MENGKAAA 15:3 - Wunta Mempori

³ Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!

MENGKAAA 15:3 ပူးပေါင်းရင်းမြစ်များ

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

1 Tawarika 6:49

Sine i Haruni ka inuleno anggaado mpotunu pesomba i wawono meda pontunua pesomba tinunu ka i wawono meda pontunua pesomba dupa. Ondae me'anggao luwuno anggaa a mpo'ianga tedoa mempori, saru mpoweweu pesintuwua a nto Isaraeli, kona kana peparentano i Musa, tetenaa-Do Ue Ala atuu.

2 Tawarika 24:6

Ka i'amba mokole moboio sando mpesomba langkai Yoyada ka ipesikeno ndi onae, ”Tembio nahi utuntuo a nto Lewi ka dompowawa inso i Yehuda ka inso i Yerusale sima'uluku anu pinopotembino i Musa, tetenaa-Do Ue Ala atuu a bawaa Isaraeli, tiano mowangu Kema po'iangano songka-Do Ue Ala?

Nehemia 9:14

Ipauako ira mbo'u oleo Saba-Miu anu mempori ka moweeako ira luwuno parenta, luwuno pompakosi ka songka-Miu molalo i Musa, tetenaa-Miu.

Ayubi 36:24

Pewowoloomo nine omue asalakono melangkaio wineweu-Do, anu dowela mpenaniako mia.

Ayubi 5:9

Ondae weweuo luwuno wineweu langkai ka nahi pinokohawe laro, saru luwuno anu kinohali-haliako anu nahi pinokopau hadiono.

Po'unde-unde 100:5

Hangano Ondae i Ue atuu moiko, pompehohawa-Do ranta nahina tampulaano, ka mentee-Do kongko mpiha mapa'api-api inule.

Po'unde-unde 105:5

Rambeomo luwuno poweweu kinohali-haliako anu wineweu-Do, luwuno wineweu-Do anu kinohali-haliako ka pomputusi-Do anu pinau-Do,

Po'unde-unde 111:2

Langkai luwuno wineweu-Do i Ue, tekona domemparesao luwuno mia anu ineheakono.

Po'unde-unde 111:7

Moleo ka mentee wineweuno kae-Do. Luwuno parenta-Do moroso,

Po'unde-unde 139:14

Montarimakasi aku ndi Omiu hangano ongkue pinokogagi montonda rupa-Miu; kinohali-haliako hapa anu wineweu-Miu, ka ito'orio ntu'u sumangaku.

Po'unde-unde 145:17

Ondae i Ue atuu moleo a luwuno poweweu-Do ka buke pompehohawa a luwuno wineweu-Do.

Po'unde-unde 145:6

Luwuno wineweu-Miu anu mongkokongiri ta pinalele ka langkaino pabawa-Miu aku tumutuluo.

Po'unde-unde 18:30

Meronga Omiu mosia aku sumapoio sorodaduno iwali, meronga Ondae Ue Alaku mosia aku melonsokio rere watu.

Po'unde-unde 78:12

I arono uempu'udo Doweweu ira anu mengkinohali-haliako, i wita Masiri, i pada Soani;

Po'unde-unde 92:5

Hangano Ipokomawongkoakunemo inangga-Miu, oo Ue, hangano wineweuno kae-Miu aku kokora-kora mo'unde.

Po'unde-unde 99:4

Omiu Mokole anu moroso, anu mongkekewoi songka, Omiumo anu kumorahakono menteea; songka ka moleoa i olodo inuleno i Yako, Omiumo anu weweuo.

Yesaya 33:22

Hangano, Ondaemo i Ue puu mpobitarato, Ondaemo i Ue tadulako sorodaduto; Ondaemo i Ue mokoleto, Ira kumadudui kita.

Yesaya 45:21

Pauomo ka pohaweomo pe'empehimu, oo, po'ineeomo donteriso mperonga-ronga: Isemake anu paleleo mongkona andio inso a tempo se'eluno ntu'u, ka pauakono mompu'u i ndi'ipua? Kombake Ongkue, Ue? Nahina anu susua, nahina pinesombai susua sangkadio Ongkue! Ue Ala anu moleo ka Puu pongkadudui, nahina anu susua sangkadio Ongkue!

Danieli 6:20

Mo'o-mo'oru ntu'u tempono tebosi towea, mokole mewangu ka mompari-pari lumako a aano singa.

