KOLOSE 3:17 - Wunta Mempori

¹⁷ Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

KOLOSE 3:17 ပူးပေါင်းရင်းမြစ်များ

1 Mokole 18:32

Ipontade ira watu atuu gagi meda pontunua pesomba a nee-Do i Ue ka i limbuno meda pontunua pesomba atuu iweweuo pangkoro anu mokompo'ula orua ponsa'u inii.

Powadi 3:6

Pe'ala-ala Iramo a laro ntumuwumu, ka Ira mokomoleoo pesalaamu.

Mika 4:5

Maupo luwuno tongku singge mia melempa a neeno pinesombaino, kita mpelempa a nee-Do Ue Alato kanatuu mpiha ka nahina tampulaano.

I MATIU 28:19

Onaemo pu'uno imelakomo, impokogagi iramo ana guru-Ku luwuno tongku ka imebaho iramo a nee-Do i Ama ka Ana ka Penaa Mempori,

WINEWEUDO TINENA 19:17

Anu gagi atuu domento'orio luwu mia mpo'ia i Epesu, moiko to Yahudi maupo to Yunani, ka medoito iramo luwu ka kotele-telelenomo nee-Do Ue Yesu.

WINEWEUDO TINENA 4:30

Itandeomo kae-Miu mompokotompa mia, ka Ipokohina iramo petondoni ka anu mengkinohali-haliako a nee-Do i Yesu, Tetenaa-Miu anu mempori.”

ROMA 1:8

Amba-ambano ku'unde-unde Ira Ue Ala Ueku mesala ndi Ondae i Yesu kerisituu hangano luwumiu, hangano teleleomo mongkona pompe'ala-alamiu i asa wawontolino.

1 KORINTI 10:31

Sumangki aku: Tewala mongkaako ke mo'inu, ke tewala hinao wineweumu anu susua, weweuomo luwuno atuu melangkai Ira Ue Ala.

EPESU 1:17

ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.

EPESU 5:20

Impotarima kasimo mpiha a luwuakoano a nee-Do Ueto i Yesu Kerisituu ndi Ondae Ue Ala ka Amato

PILIPI 1:11

bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

PILIPI 2:11

ka luwuno elo memangaku, ”Ondaemo i Yesu Kerisituu Ue,” montonda maramba-Do Ue Ala, Ama!

KOLOSE 1:12

ka pontarimakasi saru memawongko ndi Ondae i Ama, anu weweu komiu ka intekona mpohawe tia a hapa anu domempinakosiako mia memempori a poparentaa mewine.

KOLOSE 2:7

Impehakamo ndi Ondae ka mewinangu i wawo-Do, po'ineeomo ka ikomoro-morosono pompe'ala-alamiu anu imempinaguruakomo, ka po'ineeomo aroamiu ka ibukeako pontarimakasi.

KOLOSE 3:15

Po'ineeomo rodoa inso ndi Ondae i Kerisituu moparenta i laro aroamiu, hangano onaemo atuu ka imempinoboi gagi aasa koroi. Ka impontarimakasimo.

KOLOSE 3:23

Hapamo koa anu wineweumiu, imeweweuomo tompaano aroamiu kana tia-Do i Ue ka komba tiano mia.

1 TESALONIKA 1:1

Inso ndi Paulu, i Siliwanu ka i Timotiu a bawaado to Tesalonika anu ndi Ondae Ue Ala Ama ka ndi Ondae Ue Yesu Kerisituu. Pe'aroa ka rodoa kumongkomi komiu.

1 TESALONIKA 5:18

Impontarimakasimo a luwuakoano, hangano onaemo po'ehe-Do Ue Ala ndi omiu a ntepo'asaa ka Ondae i Kerisituu Yesu.

2 TESALONIKA 2:17

po'ineeomo ka itareroo ka mokorosoo aroamiu a anggaa ka pau anu moiko.

IBARANI 1:5

Hangano ndi sema i olodo mala'eka atuudo hori Ira motae, ”Ana-Ku Omue! Kupe'anaakomumo oleo andio?” ka ”Aku gagi Ama-Do, ka Ondae Ira gagi Ana-Ku?”

IBARANI 13:15

Hangano Ondae, onaemo pu'uno aiwamo tompesombaakono pesomba po'unde-unde ndi Ondae Ue Ala, onaemo pinauno wiwi anu umunde-undeo nee-Do.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

1 YOHANE 2:23

Hangano ba isema humapu Ira i Ana, onae mbo'u nahi pe'umbu Ira i Ama. Ba isema umakui Ira Ana, ipe'umbu Ira mbo'u i Ama.

1 YOHANE 3:18

Anaku luwu-luwu, ime'aiwamo tompompehohawa komba saru pau ke elo, sine saru wineweu ka a menteea.