MENGKAAA 17:4 - Wunta Mempori

⁴ Ka beine atuu mesangka sawu wungo ka sawu kirimisi anu rinamba-rambaako wulaa, paramata ka mutiara, ka a ngkaeno hinao aasa tonde wulaa bukeako luwuno mokoburua ka mokoburuno pebelesuno.

MENGKAAA 17:4 ပူးပေါင်းရင်းမြစ်များ

1 Mokole 14:24

Tendeano hinao po'iangga pebelesua i wita atuu. Domeweweuo luwuno anu mokoburu, kana luwudo tongku anu Dosaari iramo i Ue inso a nto Isaraeli.

2 Mokole 21:2

Onae moweweu hapa anu mosa'o a pongkita-Do i Ue, kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

Esera 9:11

anu pinohawe-Miu telalo a luwuno tetenaa-Miu, nabi atuu, kanandio, ’Wita anu komiu mpewinso mpetorokio onaemo wita anu mokoburu hangano mokoburuno tongku anu mpo'ia i wita atuu. Hangano mokoburudo luwuno wita atuu bukeako luwuakoano mokoburudo inso i tompano hawe i tompano.

Yesaya 66:3

Mia monsumbele sapi lakino, sine mompepate mbo'u mia; mia mompesombaako bimba, sine mompudu keu we'uno dahu; mia mompesombaako pesomba kaanga, sine mompesombaako reano boe; mia mompesombaako dupa, sine mo'unde-unde mbo'u lahumoa. Onaemo pu'uno, mengkena kana ondae laludopo mpobiniki salado ondaedo, ka sumangano ineheno a mpinesombai mokoburudo,

Yeremia 51:7

Babeli horio gagi piala wulaa a ngkae-Do i Ue anu mokomolanguo asa wawontolino. Luwuno tongku mpo'inu anggorono, onaemo pu'uno luwuno tongku gagi mpekombe.

Ponsabangi 1:9

Mokoburuno metako a tompa sawuno; nahi ipewowoloo poko'ariano, tedoa ondalo itedonta, nahina mia tumareroo. ”Oo, Ue, kitaomo tebobarasaiku, hangano iwaliku mompelangka-langkai!”

Yehesikieli 20:30

Onaemo pu'uno, potaemo a nsuku Isaraeli: Kanandiomo pau-Do Ue Ala: Nde imengkokoburutio mbo'uke koroimiu a laro nsala tumuwudo uempu'umiu ka mponsosabo saru mentondao luwuno pinesombai susua anu mokoburu?

Yehesikieli 24:11

Naaomo kawali mooa atuu a wawo waro api, ka itetunu ka malano gagi motaha, ranta regeno terawo i larono ka ta'ilasino te'onini.

Yehesikieli 24:13

Hangano omue kumokoburutiakono mokoburua koroimu, onaemo pu'uno inehe-Ku mokomorinako, sine omue nahi gagi morina inso a mokoburumu. Omue nahi kopinokomorina mbo'u hawe ka itemonto tekuda-Ku ndi omue.

Yehesikieli 28:13

Omue i Paradesi, bonde-Do Ue Ala meramba-rambaako luwuno watu paramata anu masuli olino: yasapisi motaha, kerisoli, ka yasapisi molowulu, paramata pirusu, kerisopara, ka nepiri, lasuaradi, watu rea, ka malakiti. Petakoano wineweu inso a wulaa ka pinatinda a oleo upinokogagi.

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Danieli 11:38

Gagi euno luwuno atuu onae ta melangkaio pinesombai a luwuno bente. Pinesombai anu nahi domento'orio uempu'uno ta melangkaiakono wulaa ka salaka, paramata ka luwuno parewa anu masuli olino.

Hosea 9:10

Kana wua anggoro i pada one i Isaraeli Kuhaweo i ndi'ipua; kana wua amba-ambano, hasilino amba-ambano wua ara, Kukitao uempu'umu. Sine melako ira ndi Baala-Peori ka mpesombaakono koroido a lahumoa anu mompokoko'ii. Megagi ira mokoburu kana hapa anu kinekewoido.

Winali 29:17

Imengkitaomo pinesombai anu mokoburu ka lahumoado, inso a ngkeu ka watu, wulaa ka salaka, anu hina ndi ondae.

MENGKAAA 14:8

Ka aasa mala'eka susua, mala'eka ko'orua, tumonda lembuio ka ipotae, ”Tebangkuomo, tebangkuomo Babeli, kota langkai atuu, anu luwuno tongku ipokomolanguakonomo anggoro po'eheno aroa belesuno.”

MENGKAAA 18:12

onaemo balu-balu me'inasa inso a wulaa ka salaka, paramata ka mutiara, lena alusu ka sawu wungo, sabe ka sawu kirimisi, mperupa-rupa balu-balu inso a ngkeu anu mana mo'ahi woono, mperupa-rupa balu-balu inso a ntindu, mperupa-rupa balu-balu inso a ngkeu anu masuli olino, inso a mala, labu ka puala,

MENGKAAA 18:16

dompotae, ”Masola, masola, kota langkai, anu mesangka lena alusu, ka sawu wungo ka sawu kirimisi, ka anu rinamba-rambaako wulaa, ka paramata ka mutiara, hangano i larono asa langku koa kaeaa hadio atuu tampulaomo.”

MENGKAAA 19:2

hangano mentee ka moleo luwuno pobitaraa-Do, hangano Ondaemo anu bitarao mia belesu ntu'u atuu, anu sumolangio tolino hangano poweweuno mokoburu; ka Ondaemo anu mombaloakono reado tetenaa-Do a mia belesu atuu.”

MENGKAAA 21:21

Ka hopulu ka orua pewowa langkai atuu onaemo hopulu ka orua mutiara: sompo pewowa langkai hinao aasa mutiara ka luwuno pesalaa a ngkota atuu inso a wulaa ntu'u kana tami molino.

MENGKAAA 9:21

ka nahi dontepidi inso a pompepatea, sihiri, pebelesua ka ponakoa.