MENGKAAA 14:14 - Wunta Mempori

¹⁴ Ka kukitao: menteeano, hinao aasa seru mopute, ka i wawono seru atuu mentoro aasa mia kana i Ana Manusia saru aasa ramba-ramba ulu wulaa i wawo ulu-Do ka aasa ponsewo montaso a ngkae-Do.

MENGKAAA 14:14 ပူးပေါင်းရင်းမြစ်များ

Po'unde-unde 21:3

Po'eheno aroano I'induakonomo ka po'emano wiwino itarimao. Sela

Po'unde-unde 97:2

Seru ka wongi-wongi lumimbu Ira, moleoa ka songka onaemo empehino kadera poparentaa-Do.

Yesaya 19:1

Pau-Do anu pabawa a nto Masiri. Kitao, Ondae i Ue me'ula a nseru anu magasi ka aiwa i masiri; luwuno lahumoa i Masiri mpondidi-ndidi i aro-Do, ka aroado to Masiri gagi tengkuru a laro aroado.

Yehesikieli 1:26

Iwawono longkuno langi anu iwawono uludo, hinao asa anu kana tadeno kadera poparentaa, tengkita kana paramata lasuaradi. I wawono anu kana tadeno kadera poparentaa atuu hinao asa anu tengkita kana rupano mia.

Danieli 7:13

Kukitao mpiha a laro pongkita wongi atuu, tengkita aiwa saru seru inso i langi asa mia kana anano mia. Onae aiwa ndi Anu Tende Ntinuwuno atuu, ka winawa i aro-Do.

I MATIU 13:30

Po'ineeomo ka dotuwu meronga-ronga hawe tempo sumowi. I tempo atuu Aku mepau a luwuno anu mensowi: Imepumpuomo se'elu lee atuu ka imewutuomo nte'o'asa nte'u ka isinongko; ka i'amba mepumpuomo gandu atuu mewinsoo a laro nsi'eku.”

I MATIU 17:5

Ka kontongaano mepau borono metiiomo seru anu mewine umengoi ira ka inso a laro nseru atuu teronge pau motae, ”Ndiomo Ana anu pinehohawa-Ku, Onaemo bininiki-Ku, imperorongeako Iramo.”

I MARAKUSU 4:29

Tewala wua atuu motahaomo, mompari-pariomo mia atuu sumowio, hangano haweakoomo konsowia.”

I LUKASI 21:27

I tempo atuu mia ta kumita Ira i Ana Manusia hawe a laro nseru saru luwuno pabawa ka maramba-Do.

IBARANI 2:9

Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.

MENGKAAA 1:13

Ka i tonga-tongano karuno hulu atuu hinao asa mia kana Ondae i Ana Manusia, mesangka lemba meloe anu ondauno hawe a ngkaru, ka rada-Do mebooako peboo ntonga inso a wulaa.

MENGKAAA 1:7

Kitaomo, hawe Ira melaro nseru ka sompo mata ta kumita Ira, ondae mbo'u anu tumobo Ira. Ka luwuno tongku i tolino ira mensabangi Ira. Humbee, ami.

MENGKAAA 10:1

Ka kukitao aasa mala'eka susua anu moroso metii inso i suruga, mesoumbuako seru, ka toro'ue kongko a wawo uluno ka rupano mengkena kana mata'oleo, ka karuno kana karu api.

MENGKAAA 11:17

saru mpotae, ”Mpontarimakasi kami ndi Omiu, oo Ue, Ue Ala, Anu Tedoa Pabawa, anu ndio ka anu ndio Komiumo, hangano I'iniomo pabawa-Miu anu langkai ka mompu'u Komiumo momparenta gagi mokole

MENGKAAA 19:12

Ka mata-Do kana langano api ka a wawo ulu-Do hadio ramba-ramba ulu ka ndi Ondae hinao teburi aasa nee anu nahina tumo'orio maupo te'asa mia, sangkadio Ondae isa'a.

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.

MENGKAAA 6:2

Ka kukitao: menteeano, hinao aasa ngara mopute ka mia anu mesawikio mo'ini aasa pana ka ndi onae wineeako aasa ramba-ramba ulu. Ka i'amba lumako kana poponangi ka ihaweo ponangia.