MENGKAAA 13:10 - Wunta Mempori

¹⁰ Ba isema tinantui ka itinawa, onae ta tinawa; ba isema tinantui ka ipinepateako ponai, onae asalakono pinepateako ponai. Anu kinere i ndi'ai onaemo pompedato ka pompe'ala-alado mia mempori.

MENGKAAA 13:10 ပူးပေါင်းရင်းမြစ်များ

Yesaya 14:2

Luwuno tongku susua mewawa ira to Isaraeli mpekule a mpo'iangado, ka i'amba to Isaraeli ira mpe'ue tongku atuu i wita-Do i Ue gagi ata tama ka beine. Kanatuumo domentawa ira mia anu tumawa ira ka pabawaio luwuno anu mokonsii ira.

Yesaya 26:21

Hangano menteeano, Ondae i Ue Ira ronga meluarako inso a mpo'ianga-Do Ira humukuo palilino tolino hangano salado, ka tolino mosabao rea anu te'uwu i wawono, nahi wunio mbo'u mia anu mempinepate i ra'ai.

Yesaya 33:1

Masolakomo ntu'u, hei anu monsolangi anu napi sinolangi, ka omue, hei puu mporuntu anu napi rinontu! Tewala umarikomo monsolangi, omue isa'a kosinolangi; tewala omue umari morontu, omue isa'a korinontu.

Yeremia 15:2

Tewala mpesikeno ira ndi omue, ’Isuake asalakono kami melako?’ Pauako iramo, ’Kanandiomo pau-Do i Ue: Anu tinantui tiano matea, lakomo a matea! Anu tiano ponai, lakomo a mponai! Anu tiano mokoninggoa, lakomo a mokoninggoa! Ka anu tiano gagi tinawa, lakomo a pontawaa!’

Yeremia 43:11

Onae ta aiwa ka numangio wita Masiri: Anu tinantui ka imate, ta mate! Anu tinantui ka igagi mia tinawa, ta tinawa! Anu tinantui tiano ponai, ta umaluo ponai!

Ponsabangi 3:26

Moikoomo mesikori saru menoro-noro pontulungi-Do i Ue.

Habaku 2:3

Hangano pongkita atuu da monsikori tempono, sine ta ronga te'aro a mpoko'ariano, ka komba pompopo'oo. Maupo nahi ronga hawe, sikoriomo, hangano mongkona atuu manasa ta hawe ka nahi ta tepotulu.

I MATIU 26:52

Onaemo ka Dopotaeakono i Yesu, ”Winsoomo ponai atuu a tampino, hangano ba isema mompake ponai, ta mateako ponai.

I MATIU 7:2

Hangano kana koa pobitaramiu, kanatuu koa mbo'u komiu mebinitara ka kana koa ponsa'umiu, onae koa mbo'u komiu mensina'uako.

I LUKASI 21:19

Tewala pompetea komiu mpiha, komiu mehaweo tuwumiu.”

KOLOSE 1:11

ka mempinokorosoako luwuno roso hangano pabawano maramba-Do ka imoroso aroamiu ka mensabara mentembio luwuakoano,

IBARANI 6:12

ka si megagi mongguu, sine megagi anu tumonda ira anu hangano pompe'ala-ala ka pompedato mohawe tia a laro hapa anu dinandi-Do Ue Ala.

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 11:18

ka luwuno tongku ntekuda iramo, sine haweakoomo tekuda-Miu ka tempono ka domebinitara mia mate ka domewineeako tambodo tetenaa-Miu, luwuno nabi ka mia memempori ka ndi ondae anu medoitoakono nee-Miu, a luwuno mia kodei ka luwuno mia langkai ka rumopuo ba isema anu rumopuo tolino.”

MENGKAAA 14:12

Anu kinere i ndi'ai onaemo pompedatodo mia mempori, anu mentondao parenta-Do Ue Ala ka pompe'ala-ala ndi Ondae i Yesu.

MENGKAAA 16:6

Hangano dome'uwuomo reado mia mempori ka luwuno nabi, Omiu mbo'u moweeako iramo rea ka dome'inuo; mongkona atuu tekona ndi ondae!”

MENGKAAA 17:11

Ka kondehora anu horio hina ka anu kanandio-andio nahina atuu, onae isa'a mokole onaemo mokole ko oalu ka maupo kanandio aasa inso anu opitu atuu ka onae te'aro a matea.

MENGKAAA 17:8

Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.

MENGKAAA 2:19

Kuto'orio luwuno inanggamu: moiko pompehohawamu maupo pompe'ala-alamu, moiko pompekakaakomu maupo pompedatomu. Kuto'orio, nine anggaamu anu pokotompa hadioopo sekono anu amba-ambano.

MENGKAAA 2:2

Kuto'orio luwuno inanggamu: moiko pe'iseimu maupo pompedatomu. Kuto'orio, nine nahi upokompeteao aroamu a mia anu me mosa'o, nine u'ara-arahako iramo mia anu mempauo koroido tinena, sine anu menteeano komba kanandio, nine uhawe iramo mpegaupi.

MENGKAAA 3:10

Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.

MENGKAAA 3:3

Onaemo pu'uno pewowoloomo, ba kana'umpe utarimaomo ka rumongeo; tondaomo atuu ka tepidimo! Hangano tewala nahi upedaga-dagai, Aku hawe kana mia monako ka nahi uto'orio a tempo isuake Kumansa hawe ndi omue.