MENGKAAA 16:11 - Wunta Mempori

¹¹ ka dompepaukiako Ira Ue Ala anu i suruga hangano mpompemahaki ka hangano pihodo, sine nahi dontepidi inso a luwuno wineweudo.

MENGKAAA 16:11 ပူးပေါင်းရင်းမြစ်များ

2 Tawarika 28:22

A laro tepakada, mokole Ahasi tekense moweweu nahi petenunu ndi Ondae i Ue.

2 Tawarika 36:23

”Kanandiomo parentano i Koresi, mokole Peresia: luwuno poparentaa i tolino Doweeakumo i Ue, Ue Alano luwuno langi. Dotena aku mowangu raha-Do i Yerusale, anu kongko i Yehuda. Isema i olomiu tewinso bawaa-Do, po'ineeomo Ondae i Ue, Ue Alano kumongkomio, ka mo'ineeo ipelungka mekule!”

Esera 1:2

”Kanandiomo songkado i Koresi, mokole i Peresia: Luwuno poparentaa i wawontolino, Dowee akumo i Ue, Ue Alano asa wawontolino pabawaio. Ondae tumena aku mowangu Raha Mpesombaa i Yerusale, i wita Yehuda.

Esera 6:10

ka dowela mpopesombaako pesomba anu mokomawongko Ira Ue Alano asa wawo langi, ka mekakaiako ira mokole saru luwuno anano.

Esera 7:12

”I Aritahasasita, mokoleno luwuakoano mokole, hawe ndi Esera, sando mpesomba ka tedoa pande a Taura-Do Ue Alano asa wawolangi, ka anu nahina tampulaano. Kanandio-andio,

Esera 7:21

Ongkue, mokole Aritahasasita, moluarako akumo parenta a luwuno anu mompekaria arataa poparentaa i asa towano Koro Eparata, kanandio, ’Luwuno anu inso ndi omiu, inemano sando mpesomba Esera anu tedoa pande a Taura-Do Ue Alano asa wawolangi, asalakono imeweweuo temoiko,

Esera 7:23

Luwuakoano anu mongkona parenta-Do Ue Alano asa wawolangi, asalakono iweweuo tementee ntu'u tiano Raha-Do Ue Alano asa wawolangi, kasi alu ira tekuda-Do a mpoparentaano mokole ka luwuno anano.

Nehemia 1:4

Mansaku rumongeo lele andio, mentoro akumo mengese ka mo'inombo i larono ba'opia oleo. Mepuasa aku ka mekakai i aro-Do Ue Alano asa wawo langi.

Nehemia 2:4

Dopotae mokole ndi ongkue, ”Hapa anu inehemu?” Mekakai akumo ndi Ondae Ue Alano asa wawo langi,

Po'unde-unde 136:26

Pontarimakasimo ndi Ondae Ue Alano asa wawo langi! Menteeano ranta nahina tampulaano pompehohawa-Do.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Yunu 1:9

Sangkino ndi ondae, ”Ongkue to Ibarani, kudoitoako Ira Ue, Ue Alano asa wawolangi anu mokogagio tahi molue ka wawo wita.”

2 TIMOTIU 3:13

sekono mia mosa'o ka anu mompopo'oo ta tetiangi mosa'o, ondae pompopo'oo ka pinopo'oo,

MENGKAAA 11:13

I tempo atuu gagiomo leelu anu tedoa meroku ka asa ntia hopulu inso a ngkota atuu tebangku, ka pitu nsowu mia memate hangano leelu atuu ka mia susua tedoa medoito, ka do'amba me'unde-unde Ira Ue Ala anu i suruga.

MENGKAAA 16:2

Ka lumakoomo mala'eka anu ko'aasa ka i'uwuo tondeno i wawontolino; ka mesabaakoomo kamba anu lambaha ka anu ira memasolaako luwuno mia anu hinao tondonino inso a ngkodehora atuu ka anu mpesomba a ntinahano.

MENGKAAA 16:21

Ka usa seru baku langkai, mobeano limapulu kilo, tedonta inso i langi modunsi mia, ka mia mepaukiako Ira Ue Ala hangano masolaako usa seru baku atuu, hangano masolaa atuu tedoa mongkokongiri.

MENGKAAA 16:9

Ka mia pinokomo'aiako mokulano api anu mongkokongiri, ka dompepaukiakono nee-Do Ue Ala anu pabawaio luwuno marasaia atuu ka nahi dontepidi ka dompelangkai Ira.

MENGKAAA 2:21

Ka Kupoweeakonomo tempo ka itepidi, sine nahi behe tepidi inso a ponsosabono.