MENGKAAA 12:7 - Wunta Mempori

⁷ Ka gagiomo peteaa i suruga. I Mikaeli ka luwuno mala'ekano metea umewaio naga atuu, ka naga atuu dompokowalio mala'ekano,

MENGKAAA 12:7 ပူးပေါင်းရင်းမြစ်များ

Po'unde-unde 78:49

tempono Dopotiio tekuda-Do anu tensila, mosa'ono aroa, bamburu ka pompema'iso: asa bawaa mala'eka powawa masolaa;

Yesaya 34:5

Hangano ponai-Ku anu i langi molanguakoomo rea, kitao, onae metii bitarao Edomi, tongku anu Kupesusuao ka irinopu.

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Danieli 10:13

Petewawano poparentaado to Peresia mentade umewai aku rua pulu ka asa oleo tehineno. Ka i'amba i Mikaeli asa mia inso i olodo petewawa anu pinemota'u, aiwa tumulungi aku, ka onae kubintao i ra'ai tepo'aroako ira mokoledo to Peresia.

Danieli 10:21

Sine, aku koa pauakomu hapa anu teburi a Wunta Menteea. Nahina maupo te'asa anu me'alaako ndi ongkue umewai ira, sangkadio i Mikaeli, petewawamu atuu.

Danieli 12:1

”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

I MATIU 13:41

I Ana Manusia ta tumena ira mala'eka-Do pumpuo luwuakoano anu mompopo'oo ka luwuno mia anu moweweu mosa'o inso a laro Poparentaa-Do.

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

I MATIU 24:31

Ka Dotena ira mala'eka-Do mpeluarako saru mpopuuri tawuwua anu mongkokongiri unino ka ira mepumpuo luwuno mia bininiki-Do inso a opaa siuno tolino, inso i tompano langi anu aasa hawe i tompano langi anu susuano.

I MATIU 25:41

Ka Ira motae mbo'u ndi ondae anu i manggali-Do: Impolaimo inso i aru-Ku, hei omiu mia anu tetotonaa, impolaimo a laro api anu nahina tampulaano anu tepatindaomo tiano i Mosa'o ka luwuno mala'ekano.

I MATIU 26:53

Ke potaemu, nine nahi Aku polio mebooli ndi Ondae Ama-Ku, ka Doronga montena torea hopulu ka orua bawaa mala'eka mokowali Aku?

2 KORINTI 12:7

Ka si kupompelangka-langkai hangano luwuno pepokomengkaa anu tedoa kinohali-haliako atuu, ka ongkue pinoweeako aasa rui a laro ihiku, onaemo asa mia tinenano i Mosa'o ka itidu aku meroku, ka si kupompelangka-langkai.

EPESU 6:12

hangano peteahakoto komba mo'ewai rea ka ihi, sine umewai ira anu mpeparenta, umewai ira anu mempabawa, umewai ira petewawa wawontolino anu wongi-wongi andio, umewai ira onitu nsa'o i laro meene.

2 TESALONIKA 1:7

ka ndi omiu anu mempinokonsii Dopowee komiu sanaa aroa ka ndi omami mbo'u, i tempono Dopesabaako i Yesu inso i laro nsuruga meronga saru luwuno mala'eka-Do, a mpabawa-Do, a laro api anu kolanga-langa,

IBARANI 2:10

Hangano lano menunu saru teweweu-Do Ue Ala – ndi Ondae ka hangano Ondae luwuakoano pinokogagi –, onaemo Ondae Ue Ala anu mowawa hadio mia a marambaa, ka mokosompo Ira i Yesu, anu wawa ira a ntekaduduia, mesala a ntebobarasaia.

2 PETURU 2:4

Hangano tewala Ondae Ue Ala nahi Dopehohawa ira mala'eka anu mpoweweu hala sine metadiako ira a laro naraka ka ba kanandio meweengako ira a laro ngkunepo anu wongi-wongi ka domeninaa hawe a oleo pobitaraa;

YUDASI 1:9

Sine i Mikaeli tadulakodo mala'eka, tempono a laro aasa teposisalaa megaga saru i Mosa'o mongkona wata ngkoroino i Musa, nahi sapa humukuakono i Mosa'o pau pompepaukiako, sine ipotae, ”Po'ineeomo Ondae i Ue kumuahakomu!”

MENGKAAA 12:8

sine nahi dompokompekorahako; nahi dompohawe mbo'u po'iangado i suruga.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:7

Ka onae ineheako ka ipetea umewai ira mia mempori ka inangi ira; ka ndi onae pinoweeako pabawa a sompo suku ka bawaa ka pau ka tongku.

MENGKAAA 20:2

irakoo naga, i ule mota'u atuu, onaemo i Mosa'o ka i Satani. Ka iponguo asa nsowu ta'u tehineno,