Danieli 9:11

Luwuno to Isaraeli domelimpaiomo songka-Miu ka mepansia hangano nahi domperorongeakono pau-Miu. Onaemo pu'uno ndi omami inuwuomo pontotonaa ka sumpa, anu teburi a wunta Taurano i Musa, tetenaa-Do Ue Ala, hangano mpoweweu kamimo hala ndi Ondae.

Hosea 14:9

I Eparai, hapa mbo'u tekaino ndi Ongkue a luwuno lahumoa? Ongkuemo anu sumangki ka mensiroiko! Ongkue andio kana keu sanobari anu molowulu, inso ndi Ongkue upohawe wua.

Mika 7:20

Po'ineeomo Ipopokitao petenunu-Miu ndi Yako ka pompehohawa-Miu ndi Burahima kana anu Idandiomo saru mesumpa ndi ondae uempu'umami mompu'u i ndi'ipua!

Sepanya 3:5

Sine Ondae i Ue atuu moleo i tonga-tongano, nahi Dopoweweu anu mosa'o. Mo'oru me'eu mo'oru Ondae mompowee songka-Do; i tempono saba oleo nahi Dohori menaa-naa. Sine mia lambaha nahi ponto'ori mokoko'ii!

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

Winali 31:30

Ka i'amba i Musa mohaweo luwuno pauno penani andio a birido luwuno bawaa Isaraeli ranta ka i'umari.

Winali 32:3

Hangano nee-Do i Ue aku meboolio; paleleomo langkai-Do Ue Alato!

Winali 34:5

Ka i'amba i Musa tetenaa-Do i Ue atuu mate I ra'ai, i wita Moabi, menunu saru pau-Do i Ue.

1 TIMOTIU 1:17

Petabe ka marambaa hawe nahina tampulaano ndi Ondae Mokoleno luwuno tempo, Ondae Ue Ala anu nahina tampulaa-Do, anu nahi Dokinita, anu asa-asa-Do! Ami.

IBARANI 3:5

Ka i Musa lano metenunu a asa laro raha-Do Ue Ala gagi puu pompekakaako sumakosiio mongkona hapa anu ta pinalele lembuino,

Yosua 22:5

Butu onae impetenunu meweweuo, hapa anu imentinenaako, songka inso ndi Musa tetenaa-Do i Ue, Ue Alamu, tuwu kana sala anu tiniso-Do, imekongko tumondao po'ehe-Do, me'ini temoroso ka mesombai Ira tompaano aroamiu ka tompaano sumangamiu.”

MENGKAAA 1:8

”Ongkuemo Alfa ka Omega, pau-Do Ue Ala, anu kongko ka anu kongko Iramo ka anu Ira hawe, Anu Tedoa Pabawa.”

MENGKAAA 11:17

saru mpotae, ”Mpontarimakasi kami ndi Omiu, oo Ue, Ue Ala, Anu Tedoa Pabawa, anu ndio ka anu ndio Komiumo, hangano I'iniomo pabawa-Miu anu langkai ka mompu'u Komiumo momparenta gagi mokole

MENGKAAA 14:3

Dompenaniakono aasa penani wo'ohu i arono kadera poparentaa ka i arodo opaa anu tuwu ka mia mempinemota'u atuudo, ka nahina maupo te'asa mia anu mokompepaguruakono penani atuu sangkadio mia asa etu pato pulu ka opaa nsowu anu mentinolosi iramo atuu inso i tolino.

MENGKAAA 14:8

Ka aasa mala'eka susua, mala'eka ko'orua, tumonda lembuio ka ipotae, ”Tebangkuomo, tebangkuomo Babeli, kota langkai atuu, anu luwuno tongku ipokomolanguakonomo anggoro po'eheno aroa belesuno.”

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 19:16

Ka a lemba meloe-Do ka pa'a-Do teburi aasa nee, onaemo, ”Mokoledo luwuno mokole ka Ue i wawono luwuno ue.”

MENGKAAA 19:2

hangano mentee ka moleo luwuno pobitaraa-Do, hangano Ondaemo anu bitarao mia belesu ntu'u atuu, anu sumolangio tolino hangano poweweuno mokoburu; ka Ondaemo anu mombaloakono reado tetenaa-Do a mia belesu atuu.”

MENGKAAA 4:8

Ka opaa anu mentuwu atuu singge hinao panino onoo, lumimbuo ka te'alaako i larono bukeako mata, ka saru nahi dompenaa-naa mpebooli meene ka wongi, ”Mempori, mempori, mempori Iramo Ue Ala, Anu Tedoa Pabawa, anu kongko Iramo ka anu kongko ka anu Ira hawe.”