MENGKAAA 1:2 - Wunta Mempori

² I Yohane mesakosiiomo mongkona pau-Do Ue Ala ka mongkona anu sinakosii-Do i Yesu Kerisituu, onaemo luwuakoano anu ikitaomo.

MENGKAAA 1:2 ပူးပေါင်းရင်းမြစ်များ

I YOHANE 1:32

Ka i Yohane mesakosii, ipotae, ”Kukitaomo Penaa metii inso i langi kana marapatii, ka mo'ia i wawo-Do.

I YOHANE 12:17

Mia hadio anu peronga-Do tempono Dopoboio i Lasaru meluarako inso a ngkaburu ka Dowanguo inso i olodo mia mate, mpesakosii mongkona Ondae.

I YOHANE 19:35

Ka mia anu kumitaakono onaeno anu gagi atuu onae anu mompowee ponsakosii andio ka ponsakosiino mentee, ka ito'orio, nine onae mompau menteea, ka omiu mbo'u impe'ala-alao.

I YOHANE 21:24

Onaemo ana guru anu mesakosii mongkona luwuno andio ka anu buriomo ka tomento'orio, nine pesakosiino atuu mentee.

I YOHANE 3:11

Kupauakomu, menteeano omami mpepau mongkona hapa anu tino'orimami ka mpesakosii mongkona hapa anu kinitamami, sine nahi imentarimao ponsakosiimami.

WINEWEUDO TINENA 22:15

Hangano omue asalakono gagi sakosii-Do a luwuno mia mongkona hapa anu kinitamu ka rinongemu.

WINEWEUDO TINENA 26:16

Sine kanandio-andio, pewangumo ka pentademo. Mepopokita Aku ndi omue ka Kupakosiko gagi puu pompekakaako ka sakosii a luwuakoano anu ukitaomo inso ndi Ongkue ka mongkona hapa anu Aku mopokitaakomu lembuino.

WINEWEUDO TINENA 4:20

Hangano komba kami komino ka nahi kipepau mongkona hapa anu kinitamami ka anu kirongeomo.”

1 KORINTI 1:6

menunu saru ponsakosii mongkona Ondae i Kerisituu, anu pinokomorosoomo i olomiu.

1 KORINTI 2:1

Kanandio koa mbo'u, tempono kuhawe ndi omiu, pepaekompo, komba ndio aku hawe saru pau anu tekosi ke saru ponto'ori ka kupohaweakomiu ponsakosii-Do Ue Ala.

1 YOHANE 1:1

Hapa anu hinaomo inso a pompu'uano, anu kimerongeomo, anu kimengkitaakonomo matamami, anu kimensakosiio ka anu kimperareakonomo kaemami mongkona Pau tuwua – onaemo anu binurimami ndi omiu.

1 YOHANE 4:14

Ka kimengkitaomo ka mpesakosii, nine Dotena Iramo i Ama Ana-Do gagi Puu Pongkaduduino wawontolino.

3 YOHANE 1:12

Mongkona i Demeteriu luwuno mia mpesakosii anu moiko, tendeano menteea isa'a mesakosii anu kanandio. Ka omami mbo'u mpesakosii anu moiko mongkona onae, ka uto'orio, nine ponsakosiimami mentee.

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”

MENGKAAA 1:19

Onaemo pu'uno buriomo hapa anu ukitaomo, moiko anu gagi kanandio-andio maupo anu ta gagi umarino andio.

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

MENGKAAA 12:17

Onaemo ka itekuda naga atuu a beine atuu, ka i'amba lumako meteaakono inuleno anu susua, anu mentondao luwuno songka-Do Ue Ala ka me'inio ponsakosii-Do i Yesu.

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

MENGKAAA 22:21

Pe'aroa-Do Ue Yesu kumongkomi komiu luwu! Ami.

MENGKAAA 6:9

Ka tempono Ana Bimba atuu umungkahio pontondoni anu ko'olima, kukitao i totono meda pontunua pesomba luwuno sumangado anu mempinepate iramo hangano pau-Do Ue Ala ka hangano ponsakosii anu ininido.