MENGKAAA 1:20 - Wunta Mempori

²⁰ Ka rahasiano opitu anano wula anu ukitaomo a ngkae koana-Ku ka opitu karuno hulu wulaa atuu: opitu anano wula atuu onaemo mala'ekado opitu bawaa ka opitu karuno hulu atuu onaemo opitu bawaa.”

MENGKAAA 1:20 ပူးပေါင်းရင်းမြစ်များ

Peluarakoa 25:37

A hulu mekaru atuu asalakono poweweu opitu hulu ka luwuno hulu atuu asalakono pinasa i wawono hulu mekaru atuu kai wantahio anu i arono.

Peluarakoa 37:23

A hulu mekaru atuu, i weweuo opitu hulu saru sipino ka pontineaano, inso a wulaa mpena.

Sakaria 4:2

Ipotae ndi ongkue, ”Hapa anu kinitamu?” Sangkiku, ”Kukitaomo asa hulu mengkaru, luwuno inso a wulaa, saru loea kodei ponaapa lana i wawono. A hulu mengkaru atuu hinao opitu pelita ka opitu po'iangano sumbu a sompo pelita anu i wawono.

Maleaki 2:7

Hangano wiwino asa sando mpesomba mekariao ponto'ori ka mia mo'ungke pompaguru inso a ngangano, hangano onaemo tinena-Do Ueno luwuakoano.

I MATIU 13:11

Sumangki Ira i Yesu, ”Ndi omiu mewineeako ka imento'orio rahasiano Poparentaa Suruga, sine ndi ondae naahi.

I LUKASI 8:10

Ka Do'amba sumangki, ”Ndi omiu pinoweeako pe'aroa ka imento'orio rahasiano Poparentaa-Do Ue Ala, sine a mia mehano mongkona atuu pinau a laro potundaano, kai maupo dompengkita nahi domengkitao ka maupo domerongeo nahi dompokonto'orio.

ROMA 11:25

Hangano, ka si mpotae mempande komiu pepaekompo, ineheku ka imento'orio rahasia andio: Asa ntia inso a nto Isaraeli megagi iramo motea aroa hawe ka isompo doado luwuno tongku susua mpewinso.

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”

MENGKAAA 1:16

Ka a ngkae koana-Do mo'ini Ira opitu anano wula ka inso a nganga-Do meluarako aasa ponai montaso memata orua, ka rupa-Do mewanta kana mata'oleo anu mokula ntu'u.

MENGKAAA 1:4

Inso ndi Yohane hawe a opitu bawaa anu i Asia Kodei: Pe'aroa ka rodoa kumongkomi komiu, inso ndi Ondae, anu kongko ka anu kongko Iramo ka anu Ira hawe, ka inso a opitu penaa anu kongko i arono kadera poparentaa-Do,

MENGKAAA 17:5

Ka a ra'ino teburi aasa nee, aasa rahasia, ”Babeli langkai, inedo beine mebelesu ka inso a mokoburuno tolino.”

MENGKAAA 17:7

Ka i'amba motae mala'eka atuu ndi ongkue, ”Tembio ka ukohali-hali? Aku pauakomu rahasiano beine atuu ka rahasiano kondehora anu pesawiano, kondehora anu me'ulu opitu ka metandu hopulu atuu.

MENGKAAA 2:1

”Buriakonomo mala'ekado bawaa i Epesu: Ndiomo pau inso ndi Ondae, anu mo'ini opitu anano wula atuu a ngkae ngkoana-Do ka melempa i olodo opitu karuno hulu wulaa atuu.

MENGKAAA 2:12

”Ka buriakonomo mala'ekado bawaa i Peregamusu: Ndiomo pau-Do, anu mompake ponai anu montaso ka memata orua;

MENGKAAA 2:18

”Ka buriakonomo mala'ekado bawaa i Tiatira: Ndiomo pau-Do Ana-Do Ue Ala, anu mata-Do kana langano api ka karu-Do kana mala:

MENGKAAA 2:5

Onaemo pu'uno pewowoloomo tedontakomo tedoa ondalo! Tepidimo ka weweuomo mbo'u hapa anu wineweumu amba-ambano. Tewala nahi kanandio, Aku aiwa ndi omue ka Aku umalao karuno hulumu inso a mpo'iangano, tewala nahi utepidi.

MENGKAAA 2:8

”Ka buriakonomo mala'ekado bawaa i Semirina: Ndiomo pau inso Anu Amba-ambano ka Anu Pokotompaano, anu mate Iramo ka wali tuwu:

MENGKAAA 3:1

”Ka buriakonomo mala'ekado bawaa i Saradisi: Ndiomo pau-Do, anu me'ueo opitu Penaa-Do Ue Ala ka opitu anano wula atuu: Kuto'orio luwuno inanggamu: omue pinotaeako tuwu, kahinaano mateko!

MENGKAAA 3:14

”Ka buriakonomo mala'ekado bawaa i Laodikia: Ndiomo pau inso ndi Ondae Ami, Sakosii anu metenunu ka mentee, pompu'uano inso a mpinokogagi-Do Ue Ala:

MENGKAAA 3:7

”Ka buriakonomo mala'ekado bawaa i Piladepia: Ndiomo pau inso ndi Ondae Anu Mempori, Anu Mentee, anu uminio kunsino i Daudi; tewala Do'ungkahio, nahina mokotondoo; tewala Dotondoo, nahina moko'ungkahio.