KOLOSE 3:10 - Wunta Mempori

¹⁰ ka impokonaomo mia wo'ohu anu pinokowo'ohu mpiha ka impohawe ponto'ori anu mentee montonda gambara-Do Anu Mokogagio;

KOLOSE 3:10 ပူးပေါင်းရင်းမြစ်များ

Tegagia 5:1

Ndiomo burino inuleno i Adama. I tempono mia Dopokogagio Ue Ala, onae Dopokogagiomo montonda rupa-Do Ue Ala;

Ayubi 29:14

Ongkue mesangkaako menteea ka moleoa kupokonao kana lemba meloe ka peboo ulu.

Po'unde-unde 51:10

Po'ineeomo kurongeo po'undea ka mawongko, po'ineeomo luwuno wuku anu pinuro-Miu wali mengkokora-kora mawongko!

Yesaya 52:1

Pekaangakomo, Pekaangakomo! Pokonaomo rosomu, hei Sioni! Pokonaomo sangka pinelangkaimu, hei Yerusale, kota anu mempori! Hangano, mia anu nahi petindi ke anu mokoburu nahi ta mewinso mbo'u i laromu.

Yesaya 59:17

Dopokonao moleoa kana lemba labu ka songko tekaduduia a ulu-Do; Dopokonao sangka pombaloa ka mesoumbuako kohili kana lemba meloe.

Yehesikieli 11:19

Aku moweeako ira aroa anu susua ka numaao penaa anu wo'ohu i laro aroado. Aku tumadio inso a ngkoroido aroa anu motea ka moweeako ira aroa anu metenunu.

Yehesikieli 18:31

Tadiomo inso ndi omiu luwuno polalo songka anu wineweumiu ndi Ongkue ka pokowo'ohuomo aroa ka penaamiu! Tembioke asalakono komiu memate, hei suku Isaraeli?

Yehesikieli 36:26

Aku moweeakomiu aroa anu wo'ohu ka penaa anu wo'ohu ilaro aroamiu. Aku tumadio inso a ngkoroimiu aroa anu motea ka moweeakomiu aroa anu molusa.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

ROMA 13:12

Tehineomo wongi, tamo ronga meene. Onaemo pu'uno aiwamo ka tomebintao luwuno wineweu wongi-wongia ka tompokonao parewa mpetea mewine!

ROMA 13:14

Sine impokogagi Iramo Ue Yesu Kerisituu gagi pepatinda parewa mpetea mewine ka si mpekariao koroimiu ka impotendeo po'eheno.

ROMA 6:4

Hangano kanandio mengkinaburu kitamo meronga saru Ondae hangano pebahoa a matea, ka ipengkena kana Dowinangu i Kerisituu inso i olodo mia mate hangano maramba-Do i Ama, kanandio koa mbo'u ontae kita mentuwu a laro ntuwua anu wo'ohu.

ROMA 8:29

Hangano luwuno mia anu bininiki-Do se'eluno, ondae koa mbo'u pinakosi-Do se'eluno ka domegagi kana rupano Ana-Do, ka igagi anu amba-ambano i olodo hadio pepaekompo, Ondae, Ana-Do atuu.

2 KORINTI 3:18

Ka luwuto mpetamiako maramba-Do i Ue saru rupa anu nahi tetutuwi. Ka hangano maramba atuu inso ndi Ondae i Ue anu onaemo Penaa, onaemo ka tomebinali gagi kana rupa-Do, a laro marambaa anu kolangka-langkaino.

2 KORINTI 4:16

Onaemo pu'uno ka nahi motewe aroamami, sine maupo koroi ntolinomami komara-marasaino, sine aroamami pinokowo'ohu sompo oleo.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

GALATIA 3:27

Hangano luwumiu, anu mebinaho ndi Ondae i Kerisituu, imempokona Iramo i Kerisituu.

GALATIA 6:15

Hangano metindi ke nahi petindi nahina pengkonaano, sine anu pinokogagi wo'ohu, onaemo anu hinao pengkonaano.

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

EPESU 2:15

hangano mate-Do kana mia Do'oniniomo songka Taura saru luwuno petena ka pompakosino, ka iwineweu oruano gagi asa mia wo'ohu a ngkoroi-Do, ka hangano atuu mompokohina rodoa,

KOLOSE 3:12

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

KOLOSE 3:14

Ka i wawono luwuno atuu: impokonaomo pompehohawa, gagi powutu anu mompo'asa ka mompokosompo.

PILEMO 1:6

Ka mekakai aku, ka itepo'asaamu a pompe'ala-ala metonda umanggao ponto'oria anu moiko I oloto tia-Do i Kerisituu.

IBARANI 6:6

sine anu humapu Ira mbo'u Ue Ala, nahi ira mempinokowo'ohu tepohona mbo'u kanarau, ranta ka dontepidi, hangano domempaso Ira mbo'u Ana-Do Ue Ala tiano koroido ka mokongkodei Ira i arodo mia hadio.

1 YOHANE 2:3

Ka ndiomo tondonino, nine tomento'ori Ira Ue Ala, onaemo tewala tomentondao luwuno parenta-Do.

1 YOHANE 2:5

Sine ba isema tumondao pau-Do, i larono mia atuu mentee ntu'u sompoomo pompehohawa-Do Ue Ala; onaemo atuu ka tomento'orio, nine mekongko kita i laro-Do.

MENGKAAA 21:5

Ondae anu mentoro a wawo ngkadera poparentaa atuu mepau, ”Kitaomo, Kupokogagio luwuakoano wo'ohu!” Ka pau-Do, ”Buriomo, hangano luwuno pau andio kona ntu'u ka mentee.”