MENGKAAA 14:10 - Wunta Mempori

¹⁰ asalakono onae ta mo'inu anggoro tekuda-Do Ue Ala, anu pinatinda nahina salono a ntonde tekuda-Do; ka onae ta binobarasaiako api ka walira i arono matado mala'eka mempori ka i arono mata-Do Ana Bimba.

MENGKAAA 14:10 ပူးပေါင်းရင်းမြစ်များ

Tegagia 19:24

Ka Do'amba i Ue mompotiiakono Sodomo ka Gumora usa walira ka api anu pu'uno inso ndi Ondae i Ue, inso i langi;

Ayubi 18:15

A laro ngkemano mo'ia hapa anu komba pine'ueno mbo'u, i wawono po'iangano rinawoako walira.

Ayubi 21:20

Po'ineeomo matano onaeno kumitao mateano, ka onaeno uminuo tekuda-Do Anu Tedoa Pabawa!

Po'unde-unde 11:6

Do'usaiako ira mia mosa'o gauno waro me'api ka walira; angi anu mompokomo'ai, onaemo ihino pialado.

Po'unde-unde 37:34

Sikori Iramo i Ue ka tondaomo mpiha pesalaa-Do, ka Ira tumandeko ka upe'ueo wita andio, ka kokumitao mia mosa'o gauno pinokotampula.

Po'unde-unde 52:6

Omue kumekewoio luwuno pau anu mompokomarisu, hei elo anu mompopo'oo!

Po'unde-unde 60:3

Oo Ue Ala, Itadi kamimo ka I'alu kami; tekuda Komiumo; Ipomule kamimo!

Po'unde-unde 73:10

Onaemo pu'uno mia mpepokule ndi ondae, kana uwoi anu hadio ntu'u humawe ira.

Po'unde-unde 75:8

Hangano Ondaemo Ue Ala Puu Mpobitara: anu asa Dototoakono ka anu susua Dotandeo.

Po'unde-unde 91:8

Omue butu sumakosiiakono matamu ka kumitao pombaloa a mia mosa'o gauno.

Yesaya 29:9

Intekokodohomo, ranta ka intekokodoho mpiha, impepusumo, ranta ka impepusu mpiha! Imemolangumo, sine komba hangano anggoro, impobangku-bangkumo, sine komba hangano ara!

Yesaya 30:33

Hangano inso i ndi'ipua inatoraomo po'ianga pontunua, anu mbo'u pinatindaako mokole, pompotuwua api wineweu ondalo ka malua, buke api ka keu; penaa-Do i Ue mokomo'aio kana korono walira.

Yesaya 34:9

Luwuno korono i Edomi ta bali gagi tere, ka witano gagi walira; witano ta gagi tere anu kolanga-langa.

Yesaya 51:17

Pekaangakomo, Pekaangakomo, pewangumo, hei Yerusale, hei omue anu mo'inukomo inso a ngkae-Do i Ue ihino piala mokulano tekuda-Do, omue anu mo'inukomo, umosoo ka ipingko ihino sangkiri anu mompokomokolili ulu!

Yeremia 25:27

Umarino atuu asalakono ka upauako ira: Kanandiomo pau-Do Ueno luwuakoano, Ue Alado to Isaraeli: Impo'inumo ranta molangu ka mengkolua-lua! Tebangkumo ka si pewangu mbo'u, hangano ponai anu Aku motiio i olomiu!

Yeremia 49:12

Hangano kanandiomo pau-Do i Ue, ”Menteeano luwuno mia anu nahi pototono mo'inu ihino piala atuu i'inuo nahi inso i aroano, nde kana'umpe omue kotola inso a mpohuku? Omue nahi kotola inso a mpohuku, sine asalakono uminuo!

Yeremia 51:57

Aku weweu ira memolangu mia pinemota'uno, luwuno miano anu pande mosongka, luwuno bupatino, anu mempabawa, ka luwuno sorodaduno, ranta ka dontekoturi nahina tampulaano, ka nahi ira mpewangu mbo'u, kanandiomo pau-Do Mokole, Ueno luwuakoano nee-Do.

Ponsabangi 4:21

Po'undemo ka mawongkomo, hei ana beine Edomi, omue anu mo'iangario wita Usi, ndi omue mbo'u ta hawe piala, omue kogagi molangu ka u'amba mokoko'iio koroimu!

Yehesikieli 20:48

Sompo mia ta kumitao nine Ongkuemo, Ue anu molangao; api atuu nahi ta mate.”

Yehesikieli 38:22

Aku humukuakono haki lele ka rea. Aku mompotii usa marombo, usa seru baku, api, ka walira i wawono, a wawo nsorodaduno, ka a wawo hadio tongku anu tumondao.

Habaku 2:16

Omue komowohiako pongkoko'iia, komba marambaa. Omue po'inumo mbo'u ranta ka upobangku-bangku. Ndi omuemo ta melimba piala inso a ngkae koana-Do i Ue, ka pongkoko'ii ta tumutuwio marambamu.

