MENGKAAA 1:1 - Wunta Mempori

¹ Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.

MENGKAAA 1:1 ပူးပေါင်းရင်းမြစ်များ

Po'unde-unde 25:14

Ondae i Ue mesambe'e saru mia anu doitoako Ira, ka pedandia-Do Dopauako ira.

Danieli 8:16

Kurongeo inso a ntongano Koro Ulai atuu suarano mia anu mebooli, ”Gabarieli, weweuomo mia andio ka ito'orio pongkita atuu!”

Danieli 9:21

da kontongaaku mepau a laro mpekakai, i Gabarieli anu kukitaomo a laro pongkita se'eluno i tempono mpopesombaako pesomba ngkiniwia, magasi ipenee te'aro ndi ongkue.

Danieli 9:23

Tempono upompu'u mohaweo po'emamu, meluarakoomo asa pau ka ongkue aiwa pauakomu, hangano omue tedoa pinehohawa. Gagi, pe'ihilaroomo pau atuu ka pekokoongakonomo pongkita atuu!

Amosi 3:7

Mentee ntu'u, Ondae Ue Ala nahi Doweweu ba nahi Dopokomengkaao pomputusi-Do a ntetenaa-Do, luwuno nabi.

I YOHANE 12:49

Hangano Kupepau komba inso a ngkoroi-Ku Ongkue-Ku, sine Ondae i Ama, anu tumena Aku, Ondaemo anu parenta Aku ka Kupauo hapa anu asalakono Aku pauo ka Aku mohaweo.

I YOHANE 15:15

Nami Aku moboiakomiu mbo'u tetenaa, hangano tetenaa nahi to'orio, hapa anu wineweuno ueno, sine Kupoboiakomiu sambe'e, hangano Kupauakomiumo luwuakoano anu rinonge-Ku inso ndi Ondae Ama-Ku.

I YOHANE 17:8

Hangano luwuno pau anu pinohawe-Miu ndi Ongkue Kupohaweomo ndi ondae ka domentarimaomo. Domento'orio ntu'u, nine Ongkue hawe inso ndi omiu, ka dompe'ala-alao, nine Omiumo anu tumena Aku.

I YOHANE 3:32

Ondae mesakosii mongkona hapa anu kinita-Do ka anu rinonge-Do, sine nahina maupo te'asa mia tumarimao ponsakosii-Do atuu.

I YOHANE 8:26

Hadio anu asalakono Aku pauo ka bitarao mongkona omiu; sine Ondae, anu tumena Aku mentee Ira, ka hapa anu rinonge-Ku inso ndi Ondae, onae anu Kupauakono wawontolino.”

ROMA 16:25

Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno,

GALATIA 1:12

Hangano komba kutarimao inso a mia, ka komba mia anu paguruakune, sine kutarimao a pepokomengkaa-Do i Yesu Kerisituu.

EPESU 3:3

onaemo ba kana'umpe rahasiano kupinosabaako a mengkaa, kana anu kuburiomo owowa i wawono.

TITU 1:1

Inso ndi Paulu, tetenaa-Do Ue Ala ka tinena-Do i Yesu Kerisituu ka ipekakaakono pompe'ala-alado mia bininiki-Do Ue Ala ka ponto'ori menteea kana anu mengkaa a laro mpesombato,

MENGKAAA 1:19

Onaemo pu'uno buriomo hapa anu ukitaomo, moiko anu gagi kanandio-andio maupo anu ta gagi umarino andio.

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 17:1

Ka i'amba haweomo asa mia inso a opitu mala'eka, anu mpowawa opitu tonde atuu ka motae ndi ongkue, ”Aiwa i ndi'ai, aku tumisoakomu pomputusi a mia tedoa belesu, anu mentoro a mpo'ianga anu hadio uwoino.

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”

MENGKAAA 19:9

Ka i'amba motaeakune, ”Buriomo: Meme'ura iramo anu me'inolu a mpelimbua petaoa-Do Ana Bimba.” Ipotaeakune mbo'u, ”Pau andio mentee, luwuno pau inso ndi Ondae Ue Ala.”

MENGKAAA 21:2

Ka kukitao kota anu mempori, Yerusale anu wo'ohu, metii inso i suruga, inso ndi Ondae Ue Ala, anu meramba-ramba kana umbu ngkoroi beine anu meparakai tiano tamano.

MENGKAAA 21:9

Ka haweomo asa mia inso a opitu mala'eka anu mpo'ini opitu tonde, anu bukeako opitu masolaa poko'ariano atuu, ka i'amba motaeakune, ipotae, ”Aiwamo i ndi'ai, aku tumisoakomu umbu ngkoroi baine, umbu ngkoroi-Do Ana Bimba.”

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.

MENGKAAA 22:16

”Ongkue, i Yesu, montena Akumo mala'eka-Ku ka dompesakosii mongkona luwuno andio ndi omue tiado bawaa. Ongkuemo tumba, onaemo inuleno i Daudi, buntala anu mewanta ntu'u.”

MENGKAAA 22:6

Ka Do'amba motaeakune, ”Luwuno pau andio kona ntu'u ka mentee, ka Ondae i Ue, Ue Ala anu mompowee penaa a luwuno nabi, montena Iramo mala'eka-Do ka dotisoako ira tetenaa-Do hapa anu asalakono ronga gagi.”

MENGKAAA 22:8

Ka ongkue, i Yohane, ongkuemo anu rumongeo ka kumitao luwuno atuu. Ka mansaku rumongeo ka kumitao, menggolontu aku a puu ngkaruno mala'eka, anu tumisoakunemo luwuno atuu, aku mesombaio.

MENGKAAA 22:9

Sine ipotaeakune, ”Si poweweu kanandio! Ongkue onaemo ata, mengkena kana omue ka luwuno pepaekompomu, luwuno nabi ka luwudo anu mentondao luwuno pauno wunta andio. Pesombai Iramo Ue Ala!”

MENGKAAA 4:1

Ka i'amba umarino atuu kukitao: Menteeano, aasa pewowa te'ungkahi i suruga ka suara anu i ndi'upua kurongeomo, motae ndi ongkue kana unino tawuwua, ipotae: Pewuatakomo ramai ka Aku tumisoakomu hapa anu asalakono gagi umarino andio.

MENGKAAA 5:7

Ka i'amba aiwaomo Ana Bimba atuu ka tumarimao paluluno wunta atuu inso a ngkae-Do anu mentoro a wawo ngkadera poparentaa atuu.