KOLOSE 3:12 - Wunta Mempori

¹² Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

KOLOSE 3:12 ပူးပေါင်းရင်းမြစ်များ

Yesaya 42:1

Kitao, atuu tetenaa-Ku anu inini-Ku, mia bininiki-Ku, anu ndi onae Kupemoikoo. Kunaaomo Penaa-Ku ndi onae, ka ipokomengkaao songka a luwuno tongku.

Yesaya 45:4

Hangano tetenaa-Ku i Yako ka Isaraeli, bininiki-Ku, onaemo ka Kupoboiakomu neemu, ka moweeakomu potoro, maupo nahi uto'ori Aku.

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Yesaya 65:22

Ondae nahi ira mpowangu hapa-hapa ka dompo'iangario mia susua, ka ondae nahi ira mpompaho hapa-hapa, ka domengkaano mia susua wuano; hangano tinuwudo bawaa-Ku ta mengkena melaino tinuwuno keu, ka mia bininiki-Ku ira mperapio inanggano kaedo.

Yesaya 65:9

Aku wanguo inule inso ndi Yako, ka mia anu me'ue ira torukuno-Ku inso i Yehuda; luwuno mia bininiki-Ku ira mpe'ueo, ka luwuno tetenaa-Ku ira mpo'ia i tu'ai.

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Yeremia 31:3

Inso olai Ondae i Ue mepopokita ndi onae: Omue Kupehohawaakomu pompehohawa anu nahina tampulaano, onaemo pu'uno Kupotilaloakono pompehohawa-Ku ndi omue.

Yehesikieli 16:8

Ongkue telalo umpeda ndi omue ka kumitako; mentee ntu'u, omue haweomo a tempono umingki mewowali. Kuwileo hawu-Ku i wawomu ka tumutuwio pinekaria winunimu. Saru mesumpa Ongkue moweweu pedandia saru omue, kanandiomo pau-Do Ue Ala, ka saru atuu omue gagi mia-Ku.

I MATIU 24:22

Ka ba mansa nahi pinoko'owowa tempono, manasa inso a luwuno anu tuwu nahi ta hina anu tekadudui; sine hangano mia mebininiki tempo atuu ta pinoko'owowa tempono.

I MATIU 24:24

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

I MATIU 24:31

Ka Dotena ira mala'eka-Do mpeluarako saru mpopuuri tawuwua anu mongkokongiri unino ka ira mepumpuo luwuno mia bininiki-Do inso a opaa siuno tolino, inso i tompano langi anu aasa hawe i tompano langi anu susuano.

I MARAKUSU 13:20

Ka tewala nahi Dopoko'owowao i Ue tempono, asalakono inso a luwuno anu tuwu nahi ta hina anu tekadudui; sine hangano mia mebininiki anu Dobiniki iramo, Dopoko'owowaomo i Ue tempono.

I MARAKUSU 13:22

Hangano i Mesia mpegaupi ka nabi anu mpegaupi ira mpesabaako ka ira mpoweweu hadio petondoni kinohali-haliako, anu tinoodo bakana mopo'oo ira mia mebininiki.

I MARAKUSU 13:27

Ka i tempo mbo'u atuu Ira metena ka dompeluarako mala'eka-Do ka Ira pumpuo luwuno mia bininiki-Do inso a opaa siuno tolino, inso i tompano tolino hawe i tompano langi.

I LUKASI 1:78

hangano pe'aroa ka pompehohawa inso ndi Ondae Ue Alato, onaemo ka Dohawe kumita kita, mata'oleo mo'oru inso i wawono,

I LUKASI 18:7

Nde nahi Ira mokomenteeo Ue Ala luwuno mia bininiki-Do anu meene ka wongi mpebooli ndi Ondae? Ka nde Ira motuluoke tempo ka Do'amba tumulungi ira?

ROMA 1:7

Ndi omiu luwu anu mpo'ia i Roma, anu pinehohawa-Do Ue Ala, anu mempinoboi ka mempinokogagi mia mempori: Pompehohawa ka pe'aroa kumongkomi komiu ka rodoa inso ndi Ondae Ue Ala, Amato, ka inso ndi Ondae Ue Yesu Kerisituu.

ROMA 13:14

Sine impokogagi Iramo Ue Yesu Kerisituu gagi pepatinda parewa mpetea mewine ka si mpekariao koroimiu ka impotendeo po'eheno.

ROMA 9:11

Hangano tempono napi dopine'anaako nana'ote atuudo ka napi dopoweweu anu moiko ke anu mosa'o, – ka ipinokoroso tinoo-Do Ue Ala mongkona pobiniki-Do, komba me'empehiako wineweu, sine me'empehiako pepoboi-Do –

1 KORINTI 13:4

Pompehohawa atuu sabara; pompehohawa atuu me'aroa; nahi monsiri. Nahi pehamba-hamba ka nahi pompelangka-langkai.

2 KORINTI 6:6

a molinono aroa, ponto'ori, sabaraa, ka pe'aroa; a laro Mpenaa Mempori ka pompehohawa anu nahi po'onde-onde;

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

EPESU 4:2

Iwela koa mpekoko'unduako, memauru, ka sabara. Impopokitaomo pompehohawamiu a laro mongkona mambe tulungi.

EPESU 4:24

ka impokonao mia wo'ohu, anu pinokogagiomo montonda po'ehe-Do Ue Ala a menteea ka memporia anu menteeano.

EPESU 4:32

Sine po'ineeomo ka imemambe pe'aroaako, buke pompehohawa ka mambe'ampuni, kana Ondae Ue Ala Do'ampunikomiumo ndi Ondae i Kerisituu.

PILIPI 1:8

Hangano Ondae Ue Ala sakosiiku ba kana'umpe kutedoa kumekewoiakomiu luwu pompehohawa-Do i Kerisituu Yesu.

KOLOSE 3:10

ka impokonaomo mia wo'ohu anu pinokowo'ohu mpiha ka impohawe ponto'ori anu mentee montonda gambara-Do Anu Mokogagio;

1 TESALONIKA 5:15

Impekokoongakono, ka si hina mia anu mombaloako mosa'o ka anu mosa'o, sine ime'ungkeakono mpiha anu moiko, ndi omiu nte'o'asa mia ka a luwuno mia.

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

2 TIMOTIU 2:10

Onaemo pu'uno kupedatoo tumembio luwuno atuu tiado mia bininiki-Do Ue Ala, ka dompohawe koa mbo'u tekaduduia ndi Ondae i Kerisituu Yesu saru marambaa anu nahina tampulaano.

TITU 1:1

Inso ndi Paulu, tetenaa-Do Ue Ala ka tinena-Do i Yesu Kerisituu ka ipekakaakono pompe'ala-alado mia bininiki-Do Ue Ala ka ponto'ori menteea kana anu mengkaa a laro mpesombato,

1 PETURU 1:2

onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.

2 PETURU 1:10

Onaemo pu'uno, pepaekompoku luwu-luwu, impe'usahamo ntu'u, ka ikomoro-morosono poboimiu ka tebinikimiu. Hangano tewala imeweweuo, nahi komiu hori ntetidu.

1 YOHANE 4:19

Mpompehohawa kita, hangano Ondae Ue Ala tese'elu mehohawa kita.

2 YOHANE 1:13

Tabea ndi omiu inso a luwuno anado pepaekompomiu anu tebiniki.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”