MENGKAAA 16:21 - Wunta Mempori

²¹ Ka usa seru baku langkai, mobeano limapulu kilo, tedonta inso i langi modunsi mia, ka mia mepaukiako Ira Ue Ala hangano masolaako usa seru baku atuu, hangano masolaa atuu tedoa mongkokongiri.

MENGKAAA 16:21 ပူးပေါင်းရင်းမြစ်များ

Ayubi 38:22

Nde mewinsokomoke hawe a ponaapa seru baku ke kumitao ponaapa usa uwoi baku,

Ayubi 38:23

anu ninaa-Ku tiano tempo masukaraa, tiano tempo peteaa ka pe'iwalia?

Peluarakoa 9:18

Manasaomo tisomo bara'ura tempo kanandio Aku motiio usa uwoi watu anu tedoa mongkokongiri, anu napi hori gagi i wita Masiri mompu'u pentadeno poparenta Masiri ranta hawe kanandio-andio.

Peluarakoa 9:22

Mepau iramo i Ue ndi Musa, ”Tandeomo kaemu kontahane i langi, ka ipetii usa uwoi watu asa wawo wita Masiri, dumunsio mia, kondehora ka luwuno pinopaho i wita Masiri.”

Yesaya 30:30

Ondae i Ue Ira moporongeo suara-Do anu maramba, Ira mopokitao kae-Do anu montunduhi saru tekuda anu mongkokongiri ka langano api anu mengkaa ka ipingko, saru usa marombo, angi mokora ka usa watu.

Yesaya 8:21

Mia ira wela ntelalo i wita atuu, memongkokolaro ka memokoninggo, ka tempono mokoninggo, ira ntekuda ka mentotonaao mokoledo ka Ue Alado. Mia ira mpentombu i langi

Yehesikieli 13:11

sine pauako iramo anu pongkapuru rere watu atuu: Usa marombo ta metii, watu seru baku ta tedonta, ka angi mokora ta mepuuri!

Yehesikieli 13:13

Onaemo pu'uno, kanandiomo pau-Do Ue Ala: A laro tekudano aroa-Ku Aku weweuo angi mokora mepuuri, a laro ntekuda-Ku usa marombo ta metii, ka a laro tekudano aroa-Ku watu seru baku anu mompepate ta tedonta.

Yosua 10:11

Kontongaado mpolai ia arodo to Isaraeli, mansado mehawe i korimbino Beta-Horoni, Ondae i Ue wuwunooako ira watu anu melolangkai inso i langi hawe i Aseka, ranta ka domemate. Anu mate hangano usa watu atuu lalu hadioopo sekono anu pinepatedo to Isaraeli mompake ponai.

MENGKAAA 11:19

Ka te'ungkahiomo Raha Mempori-Do Ue Ala anu i suruga, ka tengkitaomo burua pedandia-Do i larono Raha Mempori atuu ka gagiomo koliki ka u'uruno rundu ka leelu ka usa seru baku marombo.

MENGKAAA 16:11

ka dompepaukiako Ira Ue Ala anu i suruga hangano mpompemahaki ka hangano pihodo, sine nahi dontepidi inso a luwuno wineweudo.

MENGKAAA 16:9

Ka mia pinokomo'aiako mokulano api anu mongkokongiri, ka dompepaukiakono nee-Do Ue Ala anu pabawaio luwuno marasaia atuu ka nahi dontepidi ka dompelangkai Ira.

MENGKAAA 8:7

Ka i'amba mala'eka anu amba-ambano puurio tawuwuano ka gagiomo usa seru baku, ka api, mesalo rea; ka luwuno atuu pinetadiako i tolino; ka mo'aiomo asa ntia otolu inso a ntolino ka asa ntia otolu inso a luwuno keu ka mo'aiomo luwuno ewo molowulu.