MENGKAAA 17:17 - Wunta Mempori

¹⁷ Hangano Dopokomewineomo Ue Ala aroado ka domeweweuo po'ehe-Do saru ntepo'asa aroa ka dompeweengakono poparentaado a ngkondehora atuu, ranta luwuno pau-Do Ue Ala inihiiomo.

MENGKAAA 17:17 ပူးပေါင်းရင်းမြစ်များ

Esera 7:27

Inunde-unde Iramo i Ue, Ue Alado uempu'uto anu lumeluomo aroado mokole kai gagi kanandio, ranta kai tekosi doweweuo raha-Do i Ue i Yerusale,

Po'unde-unde 105:25

Dobalio aroado ka do'o'aliaako ira bawaa-Do, ka dompopo'oo ira tetenaa-Do.

Powadi 19:21

Hadioomo sinongka i aroano mia, sine pomputusi-Do koa i Ue anu gagi.

Powadi 21:1

Aroano mokole kana waaano uwoi a laro ngkae-Do i Ue, Dopowaao isuamo koa inehe-Do.

Yesaya 45:17

Sekono Isaraeli Dokaduduiakono i Ue tekaduduia anu nahina tampulaano; nahi komiu memokoko'ii ke mpohawe mokoko'iia ranta nahina tampulaano.”

Yeremia 32:40

Aku mowutu pedandia nahina tampulaano saru ondae, nine nahi Aku mebungkui ira, tendeano moweweu moiko ndi ondae. Aku numaao i laro aroado dumoitoa-Kune, ka si dome'olai inso ndi Ongkue.

Danieli 12:7

Mia anu mesangka sawu lena ka kongko a wawo uwoi korono atuu tumandeo kae ngkoanano ka kae manggalino kontahane i langi, ka kurongeo mia atuu mesumpa me'empehiako Ondae anu tuwu nahina tampulaano, ”Asa tempo ka orua tempo ka entonga tempo. Mansano tampulaomo pabawano ponsolangi tongku anu mempori atuu, mongkona luwuno andio ta inihii!”

I LUKASI 22:22

Hangano i Ana Manusia lano Ira lumako kana anu pinakosiomo, sine, masolaomo mia anu meweengako Ira!”

I LUKASI 22:3

Ka mewinsoomo i Mosa'o ndi Yudasi, anu meneeako i Karioti, asa mia inso a hopulu ka orua ana guru atuu.

I LUKASI 22:37

Hangano Kupauakomiu, nine pau a Wunta Mempori andio asalakono inihii ndi Ongkue: Ondae Ira tewinso i olodo anu me'ewa. Hangano hapa anu teburi mongkona Ongkue kontongaano inihii.”

I YOHANE 10:35

Tewala ondae, ndi sema ipinohawe pau tuu, nineeako pinesombai susua – sine Wunta Mempori asalakono inihii –,

I YOHANE 13:18

Komba mongkona omiu luwu Kupepau. Kuto'orio, isema anu Kubinikiomo. Sine asalakono inihii anu teburi a Wunta Mempori andio: Mia anu mongkaa roti-Ku, itandeomo tundono ndi Ongkue.

I YOHANE 13:2

Kontongaado mpongkaa mperonga, ka ipetanga-tangaakonomo i Mosa'o tinoono i laro aroano i Yudasi Karioti, anano i Simo, ka ipeweengako Ira.

I YOHANE 19:24

Onaemo pu'uno ka dompepau-pau, ”Siimo tomentia-tiao gagi te'opia mpole, sine moikoopo tome'undio ba isema anu humaweo.” Kanandiomo gagiano ka i'inihiimo anu teburi a Wunta Mempori, ”Dompetia-tiao sangka-Ku i olodo ka lemba meloe-Ku dome'undio.” Luwuno atuu domeweweuomo sorodadu atuu.

I YOHANE 19:28

Umarino atuu, hangano Doto'orio i Yesu, nine luwuakoano umariomo, mepau Iramo – ka i'inihiimo anu teburi a Wunta Mempori –, ”Mokoranga Aku!”

2 KORINTI 8:16

Pontarimakasi ndi Ondae Ue Ala, anu hangano omiu pinoweeako mbo'u mokua anu kanandio i laro aroano i Titu tumulungi komiu.

MENGKAAA 10:7

Sine i tempono unino tawuwua inso a mala'eka anu ko'opitu, onaemo tewala ipuurio tawuwuano, ka tamo inihii pomputusi rahasia-Do Ue Ala, kana anu Dopaleleako iramo tetenaa-Do, onaemo luwuno nabi.”

MENGKAAA 15:1

Ka kukitao aasa petondoni susua i langi, langkai ka kinohali-haliako: opitu mala'eka saru opitu masolaa poko'ariano, hangano saru atuu tompaanomo tekuda-Do Ue Ala.

MENGKAAA 17:13

Aasa luwu aroado mpeweengakono roso ka pabawado a ngkondehora atuu.

MENGKAAA 19:9

Ka i'amba motaeakune, ”Buriomo: Meme'ura iramo anu me'inolu a mpelimbua petaoa-Do Ana Bimba.” Ipotaeakune mbo'u, ”Pau andio mentee, luwuno pau inso ndi Ondae Ue Ala.”

MENGKAAA 6:11

Ka ndi ondae singge mia pinoweeako aasa lemba meloe mopute, ka ndi ondae pinotaeako, nine ondae asalakono mpenaa-naa mbo'u sarai ranta ka isompo doado walido mpompekakaako ka luwuno pepaekompodo, anu ira mempinepate mengkena kana ondae.