52:11

Pe'olaiakomo, pe'olaiakomo! Peluarakomo inso i ra'ai! Osi'i ntu'u omue tedanggiako anu mokoburu! Peluarakomo inso i tonga-tongano, pokomemporiomo koroimiu, hei mia anu mpontande parewano raha-Do i Ue!

Yeremia 50:8

Impolaimo inso i tonga-tongano Babeli, inso i witado to Kasidimi! Peluarakomo! Gagimo kana luwuno bembe lakino anu gagi petewawa a bawaano!

Yeremia 51:45

Peluarakomo inso i tonga-tongano, hei bawaa-Ku! Asalakono sompo mia kumaduduio penaano inso a ntekuda-Do i Ue anu tensila atuu!

Yeremia 51:50

Omiu anu mentola inso a mponai, imelakomo, si butu mpentade! Pewowolo Iramo i Ue inso olai ka po'ineeomo Yerusale ka ipe'umbaako mbo'u a laro mpinewowolomiu.

Yeremia 51:6

Polaimo inso i tonga-tongano Babeli, asalakono sompo mia kumaduduio penaano, ka si merinopu hangano salado! Hangano onaemo andio tempo pombaloa-Do i Ue; Ira mompowee pohuku ndi onae.

Yeremia 51:9

Kami mpokotompao Babeli, sine nahi ta tompa. Bintaomo onae, aiwamo tompekule singge mia lumako i witano! Mentee ntu'u, pohukua haweomo i langi, tehaweomo a nseru!

I MATIU 23:30

ka mpotae: Ba kimentuwu i tempo domentuwu uempu'uto, manasaomo nahi kami mentonda ira a pompepatea nabi atuudo.

2 KORINTI 6:17

Onaemo pu'uno: Impeluarakomo inso i olodo, ka impensuaako iramo, pau-Do i Ue, ka si mpo'angga anu mokoburu, ka Aku tumarima komiu.

1 TIMOTIU 5:22

Si madara komedampoakono kaemu a asa mia ka si tetonda a halado mia susua. Dagaio koa memporino koroimu.

2 YOHANE 1:11

Hangano ba isema metabeio, onae mohawe tia a mpoweweuno anu mosa'o.