MENGKAAA 18:10 - Wunta Mempori

¹⁰ Ira mpentade ola-olai hangano medoitoakono bobarasaino ka ira mpotae, ”Masola, masolako, hei kota anu langkai, Babeli, hei kota anu moroso, hangano i larono asa langku koa kontongaanomo ubinitara!”

MENGKAAA 18:10 ပူးပေါင်းရင်းမြစ်များ

Yesaya 21:9

Kitao, mehawe iramo asa bawaa mia, sorodadu mpengara mpepasa-pasa! Ka i'amba mebooliomo, ”Tedontaomo, tedontaomo Babeli, ka luwuno tinaha lahumoano ntesiarawo a wita.”

Yesaya 47:9

Orua rupa andio ta umaluko i larono asa mpiniro, a oleo anu mengkena. Meropu ira nana'ote ka tuwu beine ta kumonaiko tedoa marasai, maupo hadio sihirimu ka moroso ntu'u pobasa-basamu.

Yeremia 30:7

Masolaomo, mongkokongiri ntu'u oleo atuu, nahina pengkenano! Onaemo tempo masusaano i Yako, sine inso ndi onae ta kinadudui.

Yehesikieli 32:9

Kupokodanggarao aroado hadio tongku, tempono Kuwawa komiu gagi mia tinawa i tongado luwuno tongku, a luwuno wita anu nahi imento'orio.

Yoeli 1:15

Hei, oleo atuu! Mentee ntu'u oleo-Do i Ue rangkuomo, haweno gagi pabawa poropua inso ndi Ondae Anu Tedoa Pabawa.

Amosi 5:16

Menteeano, kanandiomo pau-Do i Ue, Ue Alano luwuakoano, Ondae Ueku, ”A luwuno tanalapa ta hina ponsabangia ka a luwuno sala kodei ira mpebooli mia, ’Adoo! Adoo!’ Puu mpelere pinoboi ka ipo'inombo ka luwuno anu monsabangi ka iposabangi.

Podoaa 16:34

Rumongeo peboolido, luwuno to Isaraeli anu umpedaako ira mpolai, hangano dompotae, ”Ba mansa itele kita mbo'u tolino kana ondae!”

MENGKAAA 11:8

Ka wata ngkoroido ta mo'ia a wawo batatanano kota langkai, anu montonda pompe'ala-ala nineeako Sodomo ka Masiri, i ra'ai koa mbo'u Uedo Dopinaso a ngkeu pinotamba.

MENGKAAA 14:8

Ka aasa mala'eka susua, mala'eka ko'orua, tumonda lembuio ka ipotae, ”Tebangkuomo, tebangkuomo Babeli, kota langkai atuu, anu luwuno tongku ipokomolanguakonomo anggoro po'eheno aroa belesuno.”

MENGKAAA 16:19

Ka i'amba tebansiomo kota langkai atuu gagi otolu ntia ka mentehoa iramo kotado luwuno tongku anu nahi domento'ori Ira Ue Ala. Ka Dorambeo Ue Ala Babeli anu langkai atuu ka Dopoweeakono tonde anu bukeako anggoro bamburuno tekuda-Do.

MENGKAAA 17:12

Ka hopulu tandu anu ukitaomo atuu onaemo hopulu mokole, anu napi dompompu'u mpomparenta, sine asa langku tehineno ira mpontarima pabawa kana mokole, mperonga saru kondehora atuu.

MENGKAAA 18:18

ka mpebooli, tempono domengkitao ahuno api anu tumunuo, dompotae, ”Kota isuake anu mengkena saru kota langkai andio?”

MENGKAAA 18:19

Ka mporawo ira pampawu a wawo uludo ka mpebooli, kontongaado mpengese ka mposabangi, dompotae, ”Masola, masola, kota langkai, anu hangano onae luwuno mia, anu hinao kapalano a ntahi, gagiomo kaea hangano balu-baluno anu masuli olino, hangano i larono asa langku koa tampulaomo.

MENGKAAA 18:21

Ka aasa mala'eka anu moroso, tumandeo aasa watu kana langkaino watu pogili, ka i'amba metadiakono a laro ntahi, ipotae, ”Kanandiomo Babeli, kota langkai atuu, ta pinetadiako meroku i totono, ka onae nahi ta hinawe mbo'u.

MENGKAAA 18:8

Onaemo pu'uno luwuno marasaiano ta hawe i larono aasa oleo, onaemo haki lele ka po'inombo ka mokoninggoa; ka onae ta tinunu a api, hangano Ondae Ue Ala, anu bitarao, moroso Ira.”