MENGKAAA 13:8 - Wunta Mempori

⁸ Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 13:8 ပူးပေါင်းရင်းမြစ်များ

Tegagia 22:7

Motae i Saki ndi Burahima, amano, ”Amaku.” Sumangki i Burahima, ”Tembio, anaku.” Mesikeno i Saki, ”I ndi'ai hinaomo api ka keu, sine isua ana bimba weweua pesomba tinunu?”

Po'unde-unde 69:28

Itiangiomo sala a nsala poweweudo, ka si mansa Ipokomentee ira!

Peluarakoa 32:32

Sine kanandio-andio, po'ineeomo kai oninio halado. Tewala naahi, po'ineeomo ipahihio neeku inso a wunta anu binuri-Miu.”

Yesaya 4:3

Mia anu tebinta i Sioni ka mia anu da mentuwu i Yerusale ira mempinau mempori, sompo mia anu teburi ta kongko tuwu i Yerusale.

Danieli 12:1

”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I LUKASI 10:20

Sine maupo kanatuu si mpo'unde hangano onitu nsa'o atuudo mpe'urumako ndi omiu, sine impo'undemo hangano neemiu hinao teburi i suruga.”

I YOHANE 1:29

Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

PILIPI 4:3

Tamoako, ku'emao mbo'u ndi omue Sunsugo, waliku anu metenunu: tulungi iramo. Hangano mo'angga iramo saru ongkue a pompalelea Lele Mawongkoa, meronga saru i Keleme ka wali-waliku pe'asa mpo'angga anu mehano, anu needo teburi a Wunta tuwua.

TITU 1:2

ka me'empehiako pomperorohia a ntuwua anu nahina tampulaano anu se'eluno pompu'uano tempo Dodandiomo Ue Ala anu nahi Dopegaupi,

MENGKAAA 12:15

Ka i'amba ule atuu mewurosiako uwoi inso a ngangano, kana langkaino korono, te'aro a beine atuu, ka ipolomoo korono atuu.

MENGKAAA 13:12

Ka luwuno pabawano kondehora anu amba-ambano atuu ipolempao i arono matano. Hangano onae asa wawontolino ka luwuno ihino mpesombaio kondehora amba-ambano, anu tompaomo mobela langkaino.

MENGKAAA 17:8

Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.

MENGKAAA 3:10

Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.

MENGKAAA 3:20

Kitao, mentade Aku i arono pewowa ka metingko-tingko; tewala hinao mia anu rumongeo suara-Ku ka umungkahia-Kune pewowa, Aku koa mewinso tepohaweakono ka Aku mongkaa meronga saru onae, ka onae meronga saru Ongkue.

MENGKAAA 3:5

Ba isema monangi, onae ta pinokonaako sangka mopute anu kanandio; Nahi Aku pahihio neeno inso a wunta tuwua, tendeano Aku mangakuakono neeno i aro-Do Ama-Ku ka i arodo luwuno mala'eka-Do.

MENGKAAA 5:12

dompotae saru suara meroku, ”Ana Bimba anu sinumbele atuu tekona ka Dotarimao pabawa, ka kaeaa, ka ponto'ori anu mentee, ka roso, ka pompelangkai, ka marambaa, ka po'unde-unde!”

MENGKAAA 5:13

Ka kurongeo luwuno anu tuwu i suruga ka anu i tolino ka anu i totono tolino ka anu a ntahi ka luwuno anu mekongko i larono, mpotae, ”Tia-Do anu mentoro a wawo ngkadera poparentaa ka tia-Do Ana Bimba, onaemo po'unde-unde ka pompelangkai ka marambaa ka pabawa ranta nahina tampulaano!”

MENGKAAA 6:1

Ka kukitao Ana Bimba atuu umungkahio anu amba-ambano inso a opitu pontondoni atuu, ka kurongeo anu amba-ambano inso a opaa anu tuwu atuu mepau saru suara kana unino rundu, ”Aiwa!”