MENGKAAA 14:1 - Wunta Mempori

¹ Ka kukitao: menteeano, i Ana Bimba mentade Ira i pongku Sioni ka meronga saru Ondae asa etu ka pato pulu ka opaa nsowu mia ka a ra'ido teburi nee-Do ka nee-Do Ama-Do.

MENGKAAA 14:1 ပူးပေါင်းရင်းမြစ်များ

Po'unde-unde 2:6

”Ongkuemo anu motoroo mokole-Ku i Sioni, torukuno-Ku anu mempori!”

Yesaya 49:14

Sioni mepau, ”Ondae i Ue Dobinta akumo ka Ondae Ueku Dokolupe akumo.”

Yeremia 1:11

Umarino atuu pau-Do i Ue hawe ndi ongkue, kanandio, ”Hapake kinitamu, hei Yeremia?” Kusangki Ira, ”Kukitao asa sampano keu badami.”

Yehesikieli 1:4

Ka ku'amba kumitao, mentee ntu'u, angi mokora mepuuri inso i utara saru asa boto seru langkai me'ihi api anu tesosangkilo anu ilimbuo wanta. I tonga-tongano api atuu tengkita asa kana suasa mangkilo.

Yehesikieli 10:1

Ka ku'amba kumitao, mentee ntu'u, i wawono longkuno langi anu kongko a wawo ulu, luwuno kerubi, i wawono luwuno atuu, tengkita aasa anu kana tadeno kadera poparentaa, tengkita kana paramata lasuaradi.

Yehesikieli 10:9

Kukitao, mentee ntu'u, i horido kerubi atuu hinao opaa bolano, aasa bolano i horino singge kerubi, ka bola andio tengkita kana tesangkilono paramata pirusu.

Yehesikieli 2:9

Kukitao, menteeano hinao kae anu tetasiako ndi ongkue, ka i larono hinao paluluno wunta.

Yehesikieli 44:4

Ka i'amba wawa aku telalo a mpewowa langkai utara lumako i arono Raha Mempori. Kukitao, mentee ntu'u, Raha-Do i Ue buke maramba-Do i Ue. Ka ku'amba menggolontu mesomba.

Yehesikieli 8:7

Ka Do'amba wawa aku a mpewowano kintala, ka kukitao, mentee ntu'u, hinao asa bolo a rere watu.

Yehesikieli 9:4

Pau-Do i Ue ndi onae, ”Pelempamo inso i tonga-tongano kota Yerusale ka buriomo aasa petondoni a ra'ido mia anu pompemasusa hangano luwuno wineweu mokoburu anu wineweu i ra'ai.”

Danieli 12:5

Ka i'amba ongkue, i Danieli, mengkita ka tengkita orua mia susua mentade, asa mia a wiwi ngkorono i asambali i ndi'ai ka asa mia mbo'u a wiwino i asambalino raane.

Yoeli 2:32

Isemamo koa anu mebooli a nee-Do i Ue ta kinadudui, hangano i Torukuno Sioni ka i Yerusale ta hina tekaduduia; kana anu Dopauomo i Ue, sompo mia anu pinoboi-Do i Ue ta tewinso a luwuno mia anu tepotola.”

Amosi 8:2

Ka Do'amba mepau, ”Hapake kinitamu, Amosi?” Kusangki Ira, ”Asa baki me'ihi hadio rupa wua anu motaha.” Mepau Iramo i Ue ndi ongkue, ”Poko'ariano haweomo a bawaa-Ku Isaraeli. Nahi Aku umampuni ira mbo'u.

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

Sakaria 4:2

Ipotae ndi ongkue, ”Hapa anu kinitamu?” Sangkiku, ”Kukitaomo asa hulu mengkaru, luwuno inso a wulaa, saru loea kodei ponaapa lana i wawono. A hulu mengkaru atuu hinao opitu pelita ka opitu po'iangano sumbu a sompo pelita anu i wawono.

I LUKASI 12:8

Kupauakomiu: Sompo mia umakui Aku i arodo mia, i ana Manusia mbo'u Ira umakuio i arodo mala'eka-Do Ue Ala.

ROMA 9:33

kana hinao teburi, ”Menteeano, Aku numaao i Sioni aasa watu tetengkua ka aasa watu tetidua, ka ba isema anu me'ala-ala Ira, nahi ta pinokoko'ii.”

MENGKAAA 14:14

Ka kukitao: menteeano, hinao aasa seru mopute, ka i wawono seru atuu mentoro aasa mia kana i Ana Manusia saru aasa ramba-ramba ulu wulaa i wawo ulu-Do ka aasa ponsewo montaso a ngkae-Do.

MENGKAAA 14:3

Dompenaniakono aasa penani wo'ohu i arono kadera poparentaa ka i arodo opaa anu tuwu ka mia mempinemota'u atuudo, ka nahina maupo te'asa mia anu mokompepaguruakono penani atuu sangkadio mia asa etu pato pulu ka opaa nsowu anu mentinolosi iramo atuu inso i tolino.

MENGKAAA 15:5

Ka i'amba umarino atuu kukitao mia umungkahio Raha Mempori – kema ponsakosii – i suruga.

MENGKAAA 22:4

ka ira mengkitao rupa-Do, ka nee-Do ta teburi a ra'ido.

MENGKAAA 3:12

Ba isema monangi, onae Aku mokogagio karuno a laro Raha Mempori-Do Ue Ala-Ku, ka onae nahi ta meluarako mbo'u inso i tu'ai; ka ndi onae Aku burio nee-Do Ue Ala-Ku, neeno kota-Do Ue Ala-Ku, onaemo Yerusale wo'ohu, anu metii inso i suruga inso ndi Ondae Ue Ala-Ku, ka nee-Ku anu wo'ohu.

MENGKAAA 4:1

Ka i'amba umarino atuu kukitao: Menteeano, aasa pewowa te'ungkahi i suruga ka suara anu i ndi'upua kurongeomo, motae ndi ongkue kana unino tawuwua, ipotae: Pewuatakomo ramai ka Aku tumisoakomu hapa anu asalakono gagi umarino andio.

MENGKAAA 6:8

Ka kukitao: Menteeano, hinao aasa ngara molowulu mongkuni ka mia anu mesawikio meneeako i Matea ka poparentaano matea tumondao. Ka ndi ondae mempinoweeako pabawa a asa ntia opaano tolino ka dompompepateako ponai, ka mokoninggoa ka haki lele, ka saru luwuno kondehora lambaha anu i tolino.