KOLOSE 4:2 - Wunta Mempori

² Imemokua koa mpekakai ka i larono atuu impetangkoro koa saru mpontarimakasi.

KOLOSE 4:2 ပူးပေါင်းရင်းမြစ်များ

Ayubi 15:4

Ka omue mbo'u tumadio doitoa ka mokomakurao pompelangkai ndi Ondae Ue Ala.

Po'unde-unde 109:4

Gagi sulono pompehohawaku domentuluri aku, sine kongkoku mekakai.

I MATIU 26:41

Impetangkoromo ka impekakaimo, ka si ntedonta a mpo'ara-arahakoa: penaa lano metonda, sine koroi molema.”

I MARAKUSU 13:33

”Impopesu'uimo ka impetangkoromo! Hangano nahi imento'orio ba te'ipia ihawe tempono.

I LUKASI 18:1

Dopauako ira i Yesu aasa potundaano ka domento'orio ntu'u, nine asalakono ka dowela mpekakai si donte'osa.

I LUKASI 21:36

Impedaga-dagai mpiha saru mpekakai, ka impohawe roso mentola inso a luwuno anu ta gagi atuu, ka imemoroso mpentade i aro-Do i Ana Manusia.”

WINEWEUDO TINENA 1:14

Luwudo ntepo'asa aroa mpekakai mpiha mperonga-ronga, saru ba opia ira beine saru i Maria, ine-Do i Yesu, ka luwuno pepaekompo-Do i Yesu.

ROMA 12:12

Impo'undemo a laro pomperorohia, imensabaramo a laro ma'isoa, ka si mpenaa-naa mpekakai!

EPESU 6:18

a luwuno pekakai ka po'ema. Impekakaimo sompo tempo a Mpenaa ka impetangkoromo a laro mpekakaimiu atuu saru nahi otu-otu impo'emaako ira luwuno mia mempori,

PILIPI 4:6

Si mporerengkoo mongkona hapamo koa, sine impokomengkaaomo a luwuakoano po'ehemiu ndi Ondae Ue Ala a laro mpekakai ka po'ema saru pontarimakasi.

KOLOSE 1:9

Onaemo pu'uno mompu'u tempono kimerongeo, nahi kimpenaa-naa mpekakaiakomiu. Kime'emao, ka imentarimao mperupa-rupa ponto'ori anu mentee, ka imento'orio koa ntu'u po'ehe-Do i Ue,

KOLOSE 2:7

Impehakamo ndi Ondae ka mewinangu i wawo-Do, po'ineeomo ka ikomoro-morosono pompe'ala-alamiu anu imempinaguruakomo, ka po'ineeomo aroamiu ka ibukeako pontarimakasi.

KOLOSE 3:15

Po'ineeomo rodoa inso ndi Ondae i Kerisituu moparenta i laro aroamiu, hangano onaemo atuu ka imempinoboi gagi aasa koroi. Ka impontarimakasimo.

KOLOSE 3:17

Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

KOLOSE 4:12

Tabeano i Eparasi ndi omiu; onae asa mia inso i olomiu, tetenaa-Do i Kerisituu Yesu, anu mokua wela mekakaiakomiu, ka imemoroso mpentade, gagi mia anu sompo tinuwudo ka anu mpe'ala-alao ntu'u luwuakoano anu po'ehe-Do Ue Ala.

1 PETURU 4:7

Pokotompaano luwuakoano umpedaomo. Onaemo pu'uno imempabawaiomo koroimiu ka impomperodomo, ka impokompekakai koa.

1 Samueli 1:12

Kontongaano wela mekakai ndi Ondae i Ue, i kokontooo i Eli wiwino;

1 Samueli 12:23

Mongkona ongkue, nahi aku tehala ndi Ondae i Ue, hangano menaa-naa aku mekakaiakomiu. Aku paguruakomiu sala anu moiko ka moleo.