MENGKAAA 1:4 - Wunta Mempori

⁴ Inso ndi Yohane hawe a opitu bawaa anu i Asia Kodei: Pe'aroa ka rodoa kumongkomi komiu, inso ndi Ondae, anu kongko ka anu kongko Iramo ka anu Ira hawe, ka inso a opitu penaa anu kongko i arono kadera poparentaa-Do,

MENGKAAA 1:4 ပူးပေါင်းရင်းမြစ်များ

Po'unde-unde 90:2

Se'eluno luwuno torukuno pine'anaako, tolino ka wawontolino pine'anaako, inso i ndi'ipua hawe nahina tampulaano Omiumo Ue Ala.

Peluarakoa 3:14

Pau-Do Ue Ala ndi Musa, ”ONGKUE ONAEMO ONGKUE.” Pau-Do mbo'u, ”Kanandiomo pauako ira to Isaraeli atuu: ONGKUEMO ONGKUE anu tumena akumo aiwa ndi omiu.”

Yesaya 11:2

Penaa-Do i Ue ta mo'ia ndi onae, penaa ponto'ori anu mentee ka ponto'ori, penaa pande mosongka ka roso, penaa tumo'orio ka doitoako Ira i Ue;

Yesaya 41:4

Isemake anu weweuo ka umanggao luwuno atuu anu inso i ndi'ipua moboi ira inule? Ongkue, Ue, anu tese'elu, ka saru ondae anu ntelembui; Ongkuemo Ondae.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Mika 5:2

Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.

Sakaria 3:9

Hangano, kitaomo paramata anu Kupeweengakonomo ndi Yosua, asa paramata mensiu opitu, menteeano Aku moweweu nggori i wawono, kanandiomo pau-Do Ueno luwuakoano. Aku pahihio salano wita andio i larono asa oleo.

Sakaria 4:10

”Ondae anu amba-ambano mpe'uru-uruo pompu'uano anu mengkode-kodei, ira mpo'unde mengkitao watu bininiki a ngkaeno i Serubabeli. Ka opitu hulu atuu, onaemo mata-Do i Ue, anu mensiroio asa wawontolino.”

Sakaria 6:5

Mala'eka atuu sumangki ndi ongkue, ”Luwuno andio mpeluarako a opaa siuno langi umarido mpe'aro ndi Ondae Ueno asa wawontolino.”

I YOHANE 1:1

Amba-ambano onaemo Pau; Pau atuu meronga saru Ondae Ue Ala ka Pau atuu Ondaemo Ue Ala.

WINEWEUDO TINENA 19:10

Anu kanandio iweweuo orua nta'u tehineno, onaemo ka domporonge pau-Do i Ue luwuno mia anu mpo'ia i wita Asia, moiko to Yahudi maupo to Yunani.

WINEWEUDO TINENA 2:9

ontae to Paratia, to Media, to Elami, palilino Mesopotamia, Yudea ka Kapadokia, Pontu ka Asia,

ROMA 1:7

Ndi omiu luwu anu mpo'ia i Roma, anu pinehohawa-Do Ue Ala, anu mempinoboi ka mempinokogagi mia mempori: Pompehohawa ka pe'aroa kumongkomi komiu ka rodoa inso ndi Ondae Ue Ala, Amato, ka inso ndi Ondae Ue Yesu Kerisituu.

1 KORINTI 1:3

Pompehohawa ka rodoa inso ndi Ondae Ue Ala, Amato, ka inso ndi Ondae Ue Yesu Kerisituu kumongkomi komiu.

2 KORINTI 1:2

Pompehohawa ka rodoa inso ndi Ondae Ue Ala, Amato, ka inso ndi Ondae Ue Yesu Kerisituu kumongkomi komiu.

IBARANI 13:8

Ondae i Yesu Kerisituu mengkena mpiha, moiko indiawi maupo oleo andio ka hawe nahina tampulaano.

