MENGKAAA 11:8 - Wunta Mempori

⁸ Ka wata ngkoroido ta mo'ia a wawo batatanano kota langkai, anu montonda pompe'ala-ala nineeako Sodomo ka Masiri, i ra'ai koa mbo'u Uedo Dopinaso a ngkeu pinotamba.

MENGKAAA 11:8 ပူးပေါင်းရင်းမြစ်များ

Tegagia 13:13

To Sodomo tedoa melambaha ka ntehala ndi Ondae i Ue.

Tegagia 19:24

Ka Do'amba i Ue mompotiiakono Sodomo ka Gumora usa walira ka api anu pu'uno inso ndi Ondae i Ue, inso i langi;

Peluarakoa 20:2

”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Peluarakoa 3:7

Mepau Ira i Ue, ”Kukitaomo ntu'u marasaido bawaa-Ku i wita Masiri, ka Kurongeomo peboolido hangano wineweudo anu mpodagai mia mpo'angga. Kuto'oriomo ntu'u marasaido.

Yesaya 3:9

Wineweu mpobibiniki tumuntu ira ondaedo ka kana Sodomo, domempopauo halado, nahina mbo'u anu winuni. Memasola iramo ntu'u mia atuudo! Hangano mpoweweu iramo masolaano koroido ondaedo.

Yeremia 23:14

Maupo i olodo nabi i Yerusale Kukitao mongkona anu mongkokongiri: ondae mponsosabo ka mentuwu mpelelu nahi moleo; ondae menteahako ira mia anu mpoweweu mosa'o, ranta nahina maupo te'asa mia anu tepidi inso a wineweuno anu mosa'o. Luwudo megagi kana Sodomo ndi Ongkue ka palilino kana Gumora.”

Yeremia 26:23

Dome'alao i Uria inso i Masiri ka mewawao ndi Mokole Yoyakimi. Mokole montena mia mepateakono ponai ka mepasiakono wata ngkoroino a mpekaburuado palili.

Yehesikieli 16:46

Akamu anu lalu te'aka onaemo Samaria, anu mo'ia saru luwuno anano beine te'alaako i utaramu, ka akamu anu lalu mongura onaemo Sodomo, anu mo'ia saru luwuno anano beine te'alaako i selatamu.

Yehesikieli 16:49

Kitao, ndiomo salano Sodomo, akamu anu lalu mongura atuu: pompelangka-langkai, kaanga anu hadio ntu'u, ka sanaano tumuwu kongko ndi onae ka luwuno anano beine, sine onae nahi pontulungi mia marasai ka mongkokolaro.

Yehesikieli 23:19

Onae moweweu laluaopo hadio pebelesuno rumambeo tempono da imongura ipebelesu i wita Masiri.

Yehesikieli 23:27

Aku weweuo ka upena-naakono mokoburumu ka pebelesumu mompu'u inso i wita Masiri, ranta nami upesili-sili mata mbo'u ndi ondae ka nahi domerinorambe mbo'u to Masiri.

Yehesikieli 23:3

Ondae mebelesu i Masiri, ondae mebelesu i tempono da domemongura. I ra'ai wua radado pinisi-pisi, radado da moondo inini-ini.

Yehesikieli 23:8

Onae nahi bintao pebelesuno mompu'u inso i Masiri. Hangano tempono imongura dompewowaliakonomo mia, ka ondae me'ini-inio rada moondono saru mpoweeo pebelesudo ndi onae.

Yehesikieli 37:11

Pau-Do ndi ongkue, ”Hei anano mia, wuku andiodo onaemo luwuno suku Isaraeli. Mentee ntu'u, ondaedo mpotae: Luwuno wukumami mokariomo ka pomperorohiamami tampulaomo; te'otuomo tuwumami.

Amosi 4:11

”Kuwowangunsuleomo luwuno kota i olomiu, kana Dowowangunsuleo Ue Ala Sodomo ka Gumora, ranta ka imegagi kana tompa api anu inala inso a langano api. Sine nahi mpepokule ndi Ongkue,” kanandiomo pau-Do i Ue.

I MATIU 10:15

Kupauakomu: Menteeano a oleo pobitaraa Sodomo ka Gumora ta monongkoopo tinembino sekono kota atuu.”

WINEWEUDO TINENA 9:4

Onae tebangku a wita ka irongeomo aasa suara anu mepau ndi onae, ”Saulu, Saulu, tembio ka ubobarasai Aku?”

IBARANI 13:12

Onae koa mbo'u pu'uno Ondae i Yesu tebobarasai Iramo i bungkuno pewowa langkai mokomemporiakono rea-Do bawaa-Do.

IBARANI 6:6

sine anu humapu Ira mbo'u Ue Ala, nahi ira mempinokowo'ohu tepohona mbo'u kanarau, ranta ka dontepidi, hangano domempaso Ira mbo'u Ana-Do Ue Ala tiano koroido ka mokongkodei Ira i arodo mia hadio.

2 PETURU 2:6

ka tewala Ondae Ue Ala sumongkoo kota Sodomo ka Gumora, ka ba kanandio rumopuo ka mokogagio aasa pompopoto'orido anu mentuwu mpogau mosa'o a tempo lembuino,

YUDASI 1:7

mengkena kana Sodomo ka Gumora ka luwuno kota petengi-tengino, anu saru wineweu anu mengkena mpoweweu pebelesua ka mpo'ungke pepokonsanaa anu nahi pototono, mpompembasai iramo pobobarasaino api anu nahina tampulaano gagi pompopoto'ori a luwuno mia.

MENGKAAA 11:13

I tempo atuu gagiomo leelu anu tedoa meroku ka asa ntia hopulu inso a ngkota atuu tebangku, ka pitu nsowu mia memate hangano leelu atuu ka mia susua tedoa medoito, ka do'amba me'unde-unde Ira Ue Ala anu i suruga.

MENGKAAA 11:9

Ka mia anu me'inso a luwuno tongku ka suku ka pau ka pepe'etua, mengkitao wata ngkoroido otolu ka entonga oleo tehineno ka mia atuudo nahi dome'eheakono wata ngkoroido ikinaburu.

MENGKAAA 14:20

Ka wua anggoro atuudo ginili i bungkuno kota ka inso a mpogilia atuu waa rea, mantandeno hawe a nsamano ngara ka olaino rua etu mili.

MENGKAAA 14:8

Ka aasa mala'eka susua, mala'eka ko'orua, tumonda lembuio ka ipotae, ”Tebangkuomo, tebangkuomo Babeli, kota langkai atuu, anu luwuno tongku ipokomolanguakonomo anggoro po'eheno aroa belesuno.”

MENGKAAA 16:19

Ka i'amba tebansiomo kota langkai atuu gagi otolu ntia ka mentehoa iramo kotado luwuno tongku anu nahi domento'ori Ira Ue Ala. Ka Dorambeo Ue Ala Babeli anu langkai atuu ka Dopoweeakono tonde anu bukeako anggoro bamburuno tekuda-Do.

MENGKAAA 17:1

Ka i'amba haweomo asa mia inso a opitu mala'eka, anu mpowawa opitu tonde atuu ka motae ndi ongkue, ”Aiwa i ndi'ai, aku tumisoakomu pomputusi a mia tedoa belesu, anu mentoro a mpo'ianga anu hadio uwoino.

MENGKAAA 17:18

Ka beine anu ukitaomo atuu, onaemo kota langkai anu meparenta a luwuno mokole i tolino.”

MENGKAAA 17:5

Ka a ra'ino teburi aasa nee, aasa rahasia, ”Babeli langkai, inedo beine mebelesu ka inso a mokoburuno tolino.”

MENGKAAA 18:10

Ira mpentade ola-olai hangano medoitoakono bobarasaino ka ira mpotae, ”Masola, masolako, hei kota anu langkai, Babeli, hei kota anu moroso, hangano i larono asa langku koa kontongaanomo ubinitara!”

MENGKAAA 18:18

ka mpebooli, tempono domengkitao ahuno api anu tumunuo, dompotae, ”Kota isuake anu mengkena saru kota langkai andio?”

MENGKAAA 18:2

Ka ipebooli saru suara anu meroku, ipotae, ”Tebangkuomo, tebangkuomo Babeli, kota langkai atuu, ka onae gagiomo po'iangado onitu nsa'o ka pewuniado luwuno penaa mokoburu ka pewuniado luwuno manu-manu anu mokoburu ka anu ino'aliaako,

MENGKAAA 18:21

Ka aasa mala'eka anu moroso, tumandeo aasa watu kana langkaino watu pogili, ka i'amba metadiakono a laro ntahi, ipotae, ”Kanandiomo Babeli, kota langkai atuu, ta pinetadiako meroku i totono, ka onae nahi ta hinawe mbo'u.

MENGKAAA 18:24

Ka i larono hinawe reado nabi ka mia memempori ka reado luwuno mia, anu mempinepate i tolino.