KOLOSE 3:15 - Wunta Mempori

¹⁵ Po'ineeomo rodoa inso ndi Ondae i Kerisituu moparenta i laro aroamiu, hangano onaemo atuu ka imempinoboi gagi aasa koroi. Ka impontarimakasimo.

KOLOSE 3:15 ပူးပေါင်းရင်းမြစ်များ

Po'unde-unde 100:4

Pewinsomo telalo a mpewowa langkai-Do saru penani pontarimakasi, a laro kintala-Do saru po'unde-unde, pontarimakasimo ndi Ondae ka unde-undeomo nee-Do!

Po'unde-unde 107:22

Po'ineeomo dompopesombaako pesomba pontarimakasi, ka paleleo luwuno inangga-Do saru mengkokora-kora memawongko!

Po'unde-unde 116:17

Aku mompesombaako pontarimakasi ndi Omiu, ka aku mebooliakono nee-Do i Ue,

Po'unde-unde 29:11

Po'ineeomo Ondae i Ue ka Dopoweeako ira roso a bawaa-Do, po'ineeomo Ondae i Ue ka Doronso ira bawaa-Do rodoa ka manangai!

Yesaya 26:3

Anu moroso aroano Omiu dumagaiakono rodoa, sintuwu manangai, hangano ndi Omiumo ipompe'ala-ala.

Yesaya 27:5

sangkadio tewala mpo'ungke ira pekaduduia ndi Ongkue ka mpo'ungke manangai saru Ongkue, oo mpo'ungke sintuwu saru Ongkue!”

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 57:19

A wiwido mbo'u miano anu mpo'inombo Aku mokogagio po'unde-unde. ’Rodoa, rodoa manangai tiado anu me'olai ka tiado anu me'umpeda,’ pau-Do i Ue ’Aku mokotompao!’

Yunu 2:9

Sine ongkue, saru po'undeku aku mompesombaako pesomba ndi Omiu; hapa anu kutangao aku umowahio. Inso ndi Ondae i Ue tekaduduia!”

I YOHANE 14:27

Rodoa Kubintaakomiu. Rodoa-Ku Kuweeakomiu, ka hapa anu Kuweeakomiu komba kana anu iweeakomiu wawontolino. Si sala-laro ka mondende aroamiu.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

ROMA 1:21

Hangano maupo domento'ori Ira Ue Ala, nahi dompelangkai Ira kana Ondae Ue Ala ke me'unde-unde Ira. Tendeano pinewowolodo gagi nahina tuduno ka aroado anu monge-monge gagi wongi-wongi.

ROMA 14:17

Hangano Poparentaa-Do Ue Ala komba mongkona kaanga ka inua, sine mongkona menteea, rodoa ka mawongkoa hangano Penaa Mempori.

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

ROMA 5:1

Onaemo pu'uno, ontae anu mempinokomentee hangano pompe'ala-ala, mentuwu kita a laro rodoa saru Ondae Ue Ala hangano Ondae Ueto, i Yesu Kerisituu.

1 KORINTI 10:17

Hangano roti aasa, ka ontae maupo tomehadio, mpe'asa ngkoroi, hangano mpohawe kita luwu tia a roti anu aasa atuu.

1 KORINTI 7:15

Sine tewala mia nahi pompe'ala-ala atuu ineheno teposua, po'ineeomo doteposua; mongkona anu kanandio pepaekompo tama ke beine maluaomo. Sine Ondae Ue Ala moboi komiu ka imentuwu a laro rodoa.

2 KORINTI 4:15

Nde ka igagi luwuno atuu hangano omiu, ka ikolangka-langkaino pompehohawa hangano kohadi-hadiono mia anu mpompe'ala-ala, onaemo ka ikohadi-hadiono anu umunde-undeo maramba-Do Ue Ala.

2 KORINTI 9:11

komiu mempinokokaea a mperupa-rupa pe'aroa, anu mompokohina pontarimakasi ndi Ondae Ue Ala hangano omami.

EPESU 4:16

Insomo ndi Ondae asa ngkoroi, – anu tepotuda moiko ka inonggo gagi aasa hangano pompekakaakono luwuno parewa ngkoroi, menunu saru pinoko'anggano sompo-sompo parewa ngkoroi – montarima tuwuno ka wanguo koroino a laro pompehohawa.

EPESU 4:4

aasa koroi, ka aasa Penaa, ba kana'umpe imempinoboi a aasa pomperorohia anu tewinso a mpoboimiu,

EPESU 5:1

Onaemo pu'uno imegagimo anu metonda Ira Ue Ala, kana nana'ote anu pinehohawa

EPESU 5:20

Impotarima kasimo mpiha a luwuakoano a nee-Do Ueto i Yesu Kerisituu ndi Ondae Ue Ala ka Amato

KOLOSE 1:12

ka pontarimakasi saru memawongko ndi Ondae i Ama, anu weweu komiu ka intekona mpohawe tia a hapa anu domempinakosiako mia memempori a poparentaa mewine.

KOLOSE 2:7

Impehakamo ndi Ondae ka mewinangu i wawo-Do, po'ineeomo ka ikomoro-morosono pompe'ala-alamiu anu imempinaguruakomo, ka po'ineeomo aroamiu ka ibukeako pontarimakasi.

KOLOSE 3:17

Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

1 TESALONIKA 5:18

Impontarimakasimo a luwuakoano, hangano onaemo po'ehe-Do Ue Ala ndi omiu a ntepo'asaa ka Ondae i Kerisituu Yesu.

1 TIMOTIU 2:1

Amba-ambano patuduku: Imewuatakono po'ema, pekakai sapa'a ka pontarimakasi tiado luwuno mia,

1 TIMOTIU 6:12

Petandimo a mpetandia pompe'ala-ala anu mentee ka pete'umalaomo tuwua anu nahina tampulaano. Onaemo atuu ka upinoboimo ka upedandiakomo dandi anu mentee i arodo hadio sakosii.

IBARANI 13:15

Hangano Ondae, onaemo pu'uno aiwamo tompesombaakono pesomba po'unde-unde ndi Ondae Ue Ala, onaemo pinauno wiwi anu umunde-undeo nee-Do.

MENGKAAA 7:12

saru mpotae, ”Ami! Po'unde-unde ka marambaa, ka ponto'ori mentee ka pontarimakasi ka pompelangkai ka pabawa ka roso tia-Do Ue Alato ranta nahina tampulaano! Ami!”