MENGKAAA 11:13 - Wunta Mempori

¹³ I tempo atuu gagiomo leelu anu tedoa meroku ka asa ntia hopulu inso a ngkota atuu tebangku, ka pitu nsowu mia memate hangano leelu atuu ka mia susua tedoa medoito, ka do'amba me'unde-unde Ira Ue Ala anu i suruga.

MENGKAAA 11:13 ပူးပေါင်းရင်းမြစ်များ

Tegagia 6:4

I tempo atuu ka lembuino mbo'u, hinao mia melolangkai i tolino, tempono anu tuwu i suruga mpewowaliako ira ana beinedo mia ka beine atuudo mpe'anaako ira anado. Ondaemo atuu mia anu moroso ka mosia i tempo se'eluno, luwuno mia anu telele needo.

Yesaya 29:6

kokumitao hawe-Do Ueno luwuakoano a laro rundu, lelu ka uni mongkokodoito, a laro lompiu ka angi mokora, a laro langano api anu mongkaa ranta ka ipingko.

Yeremia 13:16

Pelangkai Iramo i Ue, Ue Alamiu, se'eluno napi Dopompotii wongi-wongia, se'eluno napi tetidu karumu a luwuno pongku anu itutuwio tekamburi; kontongaamiu mposisikori mewine, Ondae mokogagio oleo wongi mpusu ka weweuo worikidi.

Maleaki 2:2

Tewala nahi imperorongeakono ke pomperio melangkaio nee-Ku, pau-Do Ueno luwuakoano, Aku mompotii totonaa ndi omiu ka weweuo luwuno ronsomiu gagi totonaa. Mentee ntu'u, Aku tumotonaao, hangano nahi impomperio.

I YOHANE 9:24

Ka i'amba pohona mbo'u domempoboio mia anu hieno morawu atuu ka dompotaeakono, ”Pauomo menteeano i aro-Do Ue Ala; kimento'orio nine mia atuu mia tehala.”

WINEWEUDO TINENA 1:15

A oleo atuu mentadeomo i Peturu i tonga-tongado pepaekompo anu kontongaado mpepumpu atuu, bara'ura asa etu ka rua pulu mia hadiono, ka i'amba motae,

Yosua 7:19

Mepauomo i Yosua ndi Akani, ”Anaku pelangkai Ira i Ue, Ue Alado to Isaraeli, ka umangakumo ndi Ondae; pauo ndi ongkue hapa anu wineweumu, silako wunio ndi ongkue.”

MENGKAAA 11:11

Otolu ka entonga oleo lembuino mewinsoomo penaa tuwua inso ndi Ondae Ue Ala i larodo, onaemo ka dopewangu ka luwuno mia anu mengkita ira gagi tedoa medoito.

MENGKAAA 11:19

Ka te'ungkahiomo Raha Mempori-Do Ue Ala anu i suruga, ka tengkitaomo burua pedandia-Do i larono Raha Mempori atuu ka gagiomo koliki ka u'uruno rundu ka leelu ka usa seru baku marombo.

MENGKAAA 14:7

ka ipebooli saru suara meroku, ”Imedoitoako Iramo Ue Ala ka ipelangkai Iramo, hangano haweomo tempo pobitaraa-Do, ka impesombai Iramo anu mokogagio langi ka tolino ka tahi ka luwuno mata uwoi.”

MENGKAAA 15:4

Isemake nahi doito, oo Ue, ka anu nahi pelangkaio nee-Miu? Hangano butu Omiu anu mempori; hangano luwuno tongku ira me'aiwa mpenggolontu mpesombai Komiu, hangano mengkaaomo menteeno luwuno pobitara-Miu.”

MENGKAAA 19:7

Aiwamo tompo'unde ka mengkokora-kora memawongko, ka melangkai Ira! Hangano oleo petaoa-Do Ana Bimba haweakoomo, ka umbu ngkoroi-Do tetindaomo.

MENGKAAA 3:4

Sine i Saradisi hinao ba opia mia anu nahi domeregeio sangkado; ondae ira mpelempa saru Ongkue mpesangka mopute, hangano pototodo kanatuu.

MENGKAAA 6:12

Ka kukitao, tempono Ana Bimba atuu umungkahio pontondoni anu ko'onoo, menteeano gagiomo leelu anu mongkokongiri ka mata'oleo gagi mo'ito kana kampili wuu ka wula gagi motaha luwuno kana rea.

MENGKAAA 8:5

Ka i'amba mala'eka atuu umalao pontunua dupa atuu, umihiiakono api inso a meda pontunua pesomba, ka metadiakono i tolino. Ka lumpaomo unino rundu, itondao koliki ka leelu.

1 Samueli 6:5

Asalakono ka impoweweu pandirino kamba ka tehu anu sumolangio witamu. Asalakono ka ime'akuio maramba-Do Ue Alado to Isaraeli. Bara'ura nami Ira humuku komiu, pelahumoaamiu ka witamiu.