MENGKAAA 1:8 - Wunta Mempori

⁸ ”Ongkuemo Alfa ka Omega, pau-Do Ue Ala, anu kongko ka anu kongko Iramo ka anu Ira hawe, Anu Tedoa Pabawa.”

MENGKAAA 1:8 ပူးပေါင်းရင်းမြစ်များ

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 28:3

Po'ineeomo Ondae Ue Ala anu Tedoa Pabawa rumonsoko, weweuko mo'ule ka weweuko gagi hadio, ranta ka ugagi tepumpuno luwuno tongku.

Tegagia 35:11

Ondae Ue Ala mepau mbo'u ndi onae, ”Ongkuemo Ue Ala Anu Tedoa Pabawa. Impo'ulemo ka intetiangimo; asa tongku, tendeano asa tepumpuano luwuno tongku, ira mehina inso ndi omue ka luwuno mokole ira ntepu'u inso ndi omue.

Tegagia 43:14

Po'ineeomo Ondae Ue Ala Anu Tedoa Pabawa moweeakomiu pompehohawa a pongkitano mia atuu, ka i'eheakono mekule pepaekompomiu anu susua atuu ka i Benami. Mongkona ongkue andio, tewala mansa ira tetadi anaku, po'ineeomo dontetadi inso ndi ongkue!”

Tegagia 48:3

Motae i Yako ndi Yusupu, ”Ondae Ue Ala Anu Tedoa Pabawa mepopokita Iramo ndi ongkue i Lusi i wita Kana'a ka Doronso aku,

Tegagia 49:25

Ondae Ue Alano amamu anu Ira tumulungiko, Ondae Ue Ala Anu Tedoa Pabawa, anu Ira rumonsoakomu ronso inso i langi i wawono, saru ronso inso a ntahi malua anu metotoako itotono, saru ronso uo ka pe'anakaa.

Peluarakoa 3:14

Pau-Do Ue Ala ndi Musa, ”ONGKUE ONAEMO ONGKUE.” Pau-Do mbo'u, ”Kanandiomo pauako ira to Isaraeli atuu: ONGKUEMO ONGKUE anu tumena akumo aiwa ndi omiu.”

Peluarakoa 6:3

Komba butu Kupedandiako iramo Aku weeako ira wita Kana'a, po'iangaado kana mia mehawe,

Yesaya 41:4

Isemake anu weweuo ka umanggao luwuno atuu anu inso i ndi'ipua moboi ira inule? Ongkue, Ue, anu tese'elu, ka saru ondae anu ntelembui; Ongkuemo Ondae.

Yesaya 43:10

”Omiumo sakosii-Ku,” kanandiomo pau-Do i Ue, ”ka tetenaa-Ku anu Kubinikiomo, ka imento'orio ka mpompe'ala-ala ndi Ongkue ka mpokonto'orio nine Ongkuemo Ondae. Se'eluno Ongkue nahina pinesombai wineweu, ka umarino Ongkue nahina mbo'u.

Yesaya 44:6

Kanandiomo pau-Do i Ue, Mokole ka Puu pontolosino Isaraeli, Ueno luwuakoano, ”Ongkuemo anu tese'elu ka Ongkuemo anu telembui; nahina pinesombai sangkadio Ongkue.

Yesaya 48:12

”Ronge Akumo, hei Yako, ka omue Isaraeli anu pinoboi-Ku! Ongkuemo anu mengkena mpiha, Ongkuemo anu tese'elu, Ongkue koa mbo'u anu telembui!

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Podoaa 24:4

pepauno mia anu rumongeo pau-Do Ue Ala, anu kumitao pongkita inso Anu Tedoa Pabawa anu mepombole, sine saru mata tewile.

2 KORINTI 6:18

Ka Aku gagi Amamiu, ka komiu megagi ana-Ku tama ka ana-Ku beine ka kandiomo pau-Do i Ue, Anu Tedoa Pabawa.”

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”

MENGKAAA 1:17

Tempono kukita Ira, menggolontu akumo a mpuu karu-Do mengkena kana mia anu mate. Sine Dodampoakune kae ngkoana-Do ka Do'amba mepau, ”Si doito! Ongkuemo Anu Amba-ambano ka Anu Pokotompa,

MENGKAAA 1:4

Inso ndi Yohane hawe a opitu bawaa anu i Asia Kodei: Pe'aroa ka rodoa kumongkomi komiu, inso ndi Ondae, anu kongko ka anu kongko Iramo ka anu Ira hawe, ka inso a opitu penaa anu kongko i arono kadera poparentaa-Do,

MENGKAAA 11:17

saru mpotae, ”Mpontarimakasi kami ndi Omiu, oo Ue, Ue Ala, Anu Tedoa Pabawa, anu ndio ka anu ndio Komiumo, hangano I'iniomo pabawa-Miu anu langkai ka mompu'u Komiumo momparenta gagi mokole

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!

MENGKAAA 16:14

Ondaemo atuu penaado onitu anu mpopokohina luwuno wineweu kinohali-haliako, ka domelako ntepohaweako ira mokole i asa wawontolino, ka dopumpu ira tiano peteaa a oleo langkai, onaemo oleo-Do Ue Ala Anu Tedoa Pabawa.

MENGKAAA 16:7

Ka kurongeo meda pontunua pesomba atuu motae, ”Oo Ue, Ue Ala, Anu Tedoa Pabawa, mentee ka moleo luwuno pobitara-Miu.”

MENGKAAA 19:15

Ka inso a nganga-Do meluarakoomo aasa ponai montaso anu ta numangio luwuno tongku. Ka Ira pakambiako ira tuko labu ka Ira momporo'i anggoro a mpogilia anggoro, onaemo bamburuno tekuda-Do Ue Ala, Anu Tedoa Pabawa.

MENGKAAA 19:6

Ka ku'amba rumongeo kana suarano mia hadio a tepumpua langkai, kana unino lolowi ka kana u'uruno rundu anu meroku, dompotae, ”Haleluya! Hangano Ondae i Ue, Ue Alato, Anu Tedoa Pabawa, gagi Iramo mokole.

MENGKAAA 2:8

”Ka buriakonomo mala'ekado bawaa i Semirina: Ndiomo pau inso Anu Amba-ambano ka Anu Pokotompaano, anu mate Iramo ka wali tuwu:

MENGKAAA 21:22

Ka nahi kupongkita Raha Mempori i larono; hangano Ondae Ue Ala, Ue Anu Tedoa Pabawa, Ondae Raha Mempori, kanatuu koa mbo'u Ondae Ana Bimba atuu.

MENGKAAA 21:6

Pau-Do mbo'u ndi ongkue, ”Luwuno gagiomo. Ongkuemo Alfa ka Omega, Anu Pompu'uano ka Anu Pokotompa. Mia anu mokoranga Aku moweeakono mo'inu mpena inso a mata uwoi tuwua.

MENGKAAA 22:13

Ongkuemo Alfa ka Omega, Anu Amba-ambano ka Anu Telembui, Anu Pompu'uano ka Anu Pokotompaano.”

MENGKAAA 4:8

Ka opaa anu mentuwu atuu singge hinao panino onoo, lumimbuo ka te'alaako i larono bukeako mata, ka saru nahi dompenaa-naa mpebooli meene ka wongi, ”Mempori, mempori, mempori Iramo Ue Ala, Anu Tedoa Pabawa, anu kongko Iramo ka anu kongko ka anu Ira hawe.”