MENGKAAA 13:14 - Wunta Mempori

¹⁴ Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 13:14 ပူးပေါင်းရင်းမြစ်များ

2 Mokole 20:7

Ka i'amba motae i Yesaya, ”Alaomo kukisi ara!” Ka do'amba me'alao mia ka menaao a ngkambano atuu, ka onae tompaomo.

2 Mokole 22:20

Onaemo pu'uno, menteeano Aku pumpuko saru uempu'umu, ka kokinaburu moiko, ka matamu nahi ta kumitao luwuno masolaa anu Aku motiio a mpo'ianga andio.” Ka do'amba mpohaweo sangki atuu ndi ondae mokole.

2 Tawarika 18:21

Sangkino: Aku meluarako ka gagi penaa megaupi a laro ngangado luwuno nabino. Mepau Ira: Po'ineeomo ka upopandeio, ka ta koa gagi. Peluarakomo ka weweuomo kanatuu!

Ayubi 12:16

Ndi Ondaemo pabawa ka ponangia, Ondaemo anu pabawaio moiko mia anu pansia maupo mia anu mompokopansia.

Peluarakoa 7:11

Ka i'amba i Pirao moboi ira mia anu mpoto'ori ka pande sihiri to Masiri ka dompoweweu mbo'u anu kanantuu, montonda ponto'orido.

Yesaya 44:20

Mia anu marepaako butu awu, ipopo'ooo aroano anu tesaa; onae nahi pokokaduduio koroino ke motae, ”Kombake anu a ngkae koanaku andio butu pegaupi?”

Yehesikieli 14:9

Tewala nabi atuu mo'ineeo koroino tepopandei saru mompau te'asa rupa, ka Ongkue, Ue anu popandeio nabi atuu, Aku tumandeo kae-Ku umewaio ka mokotampulao inso i tonga-tongado bawaa-Ku Isaraeli.

Yehesikieli 16:17

Omue umala ira mbo'u peramba-rambamu anu wineweu inso a wulaa ka salaka anu Kuweeakomu, ka u'amba weweu ira tinaha tama ka upebelesu saru ondae.

Yehesikieli 8:10

Ka ku'amba mewinso ka kumitao, mentee ntu'u, luwuno gambarano kondehora melele, kondehora susua anu mokoburu, ka luwuno lahumoado suku Isaraeli tenggori a rere watu limbu-limbu.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:1

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

MENGKAAA 13:15

Ka ndi onae pinoweeako pabawa ka ipoweeakono penaa tinaha kondehora atuu, ranta tinaha kondehora atuu mepau mbo'u, ka ipoweweu kanatuu, ranta luwuno mia, anu nahi pesombaio tinaha kondehora atuu, pinepate.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 14:11

Ka ahuno api anu bobarasai ira atuu mewuatako i wawono hawe nahina tampulaano, ka meene wongi nahi dompenaa-naa binobarasai, onaemo ondae anu mpesombaio kondehora saru tinaha atuu, ka ba isema anu montarimaomo tondonino neeno.”

MENGKAAA 14:9

Ka aasa mala'eka susua, mala'eka ko'otolu, tumonda lembui ira, ka mepau saru suara meroku, ”Tewala asa mia mesombaio kondehora ka tinaha atuu, ka montarima pontondoni a ra'ino ke a ngkaeno,

MENGKAAA 15:2

Ka kukitao aasa kana tahi tami malua mesalo api, ka i wiwino tahi tami malua atuu mentade ira mia anu menangiomo kondehora atuu ka tinahano ka doano neeno. Ndi ondae hinao katapi-Do Ue Ala.

MENGKAAA 16:13

Ka kukitao inso a ngangano naga ka inso a ngangano kondehora ka inso a ngangano nabi megaupi atuu meluarako otolu penaa mokoburu anu kana tumpa.

MENGKAAA 16:2

Ka lumakoomo mala'eka anu ko'aasa ka i'uwuo tondeno i wawontolino; ka mesabaakoomo kamba anu lambaha ka anu ira memasolaako luwuno mia anu hinao tondonino inso a ngkodehora atuu ka anu mpesomba a ntinahano.

MENGKAAA 18:23

Ka wantano hulu nahi ta mepansari mbo'u i laromu, ka suarano umbu ngkoroi tama ka umbu ngkoroi beine nahi ta teronge mbo'u i laromu. Hangano puu mpebalu-balumu onaemo luwuno anu langkai potorodo i tolino, hangano ponto'ori sihirimu luwuno tongku pinopo'oo.”

MENGKAAA 19:20

Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

MENGKAAA 20:10

ka i Mosa'o, anu mopo'oo ira, pinetadiako a laro ntahi api ka walira, onaemo po'iangano kondehora ka nabi megaupi atuu, ka binobarasai ira meene wongi ranta nahina tampulaano.

MENGKAAA 3:10

Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.