MENGKAAA 17:9 - Wunta Mempori

⁹ Anu kinere i ndi'ai onaemo akala anu hinao ponto'ori mentee: opitu ulu atuu onaemo opitu torukuno, anu i wawono mentoro beine atuu,

MENGKAAA 17:9 ပူးပေါင်းရင်းမြစ်များ

Danieli 12:4

Sine omue, Danieli, naao i aroamu luwuno pau atuu, ka tondoniomo Wunta atuu hawe pokotompaano tempo. Hadio mia ta mepenteeo, ka ponto'ori ta tetiangi.”

Hosea 14:9

I Eparai, hapa mbo'u tekaino ndi Ongkue a luwuno lahumoa? Ongkuemo anu sumangki ka mensiroiko! Ongkue andio kana keu sanobari anu molowulu, inso ndi Ongkue upohawe wua.

I MATIU 13:11

Sumangki Ira i Yesu, ”Ndi omiu mewineeako ka imento'orio rahasiano Poparentaa Suruga, sine ndi ondae naahi.

I MATIU 24:15

”Gaagi tewala mpongkita komiu Ponsolangi mokoburu mentade a mpo'ianga mempori, montonda pau anu pinohaweno Nabi Danieli – anu mebasao ka dompekokoongakono –

MENGKAAA 13:1

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

MENGKAAA 13:18

Anu kinere i ndi'ai onaemo ponto'ori anu mentee: ba isema anu pande mosongka, moikoomo idoao doano kondehora atuu, hangano podoa atuu onaemo podoano koa asa mia, ka doano onaemo nomo etu ka nomo pulu ka onoo.

MENGKAAA 17:18

Ka beine anu ukitaomo atuu, onaemo kota langkai anu meparenta a luwuno mokole i tolino.”

MENGKAAA 17:3

A laro Penaa Dowawa aku i pada one. Ka kukitao aasa beine mesawi a wawo aasa kondehora anu motaha wungo, anu buke teburiako nee pompepaukiako. Kondehora atuu hinao opitu uluno ka hopulu tanduno.

MENGKAAA 17:7

Ka i'amba motae mala'eka atuu ndi ongkue, ”Tembio ka ukohali-hali? Aku pauakomu rahasiano beine atuu ka rahasiano kondehora anu pesawiano, kondehora anu me'ulu opitu ka metandu hopulu atuu.