I MATIU 20:22

Sine sumangki Ira i Yesu, Dopotae, ”Nahi imento'orio, hapa anu inemamiu. Komiu mempolioke me'inuo ihino tonde anu asalakono Aku uminuo?” Mpotae ira ndi Ondae, ”Kami koa mempolio.”

I MATIU 25:41

Ka Ira motae mbo'u ndi ondae anu i manggali-Do: Impolaimo inso i aru-Ku, hei omiu mia anu tetotonaa, impolaimo a laro api anu nahina tampulaano anu tepatindaomo tiano i Mosa'o ka luwuno mala'ekano.

I MATIU 26:39

Ka Dopelelaako tedei, ka Do'amba menggolontu mesomba ka mekakai, Dopotae, ”Oo Ama-Ku, ba mansa Ipemoikoo, po'ineeomo tonde andio ka itelalo inso ndi Ongkue, sine siimo kana po'ehe-Ku, tendeano kana po'ehe-Miu.”

I MARAKUSU 8:38

Hangano ba isema anu mokoko'ii hangano Ongkue ka hangano pau-Ku i tonga-tongano mia mentuwu nahi dompetenunu ka ntehala andio, i Ana Manusia mbo'u Ira mokoko'ii hangano mia atuu ba Dohawe te'upua a laro maramba-Do Ama-Do, domentonda Ira mala'eka mempori.”

I MARAKUSU 9:44

a mpo'ianga atuu ule-uleno nahi ta mate, ka apino nahi ta mate.]

WINEWEUDO TINENA 10:22

Mesangki ira, ”I Koroneliusu, aasa petewawa sorodadu anu moleo aroa ka doitoako Ira Ue Ala, ka anu teto'ori moiko i olodo luwuno to Yahudi, montarimaomo pepokomengkaa-Do Ue Ala a mala'eka-Do anu mempori, ka ipoboi komiu lumako i rahano ka rumongeo hapa anu komiu pauo.”

Winali 29:23

Luwuno witano mo'aiako belera ka ohia, anu nahi rinawo, nahina hapa anu tuwu, ka nahina maupo pinopaho hapa anu me'umbaako inso ndi onae, kana i tempono Dowowangunsuleo Sodomo ka Gumora, Adema ka Seboimi, a laro ntekuda ka mokulano aroa-Do.

2 TESALONIKA 1:7

ka ndi omiu anu mempinokonsii Dopowee komiu sanaa aroa ka ndi omami mbo'u, i tempono Dopesabaako i Yesu inso i laro nsuruga meronga saru luwuno mala'eka-Do, a mpabawa-Do, a laro api anu kolanga-langa,

YUDASI 1:7

mengkena kana Sodomo ka Gumora ka luwuno kota petengi-tengino, anu saru wineweu anu mengkena mpoweweu pebelesua ka mpo'ungke pepokonsanaa anu nahi pototono, mpompembasai iramo pobobarasaino api anu nahina tampulaano gagi pompopoto'ori a luwuno mia.

MENGKAAA 15:7

Ka aasa inso a opaa anu tuwu atuu moweeako ira opitu mala'eka atuu opitu tonde inso a wulaa anu buke me'ihi tekuda-Do Ue Ala, onaemo Ondae Ue Ala anu tuwu ranta nahina tampulaano.

MENGKAAA 16:19

Ka i'amba tebansiomo kota langkai atuu gagi otolu ntia ka mentehoa iramo kotado luwuno tongku anu nahi domento'ori Ira Ue Ala. Ka Dorambeo Ue Ala Babeli anu langkai atuu ka Dopoweeakono tonde anu bukeako anggoro bamburuno tekuda-Do.

MENGKAAA 18:3

hangano luwuno tongku mpo'inu iramo inso a anggoro po'eheno aroa belesuno ka luwuno mokole i tolino mpebelesu iramo saru onae, ka anu mpebalu-balu i tolino mengkaeaako iramo mare'eno po'eheno aroano.”

MENGKAAA 18:6

Pombalomo ndi onae, mengkena kana onae mbo'u mombalo, ka weeakonomo meluka mpendua montonda inanggano, saloakonomo meluka mpendua a laro tonde ponsaloano;

MENGKAAA 19:15

Ka inso a nganga-Do meluarakoomo aasa ponai montaso anu ta numangio luwuno tongku. Ka Ira pakambiako ira tuko labu ka Ira momporo'i anggoro a mpogilia anggoro, onaemo bamburuno tekuda-Do Ue Ala, Anu Tedoa Pabawa.

MENGKAAA 19:20

Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.

MENGKAAA 20:10

ka i Mosa'o, anu mopo'oo ira, pinetadiako a laro ntahi api ka walira, onaemo po'iangano kondehora ka nabi megaupi atuu, ka binobarasai ira meene wongi ranta nahina tampulaano.

MENGKAAA 20:14

Ka i'amba matea ka poparentaano matea atuu pinetadiako iramo a laro ntahi api. Onaemo atuu matea anu ko'orua: tahi api.

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”