KOLOSE 3:11 - Wunta Mempori

¹¹ mongkona andio nami hina mbo'u to Yunani ke to Yahudi, mia metindi ke mia nahi petindi, to Barabara ke to Sikiti, ata ke mia maradeka, sine luwuno Ondae i Kerisituu ka a luwuakoano.

KOLOSE 3:11 ပူးပေါင်းရင်းမြစ်များ

Po'unde-unde 117:2

Hangano pompehohawa-Do langkai ntu'u ndi ontae, ka petenunu-Do i Ue nahi bali ranta nahina tampulaano. Haleluya!

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 52:10

Dopopokitaomo i Ue kae-Do anu mempori i arono matado luwuno tongku; luwuno tompano tolino kumitao tekaduduia inso ndi Ondae Ue Alato.

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Yehesikieli 47:22

Ka asalakono impetia-tiao gagi tia pusaka i olomiu ka i olodo mia mehawe anu mpo'ia i olomiu, anu mpe'ana i tonga-tongamiu. Ka ondae asalakono imengkita ira kana to Isaraeli ntu'u; mperonga-ronga saru omiu ondae asalakono mpohawe tia pusaka i tonga-tongado suku Isaraeli.

Amosi 9:12

ka domempabawaio anu da mentuwu inso a tongku Edomi ka luwuno tongku anu pinauako nee-Ku,” kanandiomo pau-Do i Ue anu weweuo luwuno andio.

Mika 4:2

”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

I YOHANE 15:5

Ongkuemo keu anggoro ka omiumo luwuno sampano. Ba isema mo'ia i laro-Ku ka Ongkue mo'ia i larono, onae mewua hadio, hangano ba nahi saru Ongkue nahina hapa-hapa pinokoweweumiu.

I YOHANE 17:23

Ongkue i larodo ka Omiu i laro-Ku ka isoompo dontepe'asa, ka ito'orio wawontolino, nine Omiu anu tumena Aku ka nine Ipehohawa ira, mengkena kana Ipehohawa Aku.

WINEWEUDO TINENA 15:17

Ka dome'ungke ira luwu mia susua Ondae i Ue ka luwuno tongku anu nahi domento'ori Ira Ue Ala, anu Kupauo bawaa-Ku kanandiomo pau-Do i Ue anu weweuo luwuno andio,

WINEWEUDO TINENA 28:2

Mia mpo'ia a ntogo atuu ntedoa ira mpe'aroaakami. Pompotuwu ira api langkai ka dome'oluakami luwu melako i tu'ai hangano mompu'uomo usa ka tedoa morini.

WINEWEUDO TINENA 28:4

Mansado mengkitao mia atuudo ule atuu mendoe-ndoe a ngkaeno i Paulu, mpepau-pau iramo pada ondaedo, ”Mia andio manasaomo mia mompepate, hangano, maupo tolaomo inso a ntahi, nahi dopo'ineeo Pe'uea Beine Moleo ba ituwu.”

ROMA 1:14

Ongkue mepasua moiko a nto Yunani, maupo a mia komba to Yunani, moiko a mia tepaguru, maupo a mia nahi tepaguru.

ROMA 10:12

Hangano nahina teposisinggeno olono to Yahudi ka to Yunani. Hangano Ondae Ue Ala anu aasa atuu Ondaemo Uedo luwuno mia, kaeado luwuno mia anu mpebooli ndi Ondae.

ROMA 3:22

onaemo mentee-Do Ue Ala hangano pompe'ala-ala ndi Ondae i Yesu Kerisituu tiado luwuno mia anu mpompe'ala-ala. Hangano nahina teposisinggeno.

ROMA 3:29

Ke Ondae Ue Ala butu koa Ue Alado to Yahudi? Kombake Ondae mbo'u Ue Alado tongku susua? Humbee, mentee. Ondae mbo'u Ue Alado tongku susua!

1 KORINTI 12:13

Hangano a laro aasa Penaa luwuto, moiko to Yahudi, maupo to Yunani, moiko ata, maupo mia maradeka, mebinaho kitamo luwu gagi asa ngkoroi ka luwuto mempinopo'inu inso a aasa Penaa.

1 KORINTI 14:11

Sine tewala nahi kuto'orio pengkonaano pau atuu, gagi aku mia hawe a mia anu mepauako ka onae mia hawe ndi ongkue.

1 KORINTI 7:19

Hangano metindi ke nahi petindi komba kinere. Anu kinere onaemo tumondao luwuno songka-Do Ue Ala.

GALATIA 2:20

maupo kanatuu tuwu aku, sine komba da ongkueku mbo'u anu tuwu, tendeano Ondae i Kerisituu anu tuwu i laroku. Ka tuwuku anu kutuwuako a ngkoroiku kanandio-andio, onaemo tuwu hangano pompe'ala-ala ndi Ondae Ana-Do Ue Ala anu mehohawa akumo ka meweengakono koroi-Do hangano ongkue.

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

EPESU 1:23

Bawaa anu onaemo koroi-Do, onaemo bobotolia-Do, anu buketio luwu ka luwuakoano.

EPESU 2:14

Hangano Ondaemo rodoato, anu mo'asa iramo orua ntia ka anu mobangkuomo rere watu po'oloti, onaemo teposisalaa,

EPESU 2:15

hangano mate-Do kana mia Do'oniniomo songka Taura saru luwuno petena ka pompakosino, ka iwineweu oruano gagi asa mia wo'ohu a ngkoroi-Do, ka hangano atuu mompokohina rodoa,

EPESU 3:17

ranta hangano pompe'ala-alamiu Ondae i Kerisituu mo'ia i laro aroamiu ka impehaka saru mpepu'u a laro pompehohawa.

EPESU 3:6

onaemo nine anu komba to Yahudi, hangano Lele Mawongkoa, megagi ira mbo'u mpompe'umbu pusaka ka luwuno parewa ngkoroi ka mpetonda a laro dandi anu wineeako a ntepo'asaa ndi Ondae i Kerisituu Yesu.

EPESU 6:8

Imento'orio, nine sompo mia, moiko ata, maupo mia maradeka, tewala hinaomo wineweuno anu moiko, onae ta montarima sulono inso ndi Ondae i Ue.

KOLOSE 2:10

ka mempinobuke komiumo ndi Ondae. Ondaemo pu'uno poparenta ka anu mempabawa.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

2 YOHANE 1:9

Sompo mia anu nahi po'ia a laro pompaguru-Do i Kerisituu, sine anu meluarako inso i tu'ai, nahi pe'umbu Ira Ue Ala. Ba isema mo'ia a laro pompaguru atuu, ipe'umbu Ira Ondae i Ama maupo Ondae i Ana.