KOLOSE 2:6 - Wunta Mempori

⁶ Imentarima Iramo i Kerisituu Yesu, Ueto. Onaemo pu'uno po'ineeomo tuwumiu ka kongko mpiha ndi Ondae.

KOLOSE 2:6 ပူးပေါင်းရင်းမြစ်များ

Yesaya 2:5

Hei, suku inuleno i Yako, aiwa tompelempa a laro mewine-Do i Ue!

Mika 4:2

”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”

I MATIU 10:40

Ba isema tumotowo komiu, itotowo Aku, ka ba isema tumotowo Aku, itotowo Ira anu tumena Aku.

I YOHANE 13:20

Kupauakomiu: Menteeano ba isema tumarimao mia anu tinena-Ku, itarima Aku, ka ba isema tumarima Aku, itarima Ira anu tumena Aku.”

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

2 KORINTI 5:7

– hangano tuwumami andio onaemo tuwu hangano pompe'ala-ala, komba hangano mongkita –

GALATIA 2:20

maupo kanatuu tuwu aku, sine komba da ongkueku mbo'u anu tuwu, tendeano Ondae i Kerisituu anu tuwu i laroku. Ka tuwuku anu kutuwuako a ngkoroiku kanandio-andio, onaemo tuwu hangano pompe'ala-ala ndi Ondae Ana-Do Ue Ala anu mehohawa akumo ka meweengakono koroi-Do hangano ongkue.

GALATIA 3:26

Nde luwumiu onaemo ana-Do Ue Ala hangano pompe'ala-ala ndi Ondae i Yesu Kerisituu.

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

PILIPI 1:27

Butu, po'ineeomo tuwumiu ka ipenunu saru Lele Mawongkoa mongkona Ondae i Kerisituu, ka kukitao ba kuhawe, ka tewala nahi kuhawe aku rumongeo, nine moroso impentade a laro aasa penaa, ka mpe'asa aroa mpeteahako tiano pompe'ala-ala anu inso a Lele Mawongkoa,

KOLOSE 1:10

ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

KOLOSE 3:17

Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

1 TESALONIKA 4:1

Poko'ariano, pepaekompo luwu-luwu, kime'emao ka patudu komiu ndi Ondae Ue Yesu: Imerongeomo inso ndi omami ba kana'umpe asalakono imentuwu ka Dopemoikoo Ue Ala. Mongkona atuu lano imentondaomo, sine moikoopo imeweweuo lalu mpopesu'ui mbo'u.

IBARANI 3:14

Hangano mpohawe kitamo tia ndi Ondae i Kerisituu, poolo ka tompe'ini moroso a pompe'ala-alato anu amba-ambano hawe a pokotompaano.

1 YOHANE 2:6

Ba isema motae, nine onae kongko i laro-Do, onae asalakono tuwu mengkena kana Ondae i Kerisituu tuwu Iramo.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

YUDASI 1:3

Luwuno pepaekompo anu kinekewoiku, kontongaaku mompesu'ui meteahako buriakomiu mongkona tekaduduiato luwu, telelu aroaku burio andio ndi omiu ka mompauakomiu, ka imekongko koa mpiha mpeteahako mengkorahakono pompe'ala-ala anu pinohaweomo a luwuno mia mempori.