KOLOSE 3:22 - Wunta Mempori

²² Hei luwuno ata, impetenunumo a uemiu anu i wawontolino andio a luwuakoano, si komba butu mokonsanaa ira i arodo, tendeano a moleono aroa hangano doitoako Ira i Ue.

KOLOSE 3:22 ပူးပေါင်းရင်းမြစ်များ

Tegagia 42:18

Ia oleo anu ko'otolu i Yusupu motaeako ira, ”Imeweweuomo andio, ka komiu kongko mentuwu. Ongkue andio doitoako Ira Ue Ala.

Nehemia 5:15

Luwuno bupati se'eluno anu mese'elungi aku tedoa mokomobea ira palili. Luwuno bupati atuudo mpo'ala inso a mpalili pato pulu sikala salaka ilarono asa oleo tamoako kaanga ka anggoro. Tamoako miado mokonsii ira palili. Sine, nahi kupoweweu kanatuu hangano kudoitoako Ira Ue Ala.

Nehemia 5:9

Mepau aku mbo'u, ”Nahi pototono hapa anu wineweumiu atuu! Kombake asalakono imentuwu a laro doitoako Ira Ue Alato, kai ntetempu inso a mpopepaukiakodo tongku susua, luwuno iwalito?

Po'unde-unde 123:2

Kitao, kana matado ata ntama te'aro a ngkaeno pe'ueado, kana matano ata beine te'aro a ngkaeno pe'ueano beine, kanatuumo matato te'aro ndi Ondae i Ue, Ue Alato, hawe ka Dopehohawa kita.

Puu Pontutulu 12:13

Poko'ariano pau inso a luwuno anu rinonge onaemo doitoako Ira Ue Ala ka pekariaomo luwuno parenta-Do, hangano andio onaemo anu ta wineweudo sompo mia.

Puu Pontutulu 5:7

Tewala ukitao pompokonsii a mia mongkokolaro i asa po'ianga ka podadaia songka saru moleoa, siimo kohali-haliakono mongkona atuu. Hangano, potoro mantande anu asa dumagaio anu susua, ka potorodo lalu mantande dumagai ira.

Puu Pontutulu 8:12

Maupo mia tehala anu te'asa etumo ipoweweu mosa'o tehine tuwuno, sine kuto'orio mia anu doitoako Ira Ue Ala ta moiko tuwuno, hangano domedoitoakono maramba-Do.

Maleaki 1:6

Asa nana'ote melangkaio amano ka asa ata melangkaio ueno. Tewala Ongkue andio ama, isuake pompelangkai ndi Ongkue? Tewala Ongkue andio ue, isuake doitomiu ndi Ongkue? pau-Do Ueno luwuakoano ndi ondae, hei luwuno sando mpesomba anu mentatao nee-Ku. Sine mpotae komiu, ”Kana'umpeke kimentatao nee-Miu?”

I MATIU 6:22

Mata onaemo huluno koroi. Tewala moiko matamu, mewineomo asa ngkoroimu;

I MATIU 8:9

Hangano ongkue andio mia pinosongkaako ka i totoku hinao sorodadu. Tewala kupotaeakono asa sorodadu atuu: Lako! asalakono onae lumako, ka a asa mia mbo'u: Aiwa! Asalakono onae aiwa, ke a ataku mbo'u: Anggaomo andio! Asalakono i'anggao.”

I LUKASI 6:46

”Tembio ka impebooli ndi Ongkue: Ue, Ue, kahinaano nahi meweweuo hapa anu pinau-Ku?

I LUKASI 7:8

Hangano ongkue andio mia i totono, ka i totoku hinao mbo'u sorodadu. Tewala kupotaeakono aasa sorodadu atuu: Lako!, asalakono onae lumako, ka a aasa mia mbo'u: Aiwa!, asalakono onae aiwa, ke maupo a ataku: Anggao andio!, asalakono i'anggao.”

WINEWEUDO TINENA 2:46

Saru pompedato ka mpe'asa aroa sompo oleo dompepumpu a Raha-Do Ue Ala. Domensiba-sibao roti a sompo-sompo rahado mpe'eu-eu ka mpongkaa mperonga-ronga memawongko ka inso ntu'u i aroado,

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

GALATIA 1:10

Gaagi kana'umpe kanandio-andio: ku'ungkeoke anu inehedo mia ke anu inehe-Do Ue Ala? Mo'arahako akuke ka dome'ineheakune mia? Tewala da mo'arahako aku ka dome'ineheakune mia, ongkue komba tetenaa-Do i Kerisituu.

KOLOSE 3:20

Hei nana'ote, impomperorongeako a mia mota'umiu a luwuakoano, hangano onaemo anu Dopetekosio i Ue.

1 TESALONIKA 2:4

Tendeano, hangano Dopetekona kamimo Ue Ala ka kimempine'ala-alaako Lele Mawongkoa, onaemo pu'uno ka kimpepau, komba mokomawongko ira mia, tendeano mokomawongko Ira Ue Ala anu umara-arahakono aroato.

PILEMO 1:16

komba kana mbo'u ata, tendeano laluaopo sekono ata, onaemo gagi pepaekompo anu pinehohawa, kanatuumo ndi ongkue, tamoako ndi omue, moiko montoda mia maupo ndi Ondae i Ue.