KOLOSE 2:7 - Wunta Mempori

⁷ Impehakamo ndi Ondae ka mewinangu i wawo-Do, po'ineeomo ka ikomoro-morosono pompe'ala-alamiu anu imempinaguruakomo, ka po'ineeomo aroamiu ka ibukeako pontarimakasi.

KOLOSE 2:7 ပူးပေါင်းရင်းမြစ်များ

Po'unde-unde 1:3

Onae kana keu, anu pinaho a wiwi waaano uwoi, anu mehasiliako wuano a tempono, nahi ta hori moleu leweno; hapamo koa anu wineweuno mehasili.

Po'unde-unde 92:13

Mia mentee ta mentumba kana keu kuruma, ta tuwu mewalo kana keu arasi i Libano;

Yesaya 61:3

ka moweeako ira ramba-ramba ulu gagi euno awu, lana pakea a mpogawea gagi euno sawu po'inombo, penani po'unde-unde gagi euno roso anu molema, ka dompotaeako ira mia ”keu tarabanti menteea,” anu pinaho-Do i Ue ka mopokitao maramba-Do.

Yeremia 17:8

Onae ta kana keu anu pinaho a wiwi uwoi, anu lumele hakano a wiwi ngkorono, ka nahi ta membasaio haweno mokula oleo, anu leweno kongko molowulu, anu nahi danggara i larono ta'u motu'i-tu'i, ka anu nahi penaa-naa moluarako wuano.

I LUKASI 6:48

onae mengkena saru asa mia anu mowangu raha: Mia atuu kumekeo onda-ondalo ka inaao pondasino a wawo watu. Tempono hawe mowo ka irumpao raha atuu, nahi telelu raha atuu, hangano raha atuu moroso iwinangu.

ROMA 16:25

Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno,

1 KORINTI 1:8

Ira koa mbo'u mokoroso komiu hawe a mpoko'ariano, ranta nahina tataamiu a oleo-Do Ueto i Yesu Kerisituu.

1 KORINTI 15:58

Onaemo pu'uno, pepaekompo anu pinehohawaku, impentademo temoroso, si ntelelu, ka impeteahako mpiha a anggaa-Do i Ue! Hangano imento'orio, nine a ntepo'asaa saru Ondae i Ue pe'iseimiu nahi tetadi-tadi.

2 KORINTI 1:21

Hangano Ondaemo anu mokoroso kami saru omiu ndi Ondae i Kerisituu, onaemo Ondae Ue Ala anu mo'urapi Iramo,

EPESU 3:17

ranta hangano pompe'ala-alamiu Ondae i Kerisituu mo'ia i laro aroamiu ka impehaka saru mpepu'u a laro pompehohawa.

EPESU 4:21

Hangano imerongeomo mongkona Ondae ka mentarimao pompaguru ndi Ondae montonda menteea anu mengkaa ndi Ondae i Yesu,

EPESU 5:20

Impotarima kasimo mpiha a luwuakoano a nee-Do Ueto i Yesu Kerisituu ndi Ondae Ue Ala ka Amato

KOLOSE 1:23

Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

KOLOSE 3:17

Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

1 TESALONIKA 5:18

Impontarimakasimo a luwuakoano, hangano onaemo po'ehe-Do Ue Ala ndi omiu a ntepo'asaa ka Ondae i Kerisituu Yesu.

2 TESALONIKA 2:17

po'ineeomo ka itareroo ka mokorosoo aroamiu a anggaa ka pau anu moiko.

IBARANI 13:15

Hangano Ondae, onaemo pu'uno aiwamo tompesombaakono pesomba po'unde-unde ndi Ondae Ue Ala, onaemo pinauno wiwi anu umunde-undeo nee-Do.

IBARANI 13:9

Si ntepopo'ooako mperupa-rupa pompaguru susua. Hangano anu moiko onaemo, nine aroamiu pinokorosoako pe'aroa ka komba saru mperupa-rupa kaanga anu nahina tuduno ndi ondae anu mentondao luwuno atorano kaanga kanatuu.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

YUDASI 1:12

Ondaemo andio tataa a mpelimbua mambepehohawamiu, nde ondae nahi mokoko'iido mpongkaa hadio ka butu mpekakaakono koroido ondaedo; ondae kana seru anu nahi pe'uwoi, anu telalo ipuurio angi; ondae kana luwuno keu anu i tempo motu'i-tu'i nahi pewua, luwuno keu anu tebuta saru luwuno hakano ka mateomo ntu'u.

YUDASI 1:20

Sine omiu, luwuno pepaekompo anu kinekewoiku, imewanguomo koroimiu omiu-miu me'empehiako pompe'ala-alamiu anu lalu mempori ka impekakaimo a laro Penaa Mempori.

YUDASI 1:24

Ndi Ondae, anu pabawa modagai ka si ntetidu ka anu wawa komiu nahina tataano ka buke mawongkoa i arono maramba-Do,