KOLOSE 4:6 - Wunta Mempori

⁶ Po'ineeomo luwuno paumiu ka ibukeako koa mpiha pompehohawa, si motewe, ranta ka imento'orio, ba kana'umpe asalakono imesangki ira mia.

KOLOSE 4:6 ပူးပေါင်းရင်းမြစ်များ

1 Tawarika 16:24

Tutuluomo maramba-Do i olono luwuno tongku ka luwuno wineweu-Do anu kinohali-haliako i olono luwuno tongku.

Po'unde-unde 105:2

Penanimo tia-Do, penaniakomo po'unde-unde tia-Do, popauomo luwuno wineweu-Do anu kinohali-haliako!

Po'unde-unde 119:13

Saru wiwiku kupopowali-walio luwuno songka anu pinau-Miu.

Po'unde-unde 119:46

Aku mepau mongkona luwuno pepopoto'ori-Miu i arodo luwuno mokole, ka nahi aku mokoko'ii.

Po'unde-unde 45:2

Aroaku luluaako luwuno pau tekosi, aku mohaweo powadiku ndi mokole; eloku kana penano asa mia puu mpoburi anu pande ntu'u.

Po'unde-unde 66:16

Aiwamo, rongeomo, hei luwumiu anu doitoako Ira Ue Ala, aku tumutuluo hapa anu wineweu-Do a ngkoroiku.

Powadi 10:21

Wiwino mia mentee mompakambi hadio mia, sine mia benge-benge mate hangano nahi pompewowolo molino.

Powadi 15:4

Elo molusa onaemo keu tuwua, sine elo molengku mobelai aroa.

Powadi 15:7

Wiwino mia pande mosongka morawo ponto'oria, sine aroano mia monge-monge komba kanatuu.

Puu Pontutulu 10:12

Pau inso a ngangano mia monto'ori buke pompehohawa, sine wiwino mia benge-benge tumeleo mia atuu.

Yehesikieli 43:24

Omue asalakono wawao i aro-Do i Ue ka luwuno sando mpesomba asalakono mporawo ohia i wawono ka mpesombaakono gagi pesomba tinunu tia-Do i Ue.

Imama 2:13

Sompo pesomba kaangamu asalakono imponaakono ohia. Si mengkolupeo ohia pedandia-Do Ue Alamu inso a mpesomba kaangamu. Ponaakonomo ohia a sompo pesombamu.

I MATIU 5:13

”Omiumo ohiano tolino. Tewala ohia atuu moteweomo, hapamoke ipinokomopa'iako? Nami hina mbo'u tuduno tendeano tinadi ka domelandao mia.

I MARAKUSU 9:50

Ohia lano moiko, sine tewala ohia gagi motewe, saru hapake komiu mpokomopa'iakono? Asalakono ka ihina mpiha ohia a laro ngkoroimiu ka mentuwu mambesintuwu mpiha.”

I LUKASI 4:22

Ka luwuno mia atuu mpementee Ira ka domengkohali-haliakono luwuno pau anu tekosi pinau-Do, ka do'amba mpotae, ”Kombake Ondae andio anano i Yusupu?”

EPESU 4:29

Si hina pau anu mokoburu inso a wiwimiu, sine impepauakomo pau anu moiko anu mompokoroso, ba isua ikinere, ka dompohawe pompehohawa mia anu merongeo.

Winali 11:19

Asalakono imempaguruako ira anamiu saru mempopauo ba impentoro i rahamiu ka ba kontongaamiu pelempa, ba mpepombole komiu ka ba impewangu.

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

1 PETURU 3:15

Sine impokomempori Iramo i Kerisituu i laro aroamiu kana Ondae i Ue! Ka impepatindamo a luwuno tempo ka imesangkio sompo-sompo mia anu mpesikenoakono ndi omiu mongkona pomperorohia anu kongko ndi omiu, sine asalakono temauru ka pompelangkai,