MENGKAAA 1:6 - Wunta Mempori

⁶ ka anu weweu kitamo megagi aasa poparentaa, megagi luwuno sando mpesomba-Do Ue Ala, Ama-Do, – ndi Ondaemo marambaa ka pabawa ranta nahina tampulaano. Ami.

MENGKAAA 1:6 ပူးပေါင်းရင်းမြစ်များ

Peluarakoa 19:6

Komiu tewinso gagi sando mpesomba ka tongku anu mempori ndi Ongkue. Onaemo andio luwuno pau anu kopauako ira to Iaraeli.”

Yesaya 61:6

Sine, komiu mempinau sando mpesomba-Do i Ue ka komiu menineeako puu pompekakaako-Do Ue Alato. Komiu mperapio kaeado tongku ka komiu pompelangka-langkaiako luwuno arataado.

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I YOHANE 5:23

ka dompelangkai Ira luwuno mia i Ana mengkena kana dompelangkai Ira i Ama. Ba isema nahi pelangkai Ira i Ana, onae nahi pelangkai Ira mbo'u i Ama, anu tumena Ira.

ROMA 11:36

Hangano luwuakoano inso ndi Ondae, ka hangano Ondae, ka ndi Ondae: Ndi Ondaemo marambaa hawe nahina tampulaano!

ROMA 15:6

ranta ka impe'asa aroa ka mpe'asa mpau umunde-unde Ira Ue Ala ka Ama-Do Ueto, i Yesu Kerisituu.

PILIPI 2:11

ka luwuno elo memangaku, ”Ondaemo i Yesu Kerisituu Ue,” montonda maramba-Do Ue Ala, Ama!

1 TIMOTIU 6:16

Ondaemo asa-asa-Do anu nahi Dopetenunu a matea, mo'ia a laro mewine anu nahi pinokorangkuhi. Maupo te'asa mia nahina hori kumita Ira ka mia lano nahi pokokita Ira. Ndi Ondaemo pompelangkai ka pabawa anu nahina tampulaano! Ami.

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

1 PETURU 5:11

Ondaemo anu me'ueo pabawa ranta nahina tampulaano! Ami.

2 PETURU 3:18

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.

YUDASI 1:25

Ondae Ue Ala anu asa-asa, Puu Pongkaduduito hangano Ondae i Yesu Kerisituu, Ueto, ndi Ondaemo marambaa, pompelangkai, roso ka pabawa se'eluno luwuno tempo ka kanandio-andio ka ranta nahina tampulaano. Ami.

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 20:6

Me'uraomo ka memporiomo onae, anu mohawe tia a mpewangua amba-ambano atuu. Matea anu kompenduano nahina mbo'u pabawano ndi ondae, sine ira megagi sando mpesomba-Do Ue Ala ka i Kerisituu, ka ira mpomparenta kana mokole meronga saru Ondae, asa nsowu ta'u tehineno.

MENGKAAA 4:11

”Oo Ue ka Ue Alamami, Omiu tekona tumarimao po'unde-unde ka pompelangkai ka pabawa; hangano Ipokogagiomo luwuakoano; ka hangano po'ehe-Miu luwuno atuu hinao ka pinokogagi.”

MENGKAAA 5:10

Ka Iweweu iramo gagi aasa poparentaa, ka megagi sando mpesomba tia-Do Ue Alato, ka ira mpeparenta kana mokole i tolino.”