MENGKAAA 16:6 - Wunta Mempori

⁶ Hangano dome'uwuomo reado mia mempori ka luwuno nabi, Omiu mbo'u moweeako iramo rea ka dome'inuo; mongkona atuu tekona ndi ondae!”

MENGKAAA 16:6 ပူးပေါင်းရင်းမြစ်များ

2 Mokole 24:4

hangano mbo'u reado mia anu nahina salado anu i'uwuomo. Hangano iweweuomo Yerusale bukeako reano mia anu nahina salano, ka Ondae i Ue nahi Dobehe umampunio.

Peluarakoa 21:24

mata ineuako mata, ngisi ineuako ngisi, kae ineuako kae, karu ineuako karu,

Peluarakoa 7:17

Onaemo pu'uno, kanandiomo pau-Do i Ue: Inso anu ta gagi andio, ko tumo'orio, nine Ongkuemo Ue. Pauakono i Pirao: Kitao, tuko a ngkaeku andio, aku wombaakono uwoi i koro Nili, ka uwoi atuu ta bali gagi rea.

Yesaya 49:26

Aku weweu ira mia anu mpokonsiiko mengkaano baudo ondaedo, ka ira memolangu mpo'inu reado ondaedo, kana mia molangu mo'inu anggoro wo'ohu, ka domento'orio luwu mia hadio, nine Ongkuemo, Ue, Puu Pongkaduduimu ka Anu Tumolosiko, Anu Tedoa Moroso, Anu Kumaduduio i Yako.”

Yeremia 2:30

Nahina pengkonaano Kutunduhi ira anamu, pontunduhi nahi domperioo; ponaimu isa'a pingko ira nabimu kana singa mongura anu mongkaa rinakono.

Yeremia 26:11

Ka i'amba luwuno sando mpesomba ka luwuno nabi mpotae a luwuno mia pinemota'u ka luwuno palili atuu, kanandio, ”Mia andio tekona ihinuku mate, hangano onae mompauomo anu ta gagi mongkona kota andio, kana anu imerongeakono birimiu.”

Yeremia 26:16

Ka i'amba mpotae iramo mia pinemota'u ka luwuno palili atuu a luwuno sando mpesomba ka nabi atuudo, ”Mia andio nahi pototono mohawe pohuku mate, hangano onae mepauomo ndi ontae a nee-Do i Ue, Ue Alato.”

Ponsabangi 4:13

Mongkona atuu gagi hangano halado nabino ka mosa'oado sando mpesombano anu i tonga-tongano me'uwuo reano mia anu nahina salano.

Yehesikieli 32:6

Tolino Kupopo'inuakono reamu anu waa, humbee, luwuno mbo'u torukuno; luwuno bangano korono ta bukeako onae.

I MATIU 7:2

Hangano kana koa pobitaramiu, kanatuu koa mbo'u komiu mebinitara ka kana koa ponsa'umiu, onae koa mbo'u komiu mensina'uako.

I LUKASI 12:48

Sine ba isema nahi to'orio po'eheno ueno ka iweweuo hapa anu asalakono ka itinunduhi, onae ta mohawe tedei potunduhi. Sompo mia anu ndi onae hadio ipinowee, inso ndi onae ta hadio inema, ka ndi sema anu hadio ipine'ala-alaako, inso ndi onae ta lalu hadio mbo'u inema.”

IBARANI 10:29

Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?

MENGKAAA 11:18

ka luwuno tongku ntekuda iramo, sine haweakoomo tekuda-Miu ka tempono ka domebinitara mia mate ka domewineeako tambodo tetenaa-Miu, luwuno nabi ka mia memempori ka ndi ondae anu medoitoakono nee-Miu, a luwuno mia kodei ka luwuno mia langkai ka rumopuo ba isema anu rumopuo tolino.”

MENGKAAA 13:10

Ba isema tinantui ka itinawa, onae ta tinawa; ba isema tinantui ka ipinepateako ponai, onae asalakono pinepateako ponai. Anu kinere i ndi'ai onaemo pompedato ka pompe'ala-alado mia mempori.

MENGKAAA 13:15

Ka ndi onae pinoweeako pabawa ka ipoweeakono penaa tinaha kondehora atuu, ranta tinaha kondehora atuu mepau mbo'u, ka ipoweweu kanatuu, ranta luwuno mia, anu nahi pesombaio tinaha kondehora atuu, pinepate.

MENGKAAA 18:20

Impo'undeakonomo, hei suruga, ka omiu, hei luwuno mia mempori, luwuno tinena ka luwuno nabi, hangano Ondae Ue Ala mompotii Iramo pohuku ndi onae hangano omiu.”

MENGKAAA 18:24

Ka i larono hinawe reado nabi ka mia memempori ka reado luwuno mia, anu mempinepate i tolino.

MENGKAAA 19:2

hangano mentee ka moleo luwuno pobitaraa-Do, hangano Ondaemo anu bitarao mia belesu ntu'u atuu, anu sumolangio tolino hangano poweweuno mokoburu; ka Ondaemo anu mombaloakono reado tetenaa-Do a mia belesu atuu.”