MENGKAAA 12:10 - Wunta Mempori

¹⁰ Ka kurongeo suara anu meroku i suruga motae, ”Kanandio-andio haweomo tekaduduia ka pabawa ka poparentaa-Do Ue Alato, ka pabawa-Do anu inurapi-Do, hangano pinetadiakoomo i totono anu mosebe ira pepaekompoto, anu mosebe ira meene ka wongi i aro-Do Ue Alato.

MENGKAAA 12:10 ပူးပေါင်းရင်းမြစ်များ

1 Tawarika 29:11

Oo Ue, Omiumo me'ueo langkaino potoro ka pompoli, pompelangkai ka telelea ka marambaa, oo, luwuakoano anu kongko i langi ka i tolino! Oo Ue, Omiumo me'ueo poparentaa ka Omiu anu lalu mantande gagi petewawa lumaloio luwuakoano.

Ayubi 1:11

Sine, Ipotiiomo kae-Miu ka rumopuo luwuno anu pine'ueno. Manasa itotonaa Komiu i aro-Miu.”

Ayubi 1:9

Sumangki i Mosa'o ndi Ondae i Ue, ”Nde maupo nahi pohawe hapa-hapa i Ayubi doitoako Ira Ue Ala?

Ayubi 2:5

Sine, Ipotiiomo kae-Miu ka ipokomahakio wuku ka ihino, manasa itotonaa Komiu i aro-Miu.”

Po'unde-unde 22:28

Luwuno tompano tolino ta mokonto'orio ka mepokule ndi Ondae i Ue; ka luwuno suku inso a luwuno tongku ira mpenggolontu mpesomba i aro-Miu.

Po'unde-unde 45:6

Luwuno ana mpanamu montaso, lumompahio huleno iwalino mokole; luwuno tongku ntedonta a ntoto ngkarumu.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

I MATIU 26:64

Sumangki Ira i Yesu, ”Ipauomo. Sine, Kupauakomiu, mompu'u kanandio-andio komiu mengkitao i Ana Manusia mentoro i koana-Do Anu Tedoa Pabawa ka aiwa a wawo nseru i langi.”

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I MATIU 6:10

Poparentaa-Miu ka ihawe, ka igagimo po'ehe-Miu i tolino kana i suruga.

I LUKASI 11:2

Dosangki ira i Yesu, ”Tewala komiu mpekakai, impotaemo: Ama, nee-Miu ka ipinokomempori; Poparentaa-Miu ka ihawe.

I LUKASI 22:31

Simo, Simo, kitao, i Mosa'o mo'emaomo ta dumuku komiu kana gandu,

1 KORINTI 5:4

Ba tewala ntepumpu kita i larono penaa, mperonga-ronga komiu saru ongkue, a mpabawa-Do i Yesu, Ueto,

2 KORINTI 12:9

Sine sangki-Do i Ue ndi ongkue, ”Sompoomo pe'aroa-Ku ndi omue, hangano a laro molemamu ka igagi bobotoli pabawa-Ku.” Onaemo pu'uno inehekupo mawongko, ka ipetii pabawa-Do i Kerisituu kumongkomi aku.

TITU 2:3

Kanatuu koa mbo'u beine anu memota'u asalakono ka domentuwu gagi mia mpesomba, si dompomposebe, si domegagi atano anggoro, sine mempande mpompaguruako luwuno anu moiko

1 PETURU 5:8

Intelikemo ka impedaga-dagaimo! Anu umewai komiu, i Mosa'o, melempa metanggolili mengkena kana singa anu mengaoli ka mo'ungke mia anu pinokoteleno.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 2:26

Ka ba isema monangi ka weweuo anggaa-Ku hawe pokotompaano, ndi onae Aku weeakono pabawa a luwuno tongku,

MENGKAAA 7:10

Ka saru suara meroku mpebooli ira, ”Tekaduduia ndi Ondae Ue Alamami anu mentoro a wawo ngkadera poparentaa ka ndi Ondae Ana Bimba!”