KOLOSE 3:16 - Wunta Mempori

¹⁶ Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

KOLOSE 3:16 ပူးပေါင်းရင်းမြစ်များ

1 Mokole 3:28

Rumongeo pomputusi anu doweeakono mokole, luwuno to Isaraeli gagi iramo pelangkai ira mokole, hangano domengkitao nine ponto'ori inso ndi Ondae Ue Ala kongko i laro aroano ka ipoweweu moleoa.

1 Tawarika 25:7

Ondae saru luwuno pepaekompodo anu mempinaguru iramo mpenani umunde-unde Ira i Ue, luwuno mia anu mempande atuu, porokono rua etu ka halo pulu ka oalu mia.

Nehemia 12:46

Hangano, lano mompu'u i ndi'ipua tempono i Daudi ka i Asapi, hinao petewawado puu mpenani, hinao penani po'unde-unde ka penani po'unde ndi Ondae Ue Ala.

Ayubi 23:12

Parenta inso a wiwi-Do nahi kulimpaio, i laro aroaku kunaao pinau-Do.

Po'unde-unde 119:11

Dandi-Miu kunaao i laro aroaku, ka si kutehala ndi Omiu.

Po'unde-unde 119:54

Luwuno pompakosi-Miu gagi penani po'unde-undeku i tolino anu kupo'iangario kana mia hawe.

Po'unde-unde 138:1

Inso ndi Daudi. Aku montarimakasi ndi Omiu tompaano aroaku, ka menani umunde-unde Komiu i arono pinesombaido luwuno tongku.

Po'unde-unde 28:7

Ondaemo i Ue rosoku ka kantaku; ndi Ondae aroaku mompe'ala-ala ka ongkue tetulungi. Onaemo pu'uno, ka imawongko aroaku ka umunde-unde Ira saru menani.

Po'unde-unde 32:7

Omiumo pewuniaku, a ma'isoa Omiu dumagai aku, Omiu lumimbu aku, ranta kakutola ka mebooli. Sela

Po'unde-unde 71:23

Wiwiku ta kokora-kora mo'unde ka menania-Komiu penani po'unde-unde, sumangaku mbo'u anu Ipotolaomo ta kokora-kora mo'unde.

Powadi 14:8

Ponto'orino anu mentee mia pande onaemo mokonto'orio pesalaano onaeno, sine benge-bengeno mia monge-monge onaemo pompopo'oo.

Powadi 18:1

Mia anu mo'ia asa-asano, mo'ungke ineheno, mosa'ono aroano mansa gagi a sompo pontimbanga.

Penani Maramba 1:1

Penani Maramba inso ndi Solema.

Yesaya 10:2

nahi dompoweeako ira moleoa a mia molema, me'alao tiado mia marasai i olodo bawaa-Ku, ka dome'alao anu ta tiado tuwua beine, ka mpomuru ira nana'ote nahina amado!

Yesaya 26:1

I tempo atuu penani andio ta pinenaniako i wita Yehuda, ”Ndi ontae hinao kota anu moroso, tekaduduiato Dopasaomo i Ue rere watu ka bente.

Yesaya 30:29

Komiu mpenani kana i tempono wongi, tempono mia mpepokomempori tiano porame-ramea, ka aroamu ta mo'unde kana i tempono mia melempa tinondaako siloli ta mewuatako a ntorukuno-Do i Ue, a Ntorukuno Watudo to Isaraeli.

Yesaya 5:1

Aku menaniako penani mongkona pinehohawaku, penanino pinehohawaku mongkona lere anggorono: Pinehohawaku hinao lere anggorono a laano pongku anu mewalo.

Yeremia 15:16

Mansano hinawe luwuno pau-Miu, kumawongkoakono. Pau-Miu atuu gagi ineheku, ka mawongkono aroaku, hangano ongkue wawao nee-Miu, oo Ue, Ue Alano luwuakoano.

I MATIU 26:30

Umari mpenaniako penani po'unde-unde, lumako Iramo i Yesu ka ana guru-Do a Pongku Saitu.

I LUKASI 2:51

Ka Do'amba mekule merongaako ira melako i Nasare; ka kongko Ira mpiha a pompekariado. Ka luwuno anu gagi atuu inaao ine-Do i laro aroano.

I YOHANE 15:7

Tewala mpo'ia komiu i laro-Ku ka pau-Ku mo'ia i laromiu, impo'emamo hapamo koa anu inehemiu, ka komiu mentarimao.

ROMA 10:17

Gaagi, pompe'ala-ala tepu'u inso a mporongea, ka anu rinonge pau-Do i Kerisituu.

ROMA 15:14

Pepaekompoku luwu-luwu, lano kupe'ala-alao ongkueku mongkona omiu, nine omiu mbo'u bukeakoomo moikoa ka luwuno ponto'ori ka imempolio mambe patudu.

1 KORINTI 14:15

Gaagi, hapake asalakono kupoweweu? Aku mekakaiako penaaku, sine aku koa mbo'u mekakaiako pinewowolo molinoku; aku menani ka mo'unde-undeako penaaku, sine aku koa mbo'u menani ka mo'unde-undeako pinewowolo molinoku.

1 KORINTI 14:26

Gaagi kana'umpe kanandio-andio, pepaekompo? Tewala mpepumpu komiu, po'ineeomo sompo-sompo mia hinao pinesombaakono: anu asa mia penani po'unde-unde, anu susua pompaguru, ke pinokomengkaa-Do Ue Ala, ke pompowee mepauako pau penaa, ke pompowee ka ipauo pengkonaano pau penaa, sine luwuno atuu asalakono ka ipinake mowangu.

EPESU 1:17

ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.

EPESU 5:17

Onaemo pu'uno si mebenge-benge, sine impeteahakomo ka imento'orio po'ehe-Do i Ue.

EPESU 5:19

ka impepau-pauakomo po'unde-unde pada omiu, penani pompelangkai ka penani rohani. Impenanimo ka impeboolimo ndi Ondae i Ue tompaano aroamiu.

EPESU 5:26

ka Dopokomemporio, umari-Do mokomempori ira bahoako ira uwoi ka pau-Do,

KOLOSE 1:28

Ondaemo anu pinalelemami, tewala sompo-sompo mia kimempatudu ira ka sompo-sompo mia kimempaguru ira a luwuno ponto'ori, ka kiwawa ira sompo-sompo mia a morosono pompe'ala-ala ndi Ondae i Kerisituu.

KOLOSE 1:9

Onaemo pu'uno mompu'u tempono kimerongeo, nahi kimpenaa-naa mpekakaiakomiu. Kime'emao, ka imentarimao mperupa-rupa ponto'ori anu mentee, ka imento'orio koa ntu'u po'ehe-Do i Ue,

KOLOSE 4:6

Po'ineeomo luwuno paumiu ka ibukeako koa mpiha pompehohawa, si motewe, ranta ka imento'orio, ba kana'umpe asalakono imesangki ira mia.

1 TESALONIKA 1:8

Hangano inso i olomiu ka itelele pau-Do i Ue komba butu i Makedonia ka i Akaya, sine a luwuno po'ianga teleleomo mongkona pompe'ala-alamiu ndi Ondae Ue Ala, onaemo pu'uno siimo kimpompau hapa-hapa mongkona atuu.

1 TESALONIKA 4:18

Onaemo pu'uno imemambe tareroakomo luwuno pau andio.

2 TESALONIKA 3:15

sine si mentuduo kana iwali, sine imengkuahakono kana aasa pepaekompo.

1 TIMOTIU 6:17

Pauako iramo mia mengkaea i wawontolino andio ka si dompompelangka-langkai ka si dompomperorohi a aasa anu nahi manasa kana kaeaa, tendeano ndi Ondae Ue Ala anu a ngkaea-Do moweeakita luwuakoano ka tomentekonaakono.

2 TIMOTIU 3:15

Pewowolo koa mbo'u nine inso kodei uto'oriomo Wunta Mempori anu mokompoweeakomu ponto'ori mentee katumaateko a ntekaduduia hangano pompe'ala-ala ndi Ondae i Kerisituu Yesu.

TITU 3:6

anu Doweeakitamo hangano Ondae i Yesu Kerisituu, Puu pongkaduduito,

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

YAKOBU 5:13

Tewala hinao asa mia i olomiu anu mompemarasai, moikoomo i pekakai! Tewala hinao asa mia anu mo'unde moikoomo i penani!

1 YOHANE 2:14

Kupoburiakomiu, hei luwuno nana'ote, hangano imento'ori Ira i Ama. Kupoburiakomiu, hei luwuno ama, hangano imento'ori Ira, anu kongko Ira inso a pompu'uano. Kupoburiakomiu, hei luwuno mia mongura, hangano memoroso komiu ka pau-Do Ue Ala mo'ia i laromiu ka imenangiomo anu mosa'o.

1 YOHANE 2:24

Ka omiu, hapa anu imerongeomo inso a pompu'uano, asalakono ka ipo'ia mpiha atuu i laromiu. Tewala hapa anu imerongeomo inso a pompu'uano atuu kongko mpiha i laromiu, asalakono komiu koa mpo'ia mpiha i laro-Do i Ana ka i laro-Do i Ama.

1 YOHANE 2:27

Hangano a ngkoroimiu kongko mpiha po'urapi anu imentarimaomo inso ndi Ondae. Onaemo pu'uno nahi ira mempaguru komiu mia susua. Sine ba kana'umpe po'urapi-Do paguru komiu mongkona luwuakoano – ka pompaguru-Do atuu mentee, komba pegaupi – ka ba kana'umpe i ndi'upua Dopaguru komiumo, ka ikanandiomo impo'ia mpiha i laro-Do.

2 YOHANE 1:2

hangano menteea anu mo'ia mpiha i laroto ka anu ta kumongkomi kita ranta nahina tampulaano.

MENGKAAA 14:3

Dompenaniakono aasa penani wo'ohu i arono kadera poparentaa ka i arodo opaa anu tuwu ka mia mempinemota'u atuudo, ka nahina maupo te'asa mia anu mokompepaguruakono penani atuu sangkadio mia asa etu pato pulu ka opaa nsowu anu mentinolosi iramo atuu inso i tolino.

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.