MENGKAAA 12:17 - Wunta Mempori

¹⁷ Onaemo ka itekuda naga atuu a beine atuu, ka i'amba lumako meteaakono inuleno anu susua, anu mentondao luwuno songka-Do Ue Ala ka me'inio ponsakosii-Do i Yesu.

MENGKAAA 12:17 ပူးပေါင်းရင်းမြစ်များ

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

1 KORINTI 2:1

Kanandio koa mbo'u, tempono kuhawe ndi omiu, pepaekompo, komba ndio aku hawe saru pau anu tekosi ke saru ponto'ori ka kupohaweakomiu ponsakosii-Do Ue Ala.

1 PETURU 5:8

Intelikemo ka impedaga-dagaimo! Anu umewai komiu, i Mosa'o, melempa metanggolili mengkena kana singa anu mengaoli ka mo'ungke mia anu pinokoteleno.

1 YOHANE 2:3

Ka ndiomo tondonino, nine tomento'ori Ira Ue Ala, onaemo tewala tomentondao luwuno parenta-Do.

1 YOHANE 5:10

Ba isema me'ala-ala Ira Ana-Do Ue Ala, hinao ponsakosii atuu a ngkoroino; ba isema nahi pe'ala-ala Ira Ue Ala, iweweu Ira gagi megaupi, hangano nahi pe'ala-alao ponsakosii-Do Ue Ala mongkona Ana-Do.

1 YOHANE 5:2

Ndiomo tondonino, nine tompehohawa ira ana-Do Ue Ala, onaemo tewala tomengkekewoi Ira Ue Ala saru weweuo luwuno petena-Do.

MENGKAAA 1:2

I Yohane mesakosiiomo mongkona pau-Do Ue Ala ka mongkona anu sinakosii-Do i Yesu Kerisituu, onaemo luwuakoano anu ikitaomo.

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 11:7

Ka tewala dopoko'umariomo ponsakosiido, ka kondehora anu mesabaako inso a wingke matea, ta meteaako ira ka inangi ira saru mepate ira.

MENGKAAA 12:16

Sine tolino hawe tumulungio beine atuu. Onae menganga, ka iteleo korono anu pinewurosiakono naga atuu inso a ngangano.

MENGKAAA 13:7

Ka onae ineheako ka ipetea umewai ira mia mempori ka inangi ira; ka ndi onae pinoweeako pabawa a sompo suku ka bawaa ka pau ka tongku.

MENGKAAA 14:12

Anu kinere i ndi'ai onaemo pompedatodo mia mempori, anu mentondao parenta-Do Ue Ala ka pompe'ala-ala ndi Ondae i Yesu.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 17:6

Ka kukitao beine atuu molanguako reado mia mempori ka reado sakosii-Do i Yesu. Ka tempono kukitao, tedoa aku kohali-hali.

MENGKAAA 18:20

Impo'undeakonomo, hei suruga, ka omiu, hei luwuno mia mempori, luwuno tinena ka luwuno nabi, hangano Ondae Ue Ala mompotii Iramo pohuku ndi onae hangano omiu.”

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”

MENGKAAA 19:19

Ka kukitao kondehora atuu ka luwuno mokole i tolino saru luwuno sorodadudo mpepumpu iramo ira mpoweweu peteaa umewaio Anu Mesawi a ngara atuu ka sorodadu-Do.

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.

MENGKAAA 6:9

Ka tempono Ana Bimba atuu umungkahio pontondoni anu ko'olima, kukitao i totono meda pontunua pesomba luwuno sumangado anu mempinepate iramo hangano pau-Do Ue Ala ka hangano ponsakosii anu ininido.