KOLOSE 3:1 - Wunta Mempori

¹ Onaemo pu'uno, tewala mewinangu komiu meronga saru Ondae i Kerisituu, ime'ungkeomo mongkona anu i wawono, a mpo'ianga-Do i Kerisituu, mentoro i koana-Do Ue Ala.

KOLOSE 3:1 ပူးပေါင်းရင်းမြစ်များ

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

Po'unde-unde 16:11

Omiu pauakune sala ntuwua; i aro-Miu hinao mawongkoa anu hadio ntu'u, a ngkae koana-Miu hinao mpiha momoikoa.

Powadi 15:24

Sala ntuwuano mia molino pinewowolono me'aro i wawono, ka i'olaiakono tolinodo mia mate i totono.

Puu Pontutulu 10:2

Aroano mia monto'ori te'aro i koana, sine aroano mia benge-benge te'aro i manggali.

I MATIU 22:44

Mepau Iramo i Ue ndi ondae Ueku: pentoromo i koana-Ku, hawe ka Kunaa ira iwali-Miu a ntoto karu-Miu.

I MATIU 26:64

Sumangki Ira i Yesu, ”Ipauomo. Sine, Kupauakomiu, mompu'u kanandio-andio komiu mengkitao i Ana Manusia mentoro i koana-Do Anu Tedoa Pabawa ka aiwa a wawo nseru i langi.”

I MATIU 6:20

Sine pumpuakonomo koroimu arataa i suruga; i suruga nahi ta sumolangio usu ka ta'ilasi ka mia monako nahi ta kumekeo ka monakoo.

I MATIU 6:33

Sine ime'ungkeomo ari Poparentaa-Do Ue Ala ka mentee-Do, ka luwuno atuu Ira tumiangiakomiu.

I MARAKUSU 12:36

Sekono i Daudi a pontaateno Penaa Mempori motae: Mepau Iramo i Ue ndi ondae ueku: pentoromo i koana-Ku, hawe ka Kunaa ira iwali-Miu a ntoto ngkaru-Miu.

I MARAKUSU 14:62

Sumangki Ira i Yesu, ”Ongkuemo Ondae, ka komiu mengkitao i Ana Manusia mentoro i koana-Do Anu Tedoa Pabawa ka aiwa i tonga-tongano seru i langi.”

I MARAKUSU 16:19

Umari-Do i Yesu mepauako ira kanatuu, tetande Iramo lumako i suruga, ka Do'amba mentoro i koana-Do Ue Ala.

I LUKASI 12:33

Ime'asaomo luwuno arataamiu ka imeweeako iramo mia memongkokolaro! Impoweweumo kadu-kadumiu anu nahi ta teberi, asa arataa anu nahi ta pingko, anu nahi pokorangkuhio mia monako ka anu nahi solangio ane.

I LUKASI 20:42

Hangano i Daudi isa'a pauo a wunta Po'unde-unde: Mepau Iramo i Ue ndi ondae ueku: pentoromo i koana-Ku,

I LUKASI 22:69

Mompu'u kanandio-andio i Ana Manusia mentoroomo i koana-Do Ue Ala Anu Tedoa Pabawa.”

WINEWEUDO TINENA 2:34

Hangano komba i Daudi anu mewuatako i suruga, tendeano onaeno i Daudi motae: Mepau Iramo i Ue ndi ondae ueku:

WINEWEUDO TINENA 7:55

Sine i Setepanu, anu bukeako Penaa Mempori, mentombu i langi, ka i'amba kumitao maramba-Do Ue Ala ka Ondae i Yesu mentade i koana-Do Ue Ala.

ROMA 8:34

Ondae i Kerisituu Yesu, anu umari mate? Tendeano laluaopo mbo'u: anu mewangu Iramo, anu mentoro i koana-Do Ue Ala, anu tendeano gagi Puu Mpo'alaakoto?

ROMA 8:6

Hangano po'eheno tuwu ntolino onaemo matea, sine po'ehe-Do Penaa onaemo tuwua ka rodoa.

2 KORINTI 4:18

Hangano nahi kimperioo anu tengkita, tendeano anu nahi tengkita, hangano anu tengkita sarai koa, sine anu nahi tengkita nahina tampulaano.

EPESU 4:10

Ondae anu metii Iramo, Ondae koa mbo'u anu mewuatako Iramo olaiopo lalu mantande sekonopo luwuno langi, mokobukeo luwuakoano.

EPESU 5:22

Hei beine, petuudumo a ntamamu kana ndi Ondae i Ue,

KOLOSE 2:20

Tewala memate komiumo meronga saru Ondae i Kerisituu ka ntepotola inso a luwuno penaa i wawontolino, tembioke ka impetuundu a mperupa-rupa atora, kana da mentuwu komiu i wawontolino:

KOLOSE 3:2

Impewowoloomo mongkona anu i wawono, komba anu i tolino.

IBARANI 1:13

Ka ndi semake i olodo mala'eka atuudo Dohori mepau, ”Pentoromo i koana-Ku, ranta Kuweweu ira iwali-Miu gagi pelandaano karu-Miu?”

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 10:12

Sine Ondae, mansa-Do mesombaakono butu aasa pesomba hangano hala, mentoro Ira ranta nahina tampulaano i koana-Do Ue Ala,

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 8:1

Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga,

1 PETURU 3:22

anu mentoro i koana-Do Ue Ala, mansa-Do mewuatako i suruga umarino luwuno mala'eka, pabawa ka roso pinokompetenunu ndi Ondae.