MENGKAAA 1:9 - Wunta Mempori

⁹ Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 1:9 ပူးပေါင်းရင်းမြစ်များ

I MATIU 20:23

Dopotaeako ira i Yesu, ”Ihino tondeku lano komiu me'inuo, sine mongkona mentoro i koana-Ku ke i manggali-Ku, komba to'oria-Ku meweengakono. Mongkona atuu ira mewineeako mia ba isema anu Dopatindaako iramo Ama-Ku.”

I MARAKUSU 10:39

Sumangki ira, ”Kami koa polio.” Dopotaeako ira i Yesu, ”Lano, komiu koa uminuo ihino tonde anu asalakono Aku uminuo ka komiu binahoako pobaho anu asalakono Aku tumarimao.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

WINEWEUDO TINENA 1:15

A oleo atuu mentadeomo i Peturu i tonga-tongado pepaekompo anu kontongaado mpepumpu atuu, bara'ura asa etu ka rua pulu mia hadiono, ka i'amba motae,

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

ROMA 8:17

Ka tewala ontae ana, asalakono ontaemo mbo'u mpe'umbuo pusaka, tinoono luwuno mia anu tekona tumarimao luwuno dandi-Do Ue Ala, anu ira mentarimao meronga saru Ondae i Kerisituu, onaemo tewala memarasai kita meronga saru Ondae, ka tomempinokomaramba koa mbo'u meronga saru Ondae.

ROMA 8:25

Sine tewala tompe'osaio hapa anu nahi tomengkitao, modato aroato mensikorio.

2 KORINTI 1:7

Ka pomperorohimami mongkona omiu moroso, hangano kito'orio, nine mengkena kana omiu mpo'ala komiu tia a ntebobarasaimami, mpo'ala komiu koa mbo'u tia a pontareromami.

PILIPI 1:7

Lano tekonaanomo kupewowolo komiu luwu kanandio, hangano omiu kongko i laro aroaku, hangano mpohawe komiu luwu tia a mpe'aroa anu kuwineeako, moiko i tempono kutinorungku, maupo i tempono kukorahakono ka mokorosoo Lele Mawongkoa.

PILIPI 4:14

Sine moiko koa mbo'u wineweumiu, nine mpo'ala komiumo tia a laro masusaku.

2 TESALONIKA 3:5

Po'ineeomo ka Dopo'aroo mpiha i Ue aroamiu a pompehohawa-Do Ue Ala ka a pompedato-Do i Kerisituu.

2 TIMOTIU 1:8

Gaagi si mo'o'anu mesakosii mongkona Ondae Ueto ka si mo'o'anu hangano ongkue, asa mia hinuku hangano Ondae, tendeano petondamo marasaiakono Lele Mawongkoa-Do hangano roso-Do Ue Ala.

IBARANI 10:36

Hangano mpokere komiu pompedato, ka imehaweo hapa anu dinandi-Do atuu, umarimiu meweweuo po'ehe-Do Ue Ala.

1 PETURU 5:1

Kupatudu ira penatua i olomiu, ongkue kana walido penatua ka sakosii tebobarasai-Do i Kerisituu, anu ta mohawe koa mbo'u tia a marambaa anu ta pinokomengkaa lembuino.

MENGKAAA 1:1

Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.

MENGKAAA 1:2

I Yohane mesakosiiomo mongkona pau-Do Ue Ala ka mongkona anu sinakosii-Do i Yesu Kerisituu, onaemo luwuakoano anu ikitaomo.

MENGKAAA 1:4

Inso ndi Yohane hawe a opitu bawaa anu i Asia Kodei: Pe'aroa ka rodoa kumongkomi komiu, inso ndi Ondae, anu kongko ka anu kongko Iramo ka anu Ira hawe, ka inso a opitu penaa anu kongko i arono kadera poparentaa-Do,

MENGKAAA 1:6

ka anu weweu kitamo megagi aasa poparentaa, megagi luwuno sando mpesomba-Do Ue Ala, Ama-Do, – ndi Ondaemo marambaa ka pabawa ranta nahina tampulaano. Ami.

MENGKAAA 11:7

Ka tewala dopoko'umariomo ponsakosiido, ka kondehora anu mesabaako inso a wingke matea, ta meteaako ira ka inangi ira saru mepate ira.

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

MENGKAAA 12:17

Onaemo ka itekuda naga atuu a beine atuu, ka i'amba lumako meteaakono inuleno anu susua, anu mentondao luwuno songka-Do Ue Ala ka me'inio ponsakosii-Do i Yesu.

MENGKAAA 13:10

Ba isema tinantui ka itinawa, onae ta tinawa; ba isema tinantui ka ipinepateako ponai, onae asalakono pinepateako ponai. Anu kinere i ndi'ai onaemo pompedato ka pompe'ala-alado mia mempori.

MENGKAAA 14:12

Anu kinere i ndi'ai onaemo pompedatodo mia mempori, anu mentondao parenta-Do Ue Ala ka pompe'ala-ala ndi Ondae i Yesu.

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

MENGKAAA 3:10

Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.

MENGKAAA 6:9

Ka tempono Ana Bimba atuu umungkahio pontondoni anu ko'olima, kukitao i totono meda pontunua pesomba luwuno sumangado anu mempinepate iramo hangano pau-Do Ue Ala ka hangano ponsakosii anu ininido.

MENGKAAA 7:14

Ka kupotaeakono, ”Ueku, omiu ue tumo'orio.” Ka i'amba motae ndi ongkue, ”Ondae andio onaemo luwuno mia anu mpeluarako inso a masusaa anu langkai, ka domelomboomo lemba meloedo ka dompokomoputeo a laro rea-Do Ana Bimba.