MENGKAAA 1:5 - Wunta Mempori

⁵ ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 1:5 ပူးပေါင်းရင်းမြစ်များ

Po'unde-unde 51:2

tempono Nabi Nata aiwa ndi onae umarino mewowaliakono i Batiseba.

Po'unde-unde 72:11

Po'ineeomo luwuno mokole mpenggolontu mpesomba ndi onae, ka luwuno tongku ntepe'ata ndi onae.

Po'unde-unde 89:27

Onae ta moboi Aku, ’Omiumo Amaku, Ue Alaku, torukuno watu tekaduduiku.’

Powadi 14:5

Sakosii anu metenunu nahi pegaupi, sine isema mompuuri pegaupi, onaemo sakosii megaupi.

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Danieli 2:2

Ka i'amba mokole metena moboi ira anu pande mebali-bali mata, pande sihiri, pande mompuu-puuri, ka luwuno Kasidimi, ka domempauakono pengkonaano mo'ipino. Me'aiwa iramo ka mpentade i arono mokole.

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

Imama 13:58

Sine sangka ke bana mentadeano, bana montoweano ke maupo hapamokoa inso a ngkuli anu umariomo wino'ohi ranta tondonino atuu nami hina ndi onae, asalakono wino'ohi anu kompenduano ka i'amba nahi mokoburu.

Sakaria 13:1

”I tempo atuu ta te'ungkahi asa mata uwoi tiano somborino i Daudi ka palilino Yerusale gagi powo'ohi hala ka mokoburua.

I MATIU 20:28

mengkena kana i Ana Manusia aiwa komba ka Dopinekakaako, tendeano ka Dopompekakaako ka meweengakono penaa-Do gagi tolosino hadio mia.”

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I YOHANE 13:1

Tempo atuu napi pinu'u oleo langkai Pasa, Doto'oriomo i Yesu, nine haweakoomo tempo-Do melimba inso i wawontolino andio ndi Ondae i Ama. Mengkena kana Dowela mehohawa ira ana guru-Do kanandiomo kanandio-andio Dopehohawa ira hawe a mpoko'ariano.

I YOHANE 13:34

Kupoweeakomiu parenta wo'ohu, onaemo ka imambe pehohawa; mengkena kana Kupehohawa komiumo kanatuu koa mbo'u imambe pehohawa.

I YOHANE 15:9

”Kana Ondae i Ama Dopehohawa Akumo, kanandiomo mbo'u Kupehohawa komiu; impo'iamo a laro pompehohawa-Ku atuu.

I YOHANE 18:37

Onaemo ka ipotaeako Ira i Pilatu, ”Gagi Omiumo mokole?” Sumangki Ira i Yesu, ”Omiu pauo, nine Ongkue mokole. Onaemo ka Kuhina ka onaemo ka Kuhawe i wawontolino andio, ka Kupesakosii mongkona menteea; sompo mia anu inso a menteea merorongeakono pau-Ku.”

I YOHANE 3:11

Kupauakomu, menteeano omami mpepau mongkona hapa anu tino'orimami ka mpesakosii mongkona hapa anu kinitamami, sine nahi imentarimao ponsakosiimami.

I YOHANE 3:16

Hangano kanatuumo langkaino pompehohawa-Do Ue Ala i wawontolino andio, onaemo ka Dopeweengakono Ana-Do anu asa-asa, ka si domemate mia anu mpe'ala-ala Ira, tendeano mpohawe tuwua anu nahina tampulaano.

I YOHANE 3:32

Ondae mesakosii mongkona hapa anu kinita-Do ka anu rinonge-Do, sine nahina maupo te'asa mia tumarimao ponsakosii-Do atuu.

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

WINEWEUDO TINENA 26:23

onaemo, nine i Mesia asalakono Ira mompembasai marasaia ka nine Ondaemo anu amba-ambano Ira mewangu inso i olodo mia mate, ka nine Ira paleleo mewine a tongku andio ka a luwuno tongku susua.”

ROMA 3:25

Ondae i Kerisituu Yesu Dopakosi Iramo Ue Ala gagi sala pesintuwua hangano pompe'ala-ala, a rea-Do. Mongkona andio Doweweuo mopokitao moleo-Do, hangano Dopo'ineeomo luwuno hala anu gagiomo i ndi'upua i tempono da Dosabara.

ROMA 8:37

Sine i larono luwuno atuu melalua kitapo sekono luwuno mia anu mponangi, hangano Ondae anu mehohawa kitamo.

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

GALATIA 2:20

maupo kanatuu tuwu aku, sine komba da ongkueku mbo'u anu tuwu, tendeano Ondae i Kerisituu anu tuwu i laroku. Ka tuwuku anu kutuwuako a ngkoroiku kanandio-andio, onaemo tuwu hangano pompe'ala-ala ndi Ondae Ana-Do Ue Ala anu mehohawa akumo ka meweengakono koroi-Do hangano ongkue.

EPESU 2:4

Sine Ondae Ue Ala anu kaeaako pompowee, hangano pompehohawa-Do anu langkai, anu Dowee kita,

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

Winali 18:2

Ondae nahi ira mpohawe tia pusaka i olono pepaekompodo. Ondaemo i Ue tia pusakado, kana anu dinandi-Do ndi ondae.

Winali 23:5

Sine Ondae i Ue, Ue Alamu nahi behe rumongeo i Bilea ka Dobaliomo i Ue, Ue Alamu totonaa atuu gagi ronsomu, hangano Dopehohawako iUe, Ue Alamu.

Winali 7:8

Sine hangano Dopehohawa komiu i Ue ka Do'inio sumpa anu Dopauomo ndi ondae uempu'umiu, Dowawa komiumo i Ue mpeluarako saru kae-Do anu moroso ka tumolosi komiu inso a mpo'ianga tepe'ataa, inso a ngkaeno i Pirao, mokole i wita Masiri.

KOLOSE 1:18

Ondaemo uluno koroi, onaemo bawaa. Ondaemo anu amba-ambano, anu mewangu amba-ambano inso i olodo mia mate, onaemo ka Dolalua a luwuakoano.

1 TIMOTIU 6:13

I aro-Do Ue Ala anu mompowee tuwua a luwuakoano ka i aro-Do i Kerisituu Yesu anu medandiakomo dandi anu mentee mbo'u atuu i arono i Pontiu Pilatu, kupebooliakono ndi omue:

1 TIMOTIU 6:15

onaemo tempo anu Ira tumantuio anu Pabawa anu asa-asa-Do ka anu buke me'uraa, Mokole i wawono luwuno mokole ka Ue i wawono luwuno ue.

IBARANI 10:29

Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

1 PETURU 1:19

tendeano saru rea anu masuli olino, onaemo rea-Do i Kerisituu anu mengkena kana reano ana bimba anu nahi mokoburu ka nahina tataano.

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

1 YOHANE 4:10

Ndiomo pompehohawa atuu: Komba ontae anu mehohawa Iramo Ue Ala, sine Ondae Ue Ala anu mehohawa kitamo ka anu tumena Iramo Ana-Do gagi po'ampuni luwuno halato.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 11:3

Ka Aku moweeako ira anggaa a orua sakosii-Ku, ka dopompau anu ta gagi kontongaado mo'inombo, asa nsowu ka rua etu ka nomo pulu oleo tehineno.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 19:11

Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.

MENGKAAA 19:16

Ka a lemba meloe-Do ka pa'a-Do teburi aasa nee, onaemo, ”Mokoledo luwuno mokole ka Ue i wawono luwuno ue.”

MENGKAAA 2:13

Kuto'orio ba isua upo'ia, onaemo i ra'ai, a mpo'iangano kadera poparentaano i Mosa'o; ka omue me'ini a nee-Ku, ka komba uhapuo pompe'ala-alamu ndi Ongkue, naahi koa mbo'u a tempono i Antipasi, sakosii-Ku, anu metenunu ndi Ongkue, anu pinepate i aromiu, a mpo'iangano i Mosa'o.

MENGKAAA 3:14

”Ka buriakonomo mala'ekado bawaa i Laodikia: Ndiomo pau inso ndi Ondae Ami, Sakosii anu metenunu ka mentee, pompu'uano inso a mpinokogagi-Do Ue Ala:

MENGKAAA 7:14

Ka kupotaeakono, ”Ueku, omiu ue tumo'orio.” Ka i'amba motae ndi ongkue, ”Ondae andio onaemo luwuno mia anu mpeluarako inso a masusaa anu langkai, ka domelomboomo lemba meloedo ka dompokomoputeo a laro rea-Do Ana Bimba.