MENGKAAA 13:2 - Wunta Mempori

² Kondehora anu kinitaku atuu mengkena kana nggapu langkai meboti-boti, ka karuno kana karuno berua ka ngangano kana ngangano singa. Ka naga atuu moweeakono rosono, ka kadera poparentaano ka pabawano anu langkai.

MENGKAAA 13:2 ပူးပေါင်းရင်းမြစ်များ

2 Mokole 2:24

Onae ka ipewolili i bungkuno ka mansano kumita ira, itotonaa ira a nee-Do i Ue. Ka i'amba meluarakoomo orua berua inso a ntobu, ka i'amba doberi-berio pato pulu ka orua ira nana'ote inso ndi ondae.

Po'unde-unde 22:21

Ipotola akumo inso a mponai, ka penaaku inso mperorontuado dahu.

Powadi 17:12

Moikoopo tepotowo saru berua waino anu tetadi anano, sekonopo saru mia monge-monge a laro benge-bengeno.

Powadi 28:15

Kana singa anu mengaoli ke berua anu mesapoi, kanatuumo mia mosa'o gauno anu moparenta palili anu molema.

Yesaya 5:29

Pengaolido kana singa waino, kana singa mongura dompengaoli; ondae mperaali ka mporako kaangado, mewawao mpelulu ka nahina mokompotolao.

Yeremia 13:23

Poli irake to Etiopia me'euo kulido ke nggapu langkai meboti-boti balio lobano? Nde kana'umpe komiu mempolio mpoweweu moiko, hei mia anu meleleo mpoweweu mosa'o?

Yeremia 5:6

Onaemo pu'uno singa inso a ntobu ta merangkami ira, ka serigala i pada one ta rumako ira. Nggapu langkai meboti-boti ta mompora umpeda a luwuno kotado, sompo mia anu meluarako ta meberi-berio. Hangano hadioomo halado, ka tesaado tetiangi.

Hosea 11:10

Ira mpetonda ndi Ondae i Ue; Ira mengaoli kana singa. Mentee ntu'u, Ira mengaoli. Nana'ote ira mehawe saru mpondidi-ndidi inso i sumooano oleo,

Amosi 3:12

Kanandiomo pau-Do i Ue, ”Kana puu mpopakambi mompotola inso a ngangano singa orua tangkelari ke lewe biri, kanatuumo to Isaraeli anu mpo'ia i Samaria ira mempinotola butu kana tompano poturia ke asa mpole karuno dasa.”

Amosi 5:19

Kana asa mia molai inso a nsinga, asa berua tumowokio, sahaweno i raha metumboakono kaeno a rere, asa ule tumungkuo!

Habaku 1:8

Ngarado magasiopo sekono santiwali, ka memasii irapo sekono serigala i tempono wongi. Sorodadudo anu mpengara mpokopa-kopa; sorodadudo anu mpengara me'aiwa inso i olaiano, mpenee kana singko anu montiu kaanga.

2 TIMOTIU 4:17

sine mentade Iramo i Ue i horiku ka mokoroso aku, ka ipinalele koa ntu'u Lele Mawongkoa telalo ndi ongkue ka domerongeo luwuno mia anu komba to Yahudi. Hangano kanandio ka kutola inso a ngangano singa.

1 PETURU 5:8

Intelikemo ka impedaga-dagaimo! Anu umewai komiu, i Mosa'o, melempa metanggolili mengkena kana singa anu mengaoli ka mo'ungke mia anu pinokoteleno.

MENGKAAA 12:13

Ka tempono ipokonto'orio naga atuu, nine onae pinetadiakoomo i wawontolino, ilampuio beine anu me'anaakono Ana ntama atuu.

MENGKAAA 12:15

Ka i'amba ule atuu mewurosiako uwoi inso a ngangano, kana langkaino korono, te'aro a beine atuu, ka ipolomoo korono atuu.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:12

Ka luwuno pabawano kondehora anu amba-ambano atuu ipolempao i arono matano. Hangano onae asa wawontolino ka luwuno ihino mpesombaio kondehora amba-ambano, anu tompaomo mobela langkaino.

MENGKAAA 13:4

Ka dompesombaio naga atuu, hangano ipoweeakono pabawa a ngkondehora atuu. Ka dompesombaio kondehora atuu, saru mpotae, ”Isemake anu mengkena kana kondehora andio? Ka isemake anu mokompetea umewaio?”

MENGKAAA 16:10

Ka mala'eka anu ko'olima umuwuo tondeno a wawo ngkadera poparentaano kondehora atuu ka poparentaano gagi wongi-wongi, ka domengkikio elodo hangano mpompemahaki,

MENGKAAA 17:12

Ka hopulu tandu anu ukitaomo atuu onaemo hopulu mokole, anu napi dompompu'u mpomparenta, sine asa langku tehineno ira mpontarima pabawa kana mokole, mperonga saru kondehora atuu.

MENGKAAA 19:20

Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.

MENGKAAA 2:13

Kuto'orio ba isua upo'ia, onaemo i ra'ai, a mpo'iangano kadera poparentaano i Mosa'o; ka omue me'ini a nee-Ku, ka komba uhapuo pompe'ala-alamu ndi Ongkue, naahi koa mbo'u a tempono i Antipasi, sakosii-Ku, anu metenunu ndi Ongkue, anu pinepate i aromiu, a mpo'iangano i Mosa'o.

MENGKAAA 20:2

irakoo naga, i ule mota'u atuu, onaemo i Mosa'o ka i Satani. Ka iponguo asa nsowu ta'u tehineno,