MENGKAAA 13:15 - Wunta Mempori

¹⁵ Ka ndi onae pinoweeako pabawa ka ipoweeakono penaa tinaha kondehora atuu, ranta tinaha kondehora atuu mepau mbo'u, ka ipoweweu kanatuu, ranta luwuno mia, anu nahi pesombaio tinaha kondehora atuu, pinepate.

MENGKAAA 13:15 ပူးပေါင်းရင်းမြစ်များ

Tegagia 2:7

Ka Do'amba Ue Ala weweuo mia inso a awu wita, ka mompuuriakono penaa tuwua a laro engeno. Kanatuumo mia atuu gagi anu tuwu.

Po'unde-unde 115:5

hinao ngangano, sine nahi pokompepau, hinao matano, sine nahi pokompongkita,

Yeremia 10:14

Sompo mia mengkaa benge-benge, nahina tino'orino, ka sompo mia anu pande mo'angga wulaa gagi mokoko'ii hangano tinaha wineweuno. Hangano tinaha tinawano butu pompopo'oo, nahina penaa i larono,

Yeremia 10:5

Luwuno lahumoa mengkena kana mia-mia a lere suai, nahi dompokompepau ka asalakono tinande hangano nahi pokompelempa. Si doitoakono, hangano nahi dompokompoweweu anu mosa'o, ka nahi dompokompoweweu mbo'u anu moiko.”

Yeremia 51:17

Sompo mia mengkaa benge-benge, nahina ponto'orino, ka sompo anu pande mo'angga wulaa gagi mokoko'ii hangano tinaha wineweuno. Hangano tinaha tinawa butu pompopo'oo, nahina penaa i larono.

Danieli 7:20

ka mongkona hopulu tandu anu kongko a uluno, saru mbo'u mongkona tandu susua anu tuwu ranta ka itepudu otolu tandu. Tandu atuu hinao matano ka hinao ngangano anu mompelangka-langkai, saru rupano langkaiopo sekono luwuno tandu anu susua.

Danieli 7:25

Onae ta pauo pau anu umewai Ira Anu Tedoa Mantande, bobarasai ira mia mempori-Do Anu Tedoa Mantande, ka merokuhi balio tempo ka songka. Ira mempineweengako a ngkaeno i larono asa tempo ka orua tempo ka entonga tempo.

Habaku 2:19

Masola ntu'u mia anu mepau a ngkeu asa mpole, ”Pelikemo!” ka a asa watu beebe nahi pepau, ”Pewangumo!” Kana'umpe ka ipokompopaguru? Lano onae mewaluako wulaa ka salaka, sine nahina ntu'u penaa i larono.

YAKOBU 2:26

Hangano kana koroi nahina penaano, maate, kanandio koa mbo'u pompe'ala-ala nahina wineweu, maate.

MENGKAAA 13:1

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

MENGKAAA 13:12

Ka luwuno pabawano kondehora anu amba-ambano atuu ipolempao i arono matano. Hangano onae asa wawontolino ka luwuno ihino mpesombaio kondehora amba-ambano, anu tompaomo mobela langkaino.

MENGKAAA 13:14

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 14:11

Ka ahuno api anu bobarasai ira atuu mewuatako i wawono hawe nahina tampulaano, ka meene wongi nahi dompenaa-naa binobarasai, onaemo ondae anu mpesombaio kondehora saru tinaha atuu, ka ba isema anu montarimaomo tondonino neeno.”

MENGKAAA 14:9

Ka aasa mala'eka susua, mala'eka ko'otolu, tumonda lembui ira, ka mepau saru suara meroku, ”Tewala asa mia mesombaio kondehora ka tinaha atuu, ka montarima pontondoni a ra'ino ke a ngkaeno,

MENGKAAA 16:2

Ka lumakoomo mala'eka anu ko'aasa ka i'uwuo tondeno i wawontolino; ka mesabaakoomo kamba anu lambaha ka anu ira memasolaako luwuno mia anu hinao tondonino inso a ngkodehora atuu ka anu mpesomba a ntinahano.

MENGKAAA 16:5

Ka kurongeo mala'eka anu pabawaio uwoi atuu motae, ”Moleo Komiu, Omiu anu ndio ka anu ndio Komiumo, Omiu anu mempori, anu motiio pohuku andio.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 17:17

Hangano Dopokomewineomo Ue Ala aroado ka domeweweuo po'ehe-Do saru ntepo'asa aroa ka dompeweengakono poparentaado a ngkondehora atuu, ranta luwuno pau-Do Ue Ala inihiiomo.

MENGKAAA 17:6

Ka kukitao beine atuu molanguako reado mia mempori ka reado sakosii-Do i Yesu. Ka tempono kukitao, tedoa aku kohali-hali.

MENGKAAA 18:20

Impo'undeakonomo, hei suruga, ka omiu, hei luwuno mia mempori, luwuno tinena ka luwuno nabi, hangano Ondae Ue Ala mompotii Iramo pohuku ndi onae hangano omiu.”

MENGKAAA 18:24

Ka i larono hinawe reado nabi ka mia memempori ka reado luwuno mia, anu mempinepate i tolino.

MENGKAAA 19:20

Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.