MENGKAAA 17:14 - Wunta Mempori

¹⁴ Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 17:14 ပူးပေါင်းရင်းမြစ်များ

Po'unde-unde 110:5

Ondae i Ue i koanamu; a oleo tekuda-Do Dopirego ira mokole,

Yeremia 1:15

Hangano menteeano, Kupoboi ira luwu ulea mokole a luwuno poparentaa inso i utara, kanandiomo pau-Do i Ue, ira me'aiwa ka singge pompotade kadera poparentaado a luwuno pewowa pewinsoa a mpewowa langkai Yerusale, umpeda luwuno rere watu anu lumimbuo ka umpeda luwuno kotano Yehuda.

Yeremia 1:19

Ira mpeteaakomu, sine nahi ira menangiko, hangano Ongkue kumongkomiko ka utola, kanandiomo pau-Do i Ue.”

Yeremia 50:44

Menteeano, kana singa meluarako inso a ntobu mongurano Koro Yarade sumapoio pada pompakambia, kanatuumo Aku weweu ira mpepobingko mpolai inso i wita atuu ka mpotoroo onae anu bininiki-Ku. Hangano isemake anu kana Ongkue? Isemake anu mosia tumuntu Aku? Isemake puu mpopakambi anu polio umaropi Aku?

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

Danieli 7:21

Kukitao tandu atuu metea umewai ira mia mempori ka inangi ira,

Sakaria 2:8

Hangano kanandiomo pau-Do Ueno luwuakoano, anu a laro maramba-Do tumena akumo, mongkona luwuno tongku anu mpomuru komiumo, hangano isema dumanggi komiu, pengkonaano dumanggio ihi mata-Do.

I MATIU 22:14

Hangano hadio anu mempinoboi, sine tedei anu bininiki.”

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

ROMA 1:6

Omiu mbo'u tewinso saru ondae, omiu anu mempinoboi komiumo gagi mia-Do i Kerisituu.

ROMA 8:30

Ka ondae anu pinakosi-Do se'eluno, ondae koa mbo'u pinoboi-Do. Ka ondae anu pinoboi-Do, ondae koa mbo'u pinokomentee-Do. Ka ondae anu pinokomentee-Do, ondae koa mbo'u pinokomaramba-Do.

ROMA 8:37

Sine i larono luwuno atuu melalua kitapo sekono luwuno mia anu mponangi, hangano Ondae anu mehohawa kitamo.

1 KORINTI 15:24

Ka i'amba hawe pokotompaano, onaemo tewala Dopeweengakonomo Poparentaa ndi Ondae Ue Ala Ama, umari-Do mokotampulao luwuno poparentaa, pabawa ka roso.

Winali 10:17

Hangano Ondaemo i Ue, Ue Alamiu, Ue Alano luwuno anu pinesombai susua ka Ueno luwuno ue, Ue Ala anu langkai, moroso ka mongkokongiri, anu nahi Dopobiniki mia ke montarima pompowee komba tiano.

1 TIMOTIU 6:15

onaemo tempo anu Ira tumantuio anu Pabawa anu asa-asa-Do ka anu buke me'uraa, Mokole i wawono luwuno mokole ka Ue i wawono luwuno ue.

2 TIMOTIU 2:4

Aasa sorodadu anu kontongaano metea nahi mokoliliakono koroino mongkona pepotuwuno, hangano kanandio ka ipemoikoo tadulakono.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 11:7

Ka tewala dopoko'umariomo ponsakosiido, ka kondehora anu mesabaako inso a wingke matea, ta meteaako ira ka inangi ira saru mepate ira.

MENGKAAA 16:14

Ondaemo atuu penaado onitu anu mpopokohina luwuno wineweu kinohali-haliako, ka domelako ntepohaweako ira mokole i asa wawontolino, ka dopumpu ira tiano peteaa a oleo langkai, onaemo oleo-Do Ue Ala Anu Tedoa Pabawa.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

MENGKAAA 2:13

Kuto'orio ba isua upo'ia, onaemo i ra'ai, a mpo'iangano kadera poparentaano i Mosa'o; ka omue me'ini a nee-Ku, ka komba uhapuo pompe'ala-alamu ndi Ongkue, naahi koa mbo'u a tempono i Antipasi, sakosii-Ku, anu metenunu ndi Ongkue, anu pinepate i aromiu, a mpo'iangano i Mosa'o.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.