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

MENGKAAA 1:1

Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”

MENGKAAA 1:17

Tempono kukita Ira, menggolontu akumo a mpuu karu-Do mengkena kana mia anu mate. Sine Dodampoakune kae ngkoana-Do ka Do'amba mepau, ”Si doito! Ongkuemo Anu Amba-ambano ka Anu Pokotompa,

MENGKAAA 1:20

Ka rahasiano opitu anano wula anu ukitaomo a ngkae koana-Ku ka opitu karuno hulu wulaa atuu: opitu anano wula atuu onaemo mala'ekado opitu bawaa ka opitu karuno hulu atuu onaemo opitu bawaa.”

MENGKAAA 1:8

”Ongkuemo Alfa ka Omega, pau-Do Ue Ala, anu kongko ka anu kongko Iramo ka anu Ira hawe, Anu Tedoa Pabawa.”

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 16:5

Ka kurongeo mala'eka anu pabawaio uwoi atuu motae, ”Moleo Komiu, Omiu anu ndio ka anu ndio Komiumo, Omiu anu mempori, anu motiio pohuku andio.

MENGKAAA 2:12

”Ka buriakonomo mala'ekado bawaa i Peregamusu: Ndiomo pau-Do, anu mompake ponai anu montaso ka memata orua;

MENGKAAA 2:18

”Ka buriakonomo mala'ekado bawaa i Tiatira: Ndiomo pau-Do Ana-Do Ue Ala, anu mata-Do kana langano api ka karu-Do kana mala:

MENGKAAA 2:8

”Ka buriakonomo mala'ekado bawaa i Semirina: Ndiomo pau inso Anu Amba-ambano ka Anu Pokotompaano, anu mate Iramo ka wali tuwu:

MENGKAAA 22:16

”Ongkue, i Yesu, montena Akumo mala'eka-Ku ka dompesakosii mongkona luwuno andio ndi omue tiado bawaa. Ongkuemo tumba, onaemo inuleno i Daudi, buntala anu mewanta ntu'u.”

MENGKAAA 22:8

Ka ongkue, i Yohane, ongkuemo anu rumongeo ka kumitao luwuno atuu. Ka mansaku rumongeo ka kumitao, menggolontu aku a puu ngkaruno mala'eka, anu tumisoakunemo luwuno atuu, aku mesombaio.

MENGKAAA 3:1

”Ka buriakonomo mala'ekado bawaa i Saradisi: Ndiomo pau-Do, anu me'ueo opitu Penaa-Do Ue Ala ka opitu anano wula atuu: Kuto'orio luwuno inanggamu: omue pinotaeako tuwu, kahinaano mateko!

MENGKAAA 3:14

”Ka buriakonomo mala'ekado bawaa i Laodikia: Ndiomo pau inso ndi Ondae Ami, Sakosii anu metenunu ka mentee, pompu'uano inso a mpinokogagi-Do Ue Ala:

MENGKAAA 3:7

”Ka buriakonomo mala'ekado bawaa i Piladepia: Ndiomo pau inso ndi Ondae Anu Mempori, Anu Mentee, anu uminio kunsino i Daudi; tewala Do'ungkahio, nahina mokotondoo; tewala Dotondoo, nahina moko'ungkahio.

MENGKAAA 4:5

Ka inso a ngkadera poparentaa atuu meluarako koliki ka unino rundu anu u'uru, ka opitu pansona kolanga-langa i arono kadera poparentaa atuu: onaemo atuu opitu Penaa-Do Ue Ala.

MENGKAAA 4:8

Ka opaa anu mentuwu atuu singge hinao panino onoo, lumimbuo ka te'alaako i larono bukeako mata, ka saru nahi dompenaa-naa mpebooli meene ka wongi, ”Mempori, mempori, mempori Iramo Ue Ala, Anu Tedoa Pabawa, anu kongko Iramo ka anu kongko ka anu Ira hawe.”

MENGKAAA 5:6

Ka kukitao i tonga-tongano kadera poparentaa ka opaa anu tuwu atuu ka i tonga-tongado mia mempinemota'u atuudo mentade aasa Ana Bimba ka sinumbeleomo, metandu opitu ka memata opitu: onaemo atuu opitu Penaa-Do Ue Ala anu tinena i asa wawontolino.

MENGKAAA 8:2

Ka ku'amba kumitao opitu mala'eka, anu mpentade i aro-Do Ue Ala, ka ndi ondae wineeako opitu tawuwua